Ինչ լինում է այնտեղ, քաղաքական կոնտեքստ է դրա տակ, բնականաբար, որպես ապարանցի, իմ միջոցով պետք է գար. Մաթևոս Ասատրյան
«Ժողովո՛ւրդ ջան, ինչո՞ւ են ինձ կապել այդ ամեն ինչի հետ, ես որպես ապարանցի և այնտեղ բնակվող, հիմա ինչ լինում է այնտեղ, քաղաքական կոնտեքստ է դրա տակ, բնականաբար իմ միջոցով պետք է գար, էլ ոնց պետք է գար, նույնը՝ փոխմարզպետքն է»,-ԱԺ-ում ճեպազրույցի ժամանակ պատասխանելով Նիգավանում երկու քաղաքացու սպանության դեպքի վերաբերյալ լրագրողների հարցերին՝ ասաց ՔՊ-ական պատգամավոր Մաթևոս Ասատրյանը:
Նրա խոսքով՝ դեպքը եղել է իրենց մեծ տանը՝ Ապարանում և վերաբերում է բոլոր ապարանցիներին:
Լրագրողի հարցին, թե իր եղբայրը եղե՞լ է այդ մեծ տանը, կրակոցների վայրում, ՔՊ պատգամավորը հայտնեց, որ դեպքի օրը իր եղբայրը մեծ տանն է եղել:
Մաթևոս Ասատրյանը սակայան հաստատեց, որ իր եղբայրը եղել է դեպքին մոտակայքի գազալցակայանում, բայց չպատասխանեց հարցին, թե կրակոցների վայրում եղել է, թե ոչ:
Նա հայտարարեց, որ անթուլատրելի էր առանց իր հետ զրուցելու, իր ընտանիքի մասին նման լուրեր գրելը, այն էլ՝ շատ վատ բառամթերքով:
ՔՊ պատգամավորն ասաց, որ զերծ կման դեպքի մանրամասն անդրադառնալուց՝ այն թողնելով քննչական համակարգին, բայց օգտվելով առիթից ցավակցեց զոհվածների հարազատներին և ապաքինում մաղթեց ծանր վիրավորին:
Նա հայտնեց, որ չգտի, թե ով է այն արել, բայց համոզված է, որ անողը չէր ցանկանում, որ նման ելք լիներ:
«Շահագրգռված եմ, որ այս ամենը բացահայտվի, ինքս ինչով կարողանամ՝ օգնելու եմ։ Ինձ համար ևս շատ ցավալի է այս կորուստը՝ ոչ թե ինձ արդարացնելու համար»,-հայտնեց պատգամավորը։
Պատասխանելով լրագրողի հարցին, թե տարօրինա՞կ չէ, որ դեպքից մեկ շաբաթ անց նույնիսկ պատգամավորի եղբորը, ում անունը ևս շոշափվում է Նիգավանում տեղի ունեցած դեպքերի առնչությամբ, չեն կանչել հարցաքննության՝ Ասատրյանը պատասխանեց. «Ես վստահ եմ, որ անպայման կանչելու են, ինչքանով որ ես տեղյակ եմ՝ բազմաթիվ մարդկանց հարցաքննում են։ Ես, որպես շահագրգիռ կողմ, կողմնակից եմ, որ բացահայտվի միջադեպը։ Ինձ ասում են, որ պրոցեսն առաջ է գնում, շատ ծավալուն գործընթաց է, դրա հետևանքով մինչև այժմ մարդկանց կանչում են հարցաքննության»։
Հարակից հրապարակումներ`
- Ապարանում սպանվածի եղբայր. Պետք է Ռոմանն ընտանիքով հեռանա Ապարանից
- Ապարանում արյունալի իրադարձությունների հետևանքով սպանվածների հարազատները պահանջում են ձերբակալություններ
- «Հրապարակ». Վենդետայի ուրվականն է շրջում մարզում Ապարանում. Գլխավոր մեղավորները դեռ անպատիժ են
- Ապարանի ոստիկանապետն ազատվել է պաշտոնից
- Ոստիկանությունը՝ Նիգավանում հնչած կրակոցների մասին, որոնց հետևանքով կա զոհ և 6 վիրավոր
Լրահոս
Տեսանյութեր
Եթե մտանք նոր սահման գծելու տրամաբանության մեջ, մենք մեր բոլոր սահմանները կկորցնենք. Փաշինյան