Իրենց ասած «խաղաղությունը» ՝ Եռաբլուրինն է, այնտեղ էլ բոլորը լուռ են․ Կարինե Նալչաջյան
Հասարակության աչքերն արդեն բացվել են և հասկանում են, թե ինչ է սպասվում։ Այս մասին Panorama.am -ի հետ զրույցում ասաց հոգեբան Կարինե Նալչաջյանը ՝ վերլուծելով երկրում տիրող իրավիճակի շուրջ հասարակության տրամադրվածությունը։
Նրա խոսքով՝ այսօրվա հասարակությունը նույնը չէ, ինչ երկու կամ երեք տարի առաջ էր։
«Բոլոր պրոցեսները միտված են մեր հասարակության վիկտիմիզացիային։ «Վիկտիմիզացիա» նշանակում է հասարակությանը ներարկել զոհի հոգեբանությւոն՝ դարձնելով հոգեբանորեն զոհեր, խեղճացած, կոտրված ողնաշարով»,- ասաց հոգեբանը։
Նրա դիտարկմամաբ՝ գուցե մենք չգնահատեցին մեր հաղթանակը կամ երկու պետություն ունենալու բերկրանքը, բայց գիտեինք , որ մենք ունենք ուժեղ բանակ , որը դիմադրում է թշնամու ոտընձգություններին։
«Հիմա , ներքին և արտաքին թշնամիներին հաջողվեց նաև պատերազմի հարվածը հասցնելով , մեր ժողովրդին խեղճացնել հոգեբանորեն ՝ նորից ժողովրդի մեջ մտցնելով ոչ լիարժեք լինելու, որ չենք կարող,պարտված ենք․․․ Մենք ունենք ակնհայտ դասական վիկտիմիզացված հասարակություն, քանի որ ընկել ենք զոհի հոգեբանության մեջ»,- ընդգծեց հոգեբանը։
Նալչաջյանի խոսքով՝ թեև անօգնական վիճակում ենք, սակայն հույսը զոհի այն տեսակի մեջ է, որը պատրաստ է մինչև վերջին պահը ողջ պոտենցիալը կիրառել ու պայքարել։
«Եթե լուրջ կազմակերպված պայքար լինի, ինչը ես սպասում եմ ընդդիմադիր հատվածից, անհատ մարդը ինչ անի, ինքնաբուժ միտինգների հույսեր չունենանք։ Տեսեք, մեկ անգամ եղավ, բայց կառավարման հետ կապված խնդիրներ եղան ու մարդիկ հիասթափված գնացին տները։ Գնդակն ընդդիմության դաշտում է, պետք է տարաձայնությունները մի կողմ թողնել ,քանի որ Շեքսպիրի՝ լինել, թե չլինելու հարցի առջև ենք կանգնած»։
Այսուհանդերձ, հոգեբանը տեսնում է հասարակության շրջանում պայքարի պատրաստ որոշակի շերտ։
«Այսօր պետք է ատելությունն ու վերժը պոռթկա, որպեսզի փրկվենք։ Դրա համար հարկավոր է զայրույթ, զզվանք և արհամարհանք։ Այս երեք բաղադրիչների միավորման դեպքում պայթյունը դառնում է անխուսափելի, միայն ժամանակի խնդիր է։ Իսկ հասարակության հետ զրույցներում կարող ենք արձանագրել, որ այս ամենը կան»,- ասաց նա։
Նալչաջյանի համոզմամբ, եթե գործող իշխանությունները հեռացվեն, ապա նույնիսկ հնարավոր է լավատեսորեն նայել ապագային։
«Այս իշխանությունների հետ միայն մահ է։ Իրենց ասած «խաղաղությունը» ՝ Եռաբլուրի խաղաղությունն է, այնտեղ էլ բոլորը լուռ են։ Այսպիսի խաղաղություն են մեզ բերելու»,- եզրափակեց մեր զրուցակիցը։
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ
