«Թիվ 1 մեղավորը և թիվ 1 պատասխանատուն կառավարության գլուխը հանդիսացող Նիկոլ Փաշինյանն է, որը բանակը թիրախավորել է դեռևս 2018-ից»
«Զարթոնք» կուսակցության նախագահ Արա Զոհրաբյանը, որ նախկինում եղել է Փաստաբանների պալատի նախագահը, գրում է.
«ՈՎ Է ԹԻՎ 1 ՄԵՂԱՎՈՐԸ ԵՎ ԹԻՎ 1 ՊԱՏԱՍԽԱՆԱՏՈՒՆ
ՀՀ քննչական կոմիտեի պաշտոնական հաղորդագրության համաձայն՝ «ՀՀ ՊՆ N զորամասի ինժեներասակրավորային վաշտը 2021 թվականի մայիսի 13-ից տեղակայվել է Գեղարքունիքի մարզի Ազատ գյուղի տներից մեկում: Տունը բաղկացած է եղել նախասրահից և երկու սենյակներից, որոնցից մեկը ծառայել է որպես զինանոց, իսկ մյուսը՝ զորանոց, որտեղ տեղադրված են եղել երկհարկանի զինվորական մահճակալներ։ Տան ջեռուցումն իրականացվել է փայտի վառարանի միջոցով, որը տեղադրված է եղել նախասրահում:..»:
Ն.Փ-ն առաջ քաշեց 5 լիտրանոց տարայով բենզինից առաջացած հրդեհից 15 զինծառայողի զոհվելու վարկածը և այն էլ այնպիսի մանրամասնությամբ, որ մի պահ պատկերացրեցի, թե ինչպես է սպան բենզինի վառվող տարան ինքնապահպանման բնազդից դրդված նետում քնած զինվորների վրա ու այդ 5 լիտր բենզինը կրակի հետ հարաբերվելով կարծես դառնում է 50 լիտր ու այդպիսի ծանր հետևանքներ է առաջացնում:
Լուրը հայտնելուն հաջորդեցին պաշտոնանկությունները՝ կորպուսի հրամանատարից սկսած: Իհարկե պաշտոնանկությունները բխում էին «ես ինձ համարում եմ թիվ մեկ պատասխանատուն, բայց չեմ համարում թիվ մեկ մեղավորը» հայտնի կարգախոսից:
Համացանցում ակտիվ քննարկում սկսվեց:
Տարբեր ռազմական փորձագետներ առաջ տարան նաև դիվերսիայի տարբերակը: ՔՊ-ական որոշ շրջանակներ, որոնք դիրքավորված են լիբեռալ գծի մեջ, սկսեցին թիրախավորել Սուրեն Պապիկյանին:
ՀՀ ազգային ժողովի կողմից օրենքով հաստատված Հայաստանի Հանրապետության զինված ուժերի ներքին ծառայության կանոնագիրքը և այլ իրավական ակտեր հստակ կարգավորում են զինծառայողներին զորանոցներում տեղավորելու և այլ հարցեր, ընդհուպ՝ ննջարանում մահճակալների տեղադրման, ննջարանում մեկ անձին հասնող օդի հաշվարկի հետ կապված հարաբերություններ:
Ըստ նշված կանոնագրքի, մասնավորապես՝ (1) ժամկետային ծառայության զինծառայողները տեղավորվում են զորանոցում, (2) մահճակալները պետք է տեղադրվեն դրսի պատերից 50 սմ հեռու, (3) արգելվում է որևիցե մեկին բնակվել ճաշարաններում, հացի գործարաններում, բուժկետերում, կաթսայատներում, արտադրական և պահեստային շինություններում, ակումբներում, հավաքակայաններում և անգարներում, ինչպես նաև զորանոցի ուսումնական և ծառայողական շինություններում:
Վերոգրյալը հաշվի առնելով մի քանի հարցեր են ծագում՝
1) Արդյոք զոհված զինծառայողների կացարանը բավարարում է զորանոցի համար անհրաժեշտ պայմաններին, թե՝ ոչ.
2) Ինչու 2021 թվականի մայիսի 13-ից առ 2023թ. հունվարի 19-ը (1 տարի 8 ամիս) չի լուծվել զինծառայողների զորանոցի հարցը, որը կունենար ավելի անվտանգ ջեռուցման համակարգ, այն դեպքում երբ պաշտպանության նախարարությունը ֆինանսների խնդիր չի ունեցել.
3) Հնարավոր էր արդյոք 5 լիտր բենզինով այդ տարածքներում նման ավերածություն առաջացնել.
4) Ինչու է մարտական առաջադրանքներ կատարող կորպուսի հրամանատարը առանց պատշաճ քննության պաշտոնանկ արվում, երբ առկա է ադրբեջանական ներխուժման ռիսկը.
5) Արդյոք քննարկվել է այն վարկածը, որ սա կազմակերպվել է ադրբեջանական ուժերի կողմից՝ խուճապ առաջացնելու, Բերձորի միջանցքի հարցը երկրորդական դարձնելու և ադրբեջանի համար ոչ ցանկալի բարձրաստիճան զինվորականներից ազատվելու նպատակով:
Սահմանադրության համաձայն Զինված ուժերը Կառավարության ենթակայության ներքո են:
Թիվ 1 մեղավորը և թիվ 1 պատասխանատուն կառավարության գլուխը հանդիսացող Նիկոլ Փաշինյանն է, որը բանակը թիրախավորել է դեռևս 2018 թվականից:
Քանի դեռ Նիկոլ Փաշինյանն է վարչապետը Հայաստանը (Արցախը) ոչ հաղթանակ է ունենալու և ոչ էլ՝ արժանապատիվ խաղաղություն:
❗️ ԻՐ ԳՈՐԾՈՒՄԸ ԹՈՒՅԼ ԼԻՆՈՂՆ ԷԼ ՓՉԱՑՆՈՂԻ ԵՂԲԱՅՐՆ Է (Առակաց 18:9):
Ցավակցում եմ զոհված զինծառայողների ընտանիքներին»։
Հարակից հրապարակումներ`
- Պաշտպանության նախարարը որևիցե ձևով այս ամեն ինչի հետ չի կարող կապ ունենալ. Ալեն Սիմոնյան
- Հրդեհից զոհված 15 զինծառայողների դիերի նույնականացման գործընթացն ավարտվել է. ՔԿ
- Պապիկյանը դեպքի վայր է մեկնել հրդեհից երեք օր անց
- Կկատարվի հոգեհանգստյան կարգ հրդեհից զոհված զինծառայողների համար
- 15 երեխա ողջ-ողջ վառվեցին. Զոհված հերոս Դավիթ Առուշանյանի մայր
- Բյուրականի Սուրբ Հովհաննես Մկրտիչ եկեղեցում կկատարվի հոգեհանգստյան կարգ` ի հիշատակ հրդեհի հետևանքով զոհված 15 զինծառայողների
- Զինվորներից մեկը «Ուրալ»-ով փորձել է քանդել հրդեհվող տան պատը՝ համածառայակիցներին փրկելու համար. ՔԿ
- Պաշտոնից ազատվել է նաև ՀՀ ԶՈՒ թիկունքի վարչության հրդեհային անվտանգության ծառայության պետը. Սուրեն Պապիկյան
- Դատախազությունը՝ 15 զինծառայողի մահվան պատճառ դարձած դեպքի մասին
- Հրդեհները չեն կանխվում ծառայողական քննություններով ու շրջաբերականներով
- ՊՆ զորամասի կացարանում հրդեհ է բռնկվել. զոհվել է 15 զինծառայող, 3-ի վիճակը գնահատվում է ծանր. ՊՆ
Լրահոս
Տեսանյութեր
Գևորգ Դանիելյան. Շատ վատ է, որ մենք չենք օգտագործում Սահմանադրության անվտանգության բարձիկները