Ձեր վստահելի աղբյուրը

«Այստեղ հանգամանորեն ներկայացվեց այն ճանապարհը, որով իշխանության եկան այս շառլատանները, կերտեցին մեզանում ստի կայսրությունը, որի մեջ որևէ առողջ բան, բնականաբար, չի կարող աճել։ Նրանք մահաբեր գոյանքներ են և այս մահաբերները մահաշունչը տարածում են երկրով մեկ»,- այս մասին «Դեմոկրատական այլընտրանք» կուսակցության  նախաձեռնած հավաքի ընթացքում ասաց գրող Խաչիկ Մանուկյանը՝ շարունակելով․

«Ես նրանց ասել եմ՝ քանի դեռ ձեր էդ կեպիները հետ չեք դրել ձեր քյալլեքին, դուք ինձ համար դուխով փալասներ եք։ Իմ ազգին է՞իք խաբում այդ կեպիներով, հենց Էրդողանի ստվերը տեսան միանգամից հանեցին։ Նախորդ հանրահավաքին , երբ մի փոքր ցասումով էի խոսել, քպ-ական դուխով փալասներից մեկը  հայտարարեց՝«եթե իմ ձեռքում զենք լիներ, ես իրենց կոչնչացնեի»։ Ես հակադարձում եմ այդ գոյանքին՝ դուք ո՞վ եք, որ ես ձեզ զենքով ոչնչացնեմ, ես ձեզ առանց զենքի էլ կոչնչացնեմ,բայց իրականում՝ դուք արդեն դիակներ եք, ես գալիս եմ այդ դիակները դուրս բերեմ աթոռների վրայից ու երկիրս ազատեմ մահահոտից։ Եվ սա մենք կարող ենք անել միասին»։

Խաչիկ Մանուկյանն անդրադարձավ նաև Փաշինյան-Ալիև բանակցություններին։
«Նա շարունակում էր գնալ բանակցությունների մի մարդու հետ, որը ստեղծել էր հայ զինվորին ծաղրող պուրակ, որտեղ գալիս էին ադրբեջանցի գոյանքները, բազմում էին զինվորների գլխին, պտտվում, հրճվում․․․ և նրա հետ գնում բանակցում էր, հասկանու՞մ եք։ Հասկանալի է, որ այդ բանակցությունների մեջ որևէ լուրջ բան չի կարող լինել , երբ դու արդեն ծաղրված ես, պարտության սիմվոլն ես։ Բայց իրականում Ալիևը լավ գիտի, որ ինքը չի հաղթել  հայ զինվորին, նա տարածքները ստացել է պատերազմից հետո։ Տարածքների մեծ մասը ստացել է պատերազմից հետո։ Այսինքն՝ սա քաղաքական պարտություն էր, սա քպ-ական պարագլուխների պարտությունն է և պետք է քաղաքական գնահատական լինի, ռազմական օրենքի ողջ խստությամբ պետք է կրեն պատիժը։ Ես կողմ չեմ, որ պետք է հեռանան։ Գան Հայաստանը սարքեն փորձադաշտ, ինճ ուզեն անեն, խմեն հայոց քաջերի արյունը, հեռանա՞ն։ Անգամ նա, որ իրեն հռչակել էր գերագույն գլխավոր հրամանատար, չէր կարողանում զենքով ապահովել առաջին գծում կռվողներին։ Իմ տղան, որը հրամանատար էր ջոկատի, առաջին գծում վերջին և նախավերջին օրը մնացին առանց ռազմամթերք։ Նրանց ընդամենը թուրք դիպուկահարները կարողացել էին բոլորին խոցել քունքից։ Այդ նույն Արևմուտքը, որը հիմա խոսում է դեմոկրատական արժեքներից, բա ու՞ր էր, երբ ՆԱՏՕ-ի անդամ երկիրը հարձակվում էր մի բուռ Արցախի վրա։ Կամ ամիսներ շարունակ Արցախը շրջափակման մեջ էր, չէին կարող ասել՝ այ մարդ, այնտեղ երեխաներ կան, ձեր քաղաքական մտքի պատճառով ինչու՞ են այս երեխաները սոված մնում»,- ասաց նա։

Ավելի մանրամասն՝ տեսանյութում։