Ձեր վստահելի աղբյուրը

Մայիսի 2-ին ազատամարտիկ Իշխան Գևորգյանը կառավարության շենքի դիմաց նստացույց հայտարարեց՝ հասարակությանը կոչ անելով հաշտ չլինել թշնամուն հողերի հանձնման գործընթացի հետ, պայքարել դրա դեմ։ Իշխանն իր ընկերների հետ միացավ Բագրատ սրբազանի շարժմանը և այսօր բոլոր մտահոգ քաղաքացիներին կոչ է նում գալ Հանրապետության հրապարակ՝ մեծ հանրահավաքի։  Ազատամարտիկը «Panorama-հարցազրույց»-ի տաղավարում իր մտահոգությունը հայտնեց իշխանությունների վարած շարունակական պարտվողական քաղաքականության վերաբերյալ։

Ազատամարտիկի խոսքի հիմնական կետերը՝ ստորև.

●Մեր վարքը նման է նրան, որ պատմությունների մեջ ընկած մարդն ապառիկով ինչ-որ բան է վերցնում, արագ վաճառում է, հետագայում 2-3 անգամ շատ է վճարում դրա համար։  Հիմնականում նման բան անում են թղթախաղով տարվածները, թմրամոլները, այսինքը՝ կործանվածները։ Սովորական քաղաքացիները չեն, որ այսօրվա խնդիրը սվաղելու համար, վաղվա 3 անգամ մեծ խնդիր են գլխներին բերում։

●Հայաստանի հանրապետության 4 տարվա վարքը դա է՝ «Արցախը տանք՝ պրծնենք», «Կիրանցը տանք՝ պրծնենք», հետո բերելու են մեզ կռվի ու՝ ավելի բարդ վիճակից։ Այդ մարդիկ էլ են այդ խնդիրն ունենալու, իրենց զավակներն էլ են այդ խնդիրն ունենալու, նաև՝ իրենց ընկերոջ զավակները, անձամբ իրենք։ Մենք մեր վրա զառ ենք խաղում, ամեն տարի մեր երեխաներին ուղարկում ենք, որին կուտի՝ ուրեմն կուտի Ալիևը։ Իմ վրա 4 անգամ ենք խաղացել այդ զառը։ Այդ զառը բոլորի վրա պետք է խաղաղնք։

●Հիմա ինչքան շուտ զարթնենք, այնքան շուտ կկարողանանք այդ ամենի դեմն առնել։ Եթե ոչ ապա Ադրբեջանը «ընտիր», «արդար» թշնամի է, ասել է իր պլանները՝ մինչև վերջ ինչ է անելու և հերթով անում է, ոչ մի սյուրպրիզ չկա։

●Ամեն մեկից խլում են մարդավարի ապրելու շանսը։ մենք մեր հետ չենք կարողանալու ապրենք, տանջվելու ենք, գժվելու ենք։ Արդեն դրա դրսևորումները կան, թե ինչպես են մարդիկ ինքնասպան լինում, ընտանեկան բռնությւոններն են ավելանում, այն ավելի շատ երևում է Արցախի թևի ընկերների վրա, որովհետև նրանք ավելի շատ բան են կորցրել։ Կռվից հետո վիրավոր էր նա ում վրա ծակ կար։ Ոչ մեկսի հոգիները չի ստուգվել՝ վիրավոր էր, թե ոչ։ Մենք մարտական ընկերներով իրար պահել ենք, տեր են եղել, որ ոչ մեկը չգժվի։ Բայց մարտական ընկեր ենք ունեցել, որ Երկրից դուրս էր եղել, այնտեղից էր եկել կռվելու, հետո իմացանք, որ կախվել է։

●Մեզնից խլում են մեր անձնական մարդ լինելուց սկսած՝ մինչև Հայաստանը։ Դրա համար է՝ պետք պայքարել, չհանդուրժել։ Դրա համար պետք չէ մենակ թողնել կիրանցեցի մեր բարեկամին, որովհետև իր տունը մերինից ոչ պակաս է, ոչ ավել։ Այսօր, որ ինքը ոստիկանություն զանգի՝ Կիրանցի այն ճանապարհը փակած ոստիկաննե՞րը պետք է արձագանքեն գողությանը։ Վաղը չէ մյուս օրը, այդ կիրանցեցին, որ զանգի՝ Ադրբեջանը պետք է արձագանքի։ Սահմանադրության պղծում է տեղի ունենալու։ Իսկ եթե չկա կանոնը, որով մենք պետք է իրար հետ ապրենք՝ մնում է իմ ու Ձեր խղճին, իսկ դա ոչ մի լավ տեղ չի տանում, որովհետև լիքը անխիղճ մարդիկ կան։