Ձեր վստահելի աղբյուրը

Ազգային ժողովում Սահմանադրության փոփոխության նախագծի քննարկմանը «Բարգավաճ Հայաստան» խմբակցության անդամ Հայկ Խաչատրյանը չի մասնակցում: Նա թեպետ դեմ է Սահամանդրական բարեփոխումներին, բայց հստակ չի հիմնավորում, թե ինչու է դեմ, չի հիմնավորում, թե ինչու այս պահին բարեփոխումների կարիք չկա:

Նկատենք, որ Հայկ Խաչատրյանը գործնականում խորհրդարանի աշխատանքներին չի մասնակցում, հարցեր չի հնչեցրել, ելույթներ չի ունեցել:

Ավելի վաղ ներկայացրել էինք Հայկ Խաչատրյանի հետ հարցազրույցի առաջին մասը. ստորև` շարունակությունը:

-Պարոն Խաչատրյան, Ազգային ժողովում այս պահին քննարկվում է Սահմանադրության փոփոխությունների նախագիծը: Դուք ի՞նչ դիրքորոշում ունեք նախագծի վերաբերյալ:
-Դեմ եմ:

-Ինչո՞ւ եք դեմ: Կհիմնավորե՞ք ինչու եք դեմ:
-Դե ինչ ասեմ, դեմ եմ էլի սահմանադրական ընտրություններին:

-Սահմանադրական բարեփոխումների՞ն, թե՞ ընտրություններին:
-Դե, ընտրություններին, բարեփոխումներին տարբերություն չկա: Դրա կարիքը չկա: Դրանով ոչ մի հարց չի լուծվըմ:

-Ի՞նչ հարցեր, պարոն Խաչատրյան, ո՞ր հարցն է, որ պետք է լուծվի:
-Ընդհանրապես, իմաստը չեմ տենում Սահամանդրական բարեփոխումների:

-Պարոն Խաչատրյան, դուք ասում եք իմաստը չեք տեսնում բարեփոխումների, բայց չեք հիմնավորում` ինչո՞ւ չեք տեսնում:
-Դե ավելի կարևոր խնդիրներ կան երկրում լուծելու: Օրինակ, ժողովրդի արտագաղթի հարցը պետք է լուծվի, աշխատատեղեր ստեղծվեն: Շատ բաներ կա էլի, որ կարելի ա դրանցով զբաղվել: Էդ Սահմանադրությունով ոչ մի ձև ժողովրդի վիճակը չի լավանա: Ժողովրդի համար ի՞նչ տարբերություն, որ Սահամանդրությունը փոխվի:

-Ժողովուրդը գուցե ցանկանում է, որ փոփոխվի Սահմանադրությունը, կառավարման համակարգը…
-Ժողովուրդն ուզում ա նորմալ ապրի, ժողովրդին սկի չի էլ հետաքրքրում էդի: Եսիմ, ես ինչքան շփվել եմ, դեմ են մարդիկ:

-Պատրաստվո՞ւմ եք Ազգային ժողովում քննարկումներին մասնակցել, Ձեզ տանջող հարցերն ուղղել, պատասխաններ ստանալ:
-Չէ, ես դրա իմաստը չեմ տեսնում:

-Պարոն Խաչատրյան, դուք «Բարգավաճ Հայաստան» կուսակցության ու նաև ԱԺ-ում համանուն խմբակցության անդամ եք, բայց ԲՀԿ-ն չի հայտարարել, որ դեմ է Սահմանադրության բարեփոխումներին: Ինչպե՞ս հասկանանք այդ հակասությունը:
-Նորմալ կուսակցություն ա, այ մարդ: Իմ կարծիքն ըտենց ա, ինձ չեն ստիպում, որ եսիմինչ կարծիք ունենամ, նորմալ դեմոկրատ կուսակցություն ա:

-Ձեր կուսակցության նախագահը չի՞ դժգոհում Ձեր դիրքորոշման պատճառով:
-Չէ, հարգում ա իմ կարծիքը, ասըմա որ դու ըտենց ես մըտածում, անհատ ես որպես մարդ, ըտենց մտածի:

-Իսկ դուք կարո՞ղ է դուրս գաք կուսակցությունից և գործեք որպես անհատ:
-Չէ, դրա կարիքը, իմաստը չկա, որովհետև կուսակցության ներսում լրիվ նորմալ ա հարաբերությունները, էս մի հարցն ա, որ ես խոսքի ուրիշ կարծիքի եմ: Ինձ թվում ա նորմալա էլի: Գտնում եմ, որ ամեն մարդ իրա կարծիքն ունի էլի, մտածելու ունի էլի:

-Հնարավո՞ր է, դուք որպես անհատ, ինչպես դուք եք ասում, միանաք «Ոչ»-ի ճակատին և պայքարեք Սահմանադրական բարեփոխումների դեմ:
-Ժամանակը ցույց կտա: Մի հատ տենանք` ինչ են ներկայացնում վերջնական, հա փոփոխություններ ըլնումա էլի, տենանք ոնց ա ըլնում:

-Կոնկրետ ո՞ր դրույթին եք դեմ, պարոն Խաչատրյան:
-Ընդհանրապես, Սահմանադրական ընտրություններին եմ դեմ: Իմաստը չեմ տեսնում էլի: 100 հատ կարևոր հարց կա, որ կարելի ա դրանով զբաղվել:

-Լավ: Եթե ԲՀԿ-ն վերջնականապես որոշեց, որ պաշտպանում է Սահմանադրական բարեփոխումների ծրագիրը, -կփոխե՞ք Ձեր դիրքորոշումը:
-Չէ:

-Ի՞նչը չէ:
-Իմ դիրքորոշումը: Ես ունեմ իմ դիրքորոշումը:

-Բայց դուրս կգա՞ք կուսակցությունից:
-Ինչի՞ համար: Եթե մարդիկ նորմալ ընդունում են, ասում են` էդ քո կարծիքն ա, ինչի համար դուրս գամ կուսակցությունից:

-Այն բանի համար, որ Ձեր սկզբունքները հակասում են կուսակցության որդեգրած քաղաքականությանը:
-Էդ կապ չունի: Հո բոլորը մի սկզբունքով չպիտի՞ առաջնորդվեն: Մարդիկ իմ սկզբունքները կարան հարգեն, ես իրանցը չհարգե՞մ: Էդ էլ ճիշտ չի էլի: Էդ էն ճակատրագրական հարցը չի էլի, որ ես դուրս գամ կուսակցությունից. Էդքան տարիներ շփվել եմ էդ մարդկանց հետ, էդքան ճանապարհ ենք անցել, էդքան լավ ու վատ օրեր ենք տեսել: Գտնում եմ իմաստ չկա էլի դուրս գալու:

-Իսկ ի՞նչը կարող էր Ձեզ համար ճակատագրական հարց համարվել:
-Սահամանների պաշտպանությունը:

-Պարոն Խաչատրյան, «Հայկական ժամանակ»-ին տված հարցազրույցում դուք ասել էիք, որ Սահմանադրական բարեփոխումների դեմ պետք է փողոցային պայքար սկսել` նշելով, որ «Ուժն է ծնում իրավունք»: Ի՞նչ նկատի ունեք այդպես ասելով:
-Դե, էդի Նժդեհի խոսքն ա, ապացուցված խոսք ա, որ միշտ էլ ուժեղի հետ են հաշվի նստում:

-Դուք բռնության ակնարկնե՞ր եք անում: Ի՞նչ առումով ուժեղի:
-Չէ, ինչ բռնության մասին: Հարցը բռնությունով չի լուծվում: Բացատրական աշխատանքներ պետք ա լինեն մարդկանց համար: Ենթատեքստեր չկան դրա տակ: Մտավոր ուժի մասին եմ ասում: Լավ միտք, արդար միտք ունենա:

-Դուք Ձեզ մտքով ուժեղ մարդ համարո՞ւմ եք պարոն Խաչատրյան:
-Այո:

-Ինչի՞ հիման վրա եք այդպես ասում:
-Դե, ասենք…

-Օրինակ, դուք Սերվանտես կարդացե՞լ եք…
-Չէ, խորհուրդ ե՞ք տալիս (ժպտում է):

-Ցանկալի էր իմանալ, թե ինչի հիման վրա եք Ձեզ մտավոր ուժեղ մարդ համարում:
-Դե, ցավդ տանեմ, ի՞նչ ես ուզում ինձանից: Որովհետև մտքից թույլ չեմ:

Հարակից հրապարակում`
Հայկ Խաչատրյանը չկարողացավ հիմնավորել, թե ինչու է դեմ սահմանադրական փոփոխությունների նախագծին