««Հիմնադիր խորհրդարանի» դանակահարված անդամին այս պահին վիրահատում են»
Գյումրիում «Հիմնադիր խորհրդարանի» հանրահավաքի ժամանակ դանակահարված «Հիմնադիր խորհրդարանի» պատգամավոր Հրաչիկ Միրզոյանին այս պահին վիրահատում են: Panorama.am-ի հետ զրույցում տեղեկացրեց «Հիմնադիր խորհրդարանի» անդամ Վարուժան Ավետիսյանը:
Ըստ նրա, Հրաչիկ Միրզոյանին շտապ բուժօգնության մեքենայով ձախ կողային հատվածում կտրող-ծակող վերքով տեղափոխել էին «Գյումրի» բժշկական կենտրոն:
«Բժիշկն ասաց, որ շտապ վիրահատության անհրաժեշտություն կա ու տարան վիրահատարան»,- ասաց Վ. Ավետիսյանը:
Հիշեցնենք, որ այսօր Գյումրիի Թատերական հրապարակում տեղի ունեցավ «Հիմնադիր խորհրդարանի» հանրահավաքը, որի ընթացքում միջադեպեր գրանցվեցին. նախ մասնակիցների, ելույթ ունեցողների վրա մի քանի երիտասարդ ձվեր նետեցին, այնուհետև հայտարարեցին, որ դանակահարել են Հրաչիկ Միրզոյանին:
«Հիմնադիր խորհրդարանից» հայտնում են, որ նախքան շտապ օգնության ժամանելը, Հրաչիկ Միրզոյանը ճանաչել է իրեն դանակահարող անձին։
Նախորդող հրապարակում՝
Միջադեպեր՝ «Հիմնադիր խորհրդարանի» հանրահավաքի ժամանակ. «Ոստիկաններ, դուք դեկորացիա չեք այս հրապարակում»
Հիմնադիր խորհրդարանը Գյումրիում է. «Օր առաջ երկրում ձևավորել յուրայինների պետություն»
Լրահոս
Տեսանյութեր
Քաղտեխնոլոգ. Մոսկվայում Ալիևը հրաժարվեց վճարել խաղաղապահների՝ Արցախից դուրս գալու գինը