Հայաստանի հերթական պարտությունը ՄԻԵԴ-ում. այս անգամ հաղթել են եհովականները
Մարդու իրավունքների եվրոպական դատարանում (ՄԻԵԴ) Հայաստանը հերթական պարտությունն է կրել. այս անգամ հաղթողները «Եհովայի վկաներ» կազմակերպության 19 անդամներ են:
Այդ մասին տեղեկանում ենք ՄԻԵԴ պաշտոնական կայքէջից:
«Հ. Խաչատրյանը և մյուսները» գործով անցնող հայցվորները երիտասարդ տղաներ են Երևան, Արթիկ, Մարտունի, Հրազդան և Վանաձոր քաղաքներից ու Բաղրամյան, Զոլաքար գյուղերից: Դեռևս 2004-ին նրանք դիմել են իշխանություններին և «Այլընտրանքային ծառայության մասին» օրենքի պահանջով զինվորական ծառայության փոխարեն անցել են այլընտրանքային ծառայության հիվանդանոցներում, տուն-ինտերնատներում: Նրանք նշել են, որ այլընտրանքային ծառայությունն իրականում քաղաքացիական ծառայություն չէ և 2005-ի մայիս-հունիսին նրանք տեղեկացրել են համապատասխան կառույցներին. քանի որ այլընտրանքային ծառայությունը եղել է բանակի վերահսկողության տակ, իրենք չեն շարունակում ծառայել և լքել են իրենց ծառայության վայրերը: Մի քանի ամիս կալանքի տակ գտվելուց հետո նրանց նկատմամբ հարուցվել է քրեական գործ` ծառայության հաստատություններն ինքնակամ լքելու համար, որը հետագայում կարճվել է:
«Հ. Խաչատրյանը և մյուսները» գործով հայցվորները բողոքարկում են կալանքի մասին որոշումը, որով խախտվել է Մարդու իրավունքների և հիմնարար ազատությունների եվրոպական կոնվենցիայի 5-րդ հոդվածի 1-ին մասով սահմանված ազատության և անձեռնմխելիության իրավունքը, ինչպես նաև 5-րդ մասով սահմանված` անօրինական կալանքի համար փոխհատուցման իրավունքը:
Եվրոպական դատարանը գտել է, որ տեղի է ունեցել Մարդու իրավունքների և հիմնարար ազատությունների եվրոպական կոնվենցիայի 5-րդ հոդվածի 1-ին, 3-րդ և 5-րդ մասերի խախտում:
Դատարանը պարտավորեցրել է Հայաստանի կառավարությանը յուրաքանչյուր հայցվորին վճարել 6000-ական եվրո որպես բարոյական վնասի փոխհատուցում և նրանց բոլորին միասին 10.000 եվրո՝ որպես ծախսերի փոխհատուցում:
Միայն այս տարվա ընթացքում Մարդու իրավունքների եվրոպական դատարանում Հայաստանի դեմ կայացվել է շուրջ 11 վճիռ:
Անցած 10 տարիներին Հայաստանի Հանրապետությունից ՄԻ եվրոպական դատարան ուղղարկված հարյուրավոր հայցերով ընդհանուր առմամբ պետությունից պահանջվել է 15.309.867,30 ԱՄՆ դոլար փոխհատուցման գումար: Եթե համեմատենք արտարժույթի այսօրվա փոխարժեքներով (1 դոլարը՝ 405,47 դրամ, 1 եվրոն՝ 527,03 դրամ), ապա կարելի է նշել, որ հայցվորների պահանջների ընդհանուր ծավալը կազմել է 11.778.631 եվրո:
Հարակից լուրեր. Եվրադատարանում պարտության համար պետությունը պետք է պատասխանատու լինի, ոչ թե դատավորը. Արա Ղազարյան
ՀՀ կառավարությունը պետք է 31 հազար եվրո փոխհատուցի ընդդիմադիր գործչին. Եվրադատարանն է որոշել
«Ախր, դաս չի լինում սրանց». Մալխասյանը գոհ է Եվրադատարանի կայացրած որոշումից
Հայաստանի կառավարությունը պարտվում է ՄԻԵԴ-ում. Փաստաբանները պահանջում են պատժել մեղավորներին
Վահե Գրիգորյանն ընդդեմ ՀՀ կառավարության. Հերթական հաղթանակը ՄԻԵԴ-ում
Փաստաբան Վահե Գրիգորյանի գործը` շրջադարձայի՞ն. Կառավարությունը սկսել է քայլեր ձեռնարկել
Լրահոս
Տեսանյութեր
Ոստիկանները Բագրատ Սրբազանին և ԱԺ պատգամավորներին թույլ չեն տալիս մուտք գործել Կիրանց