Արփինե Հովհաննիսյան. Բերդ և Նոյեմբերյան համայնքների մեր քաղաքացիները կխնայեն ժամանակ և ռեսուրսներ
«Ուրախ եմ տեղեկացնելու, որ Տավուշի մարզի սահմանամերձ Բերդ և Նոյեմբերյան համայնքների «Հայփոստ»-ի բաժանմունքներում արդեն գործարկվել են պետական ծառայությունների մատուցման միասնական գրասենյակներ: Դա նշանակում է՝ այդ համայնքների մեր քաղաքացիները կխնայեն ժամանակ և ռեսուրսներ»,-ֆեյսբուքյան իր էջում գրել է արդարադատության նախարար Արփինե Հովհաննիսյանը:
Նախարարը հիշեցրել է՝ երեք ամիս առաջ, երբ մեկնարկում էր «միասնական գրասենյակներ» ծրագիրը, առիթ եմ ունեցել նշել, որ այն զգալիորեն հեշտացնելու է պետական մարմիններին դիմելու ընթացակարգը մարզերի բնակչության, հատկապես՝ սահմանամերձ և հեռավոր համայնքների բնակիչների համար: Այն հնարավորություն է ընձեռում քաղաքացուն իրեն անհրաժեշտ այս կամ այն փաստաթուղթը (չդատվածության տեղեկանք, ամուսնության բացակայության տեղեկանք և բազմաթիվ այլ փաստաթղթեր) ստանալու համար չգնալ մարզկենտրոն կամ Երևան, այլ` դիմում ներկայացնել, օրինակ, մոտակա «Հայփոստի» գրասենյակ և այնուհետ՝ այնտեղից ստանալ պատրաստի արդյունքը:
«Ինչպես գիտեք, միասնական գրասենյակներ գործում են նաև Երևանում, Արմավիրի, Շիրակի, Կոտայքի, Արարատի, Արագածոտնի, Գեղարքունիքի, Տավուշի և այլ մարզերում:
Մեծապես կարևորում եմ նաև, որ բացի պաշտոնական իրազեկումից մեզանից յուրաքանչյուրը ևս այս հնարավորության մասին տեղեկացնի մեր քաղաքացիներին իրեն հասանելի եղանակներով:
Գործարկված գրասենյակների հասցեներին և մատուցվող ծառայություններին առավել մանրամասն կարող եք ծանոթանալ այս հղումով»,-գրել է նախարարը:
Հարակից հրապարակումներ`
- «Հայփոստի» Գառնիի փոստային բաժանմունքում գործարկվել Է պետական ծառայությունների մատուցման միասնական գրասենյակ
- ԱՆ. Պետական ծառայությունների մատուցումն այսուհետ ավելի մոտ կլինի ՀՀ քաղաքացիներին
- Պետական ծառայությունները՝ կառավարության լիազորած օպերատորների միջոցով
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին