«The Washington Post». Պուտինի արկածախնդրության գինը
«The Washington Post»-ն անդրադարձել է Ուկրաինայում տեղի ունեցող ներքաղաքական զարգացումներին, այդ հարցում ՌԴ նախագահ Վլադիմիր Պուտինի դերակատարությանն ու «Պուտինի արկածախնդրության գինը» վերնագրով հոդված տպագրել:
Ստորև ներկայացնում ենք հոդվածը՝ որոշ կրճատումներով:
«ԱՄՆ նախագահ Օբաման Ուկրաինայի ճգնաժամում տեսնում է հետաքրքրությունների անհամաչափություն, իսկ Ռուսաստանի նախագահ Պուտինի համար Ուկրաինայի ապագան ավելի մեծ նշանակություն ունի: Պուտինի համար այն գոյատևման հարց է, իսկ Արևմուտքի համար ոչ այնքան:
Ահա թե ինչպիսի ռիսկերի դեմ առ դեմ կկանգնի Պուտինը, եթե նա ճգնաժամի դադարեցման ուղղությամբ քայլեր չձեռնարկի:
Գերմանիայի կանցլեր Անգելա Մերկելը Ռուսաստանի ուժի կիրառման դեմ դուրս կգա, և նույնիսկ Չինաստանը, որը սովորաբար իր հարևաններին չի ահաբեկում, անհանգիստ է:
Սպիտակ Տունը կարծում է, որ Պուտինի երեք տարբերակ ունի և այս բոլոր տարբերակներն էլ վատ ազդեցություն կունենա Արևմուտքի վրա:
● Դաշնային Ուկրաինան կթեքվի Ռուսաստանի կողմը: Գործող կառավարությունը Կիևում ազդանշան է տվել, որ նա կարող է շարժվել այդ ուղղությամբ՝ հետևելով արևելյան Ուկրաինայում տեղի ունեցող իրարանցմանը: Պուտինը ցանկանում է ապակենտրոնացման ծրագիր:
● Արևելյան Ուկարինայի բռնակցում՝ Ղրիմի մոդելի նման: rուսամետ «ցուցարարները», որոնք զավթել են Դոնեցկի, Խարկովի և արևելյան այլ քաղաքների շենքերը, արդեն պահանջել են Ռուսաստանին միանալու հանրաքվե կազմակերպել, որը Ղրիմի նախերգանքն է համարվում: Պետքարտուղարությունը նշում է, որ ցուցարարները գործում են ռուսական հատուկ ծառայությունների ղեկավարության ներքո:
● Օգտագործելով արևելյան Ուկրաինայում քաղաքացիական պատերազմի պատրվակը այն զավթել:
ԱՄՆ-ի վերլուծաբանները կարծում են, որ Պուտինը կընտրի չզավթելու տարբերակը: Նա նախընտրում է լեգիտիմության երևութականությունը, և որպես նախկին հետախուզական սպա բնազդները կմղեն նրան դեպի ռազմականացված ծածուկ գործողությունների, այլ ոչ թե տանկերի տեղակայում միջազգային սահմանին:
Օբամայի ռազմավարությունն էլ հետևյալն է՝ այնպես անել, որ Պուտինն իր արկածախնդրության համար երկար ժամանակ պատասխան տա»:
Նախորդիվ՝
«Foreign Policy». Արդյո՞ք Պուտինը պատմական, դասական սխալների զոհ կդառնա
«The Wall Street Journal». Պուտինը գործում է, Օբաման՝ գնահատում
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ