Վարչապետին զարմացրել է օրենքի որոշ մանրամասներ
ՀՀ վարչապետ Հովիկ Աբրահամյանը խոստացել է ուսումնասիրել «Շրջանառության հարկի մասին» օրենքի դեմ բողոքող ցուցարարների ներկայացրած առաջարկները: Այս մասին վարչապետի մոտ տեղի ունեցած հանդիպումից հետո հայտարարեց ակցիայի մասնակիցներից Սամսոն Գրիգորյանը:
Հիշեցնենք, որ Կառավարության շենքի մոտ այսօր բողոքի ակցիա իրականացնող առևտրականներից երեքը հանդիպել են վարչապետի հետ, որպեսզի նրան ներկայացնեն «Շրջանառության հարկի մասին» օրենքում իրենց առաջարկությունների փաթեթը:
«Վարչապետին ներկայացրեցինք մեր առաջարկները: Վարչապետը շատ զարմացած էր և տեղյակ չէր բազմաթիվ մանրամասների մասին»,- ասաց Ս.Գրիգորյանը` հավելելով, որ վերջինս լսել է նրանց, ընդունել առաջարկները և ասել, որ դրանք մանրամասն կուսումնասիրվեն և խոստացել է, որ 3-4 օրից բոլոր հարցերին պատասխան կտրվի:
Ս. Գրիգորյանը ակցիայի մասնակիցներին հորդորեց աշխատել նույն ոգով և սպասել Կառավարության արձագանքին:
Հարակից հրապարակում`
Ցուցարարները օրենքում փոփոխությունների իրենց փաթեթը կներկայացնեն անձամբ վարչապետինՇարունակելու ենք պայքարն այնքան ժամանակ, քանի դեռ կառավարությունը խնդրին լուծում չի տվել. Ակցիայի մասնակիցներ
Լրահոս
Տեսանյութեր
«Տավուշը հանուն հայրենիքի» շարժման անդամները քայլերթով գալու են Երևան. Բագրատ Սրբազան