Ձեր վստահելի աղբյուրը

Հայաստանի արտաքին գործերի նախարար Էդվարդ Նալբանդյանը հանդիպել է պաշտոնական այցով Երևանում գտնվող Ֆրանկոֆոնիայի միջազգային կազմակերպության գլխավոր քարտուղար Միկայել Ժանին։ Այս մասին հայտնում են ՀՀ ԱԳՆ մամուլի, տեղեկատվության և հասարակայնության հետ կապերի բաժնից: 

Ողջունելով հյուրին՝ նախարար Նալբանդյանը օրինակելի է գնահատել Հայաստանի և Ֆրանկոֆոնիայի միջազգային կազմակերպության քարտուղարության միջև հաստատված համագործակցությունը՝ նշելով, որ Հայաստանի կողմից Ֆրանկոֆոնիայի նախարարական համաժողովի հյուրընկալումը պարտավորեցնում է առավել ակտիվ ջանքեր գործադրելու Ֆրանկոֆոնիայի նպատակների իրականացման ուղղությամբ։

Շնորհակալություն հայտնելով նախարարական համաժողովը բարձր մակարդակով անցկացնելու համար՝ Ֆրանկոֆոնիայի միջազգային կազմակերպության գլխավոր քարտուղարը ողջունել է Հայաստանի ակտիվ դիվանագիտությունը, ինչը վկայում է այլ երկրների հետ հարաբերությունները զարգացնելու Հայաստանի հետևողական ջանքերի մասին, բացելու աշխարհը Հայաստանի համար, իսկ Հայաստանն՝ աշխարհի։

Նա արժևորել է Հայաստանի Հանրապետության Ֆրանկոֆոնիայի գործունեության բոլոր ուղղություններով՝ նշելով, որ հայկական կողմի որդեգրած բաց քաղաքականությունն ամուր հիմքեր է ստեղծում միջազգային գործընկերության զարգացման համար։

Հանդիպմանը նախարարը և գլխավոր քարտուղարը քննարկել են Կազմակերպության օրակարգին վերաբերող հարցերի լայն շրջանակ, ֆրանկոֆոն տարածաշրջանում տեղի ունեցող գործընթացները եւ կառույցի առջեւ ծառացած խնդիրների լուծմանն ուղղված քայլերը։ Նախարար Նալբանդյանը ևս մեկ անգամ վերահաստատել է Հայաստանի հանձնառությունը և պատրաստակամությունը շարունակելու սերտ աշխատանքները կազմակերպության համապատասխան կառույցների հետ։

Զրուցակիցներն ամփոփել են Երևանում կայացած Ֆրանկոֆոնիայի միջազգային կազմակերպության նախարարական համաժողովի արդյունքները։ Երկուստեք ընդգծվել է համաժողովի ավարտին ընդունված հինգ բանաձևերի առանցքային նշանակությունը, որոնք կոչված են առավել ամրապնդելու և խորացնելու համագործակցությունը Ֆրանկոֆոնիայի անդամ-երկրների միջև, միջազգային և տարածաշրջանային կազմակերպությունների հետ, ինչպես նաև` մշակելու մարդկության առջեւ առկա և մարտահրավերներին արձագանքելու լուծումներ։

Համաժողովի՝ ցեղասպանության կանխարգելման մասին բանաձևի համատեքստում նախարար Նալբանդյանը շնորհակալություն է հայտնել գլխավոր քարտուղարին՝ Հայոց ցեղասպանություն վերաբերյալ սկզբունքային դիրքորոշման համար։ Իր հերթին գլխավոր քարտուղար Միկայել Ժանը նշել է, որ Հայոց ցեղասպանության վիշտը միայն հայ ժողովրդի ցավը չէ, այն ողջ առաջադեմ մարդկության ցավն է, որի մասին է վկայում նաև նախարարական խորհրդաժողովի մասնակիցների այցելությունը Հայոց ցեղասպանության զոհերի հիշատակին նվիրված հուշահամալիր։

Նախորդող հրապարակումներ՝
Բաքուն խոչընդոտում է խնդրի խաղաղ կարգավորման ուղղությամբ միջազգային հանրության ջանքերը. Նալբանդյան
ՖՄԿ ԱԳ նախարարների համաժողովին ընդունված բանաձևերից մեկը նվիրված էր ցեղասպանությունների կանխարգելմանը. Նախարար
ՀՀ նախագահ. մեր երկիրը հավատարիմ է ֆրանկոֆոն ընտանիքը միավորող արժեքների խրախուսման իր հանձնառությանը
Ֆրանկոֆոնիայի ԱԳ նախարարի երևանյան համաժողովն ավարտվեց. «Հույս ունենք հաջորդ համաժողովներն էլ այսկերպ կազմակերպված կլինեն»
Է. Նալբանդյան. Ֆրանկոֆոնիայի ԱԳ նախարարների համաժողովին ընդունվել է ՀՀ կողմից ներկայացված նախագծերը
Հայոց ցեղասպանությունը իսկական դաս է ներկա և ապագա սերունդներին. Ֆիլիպ Քուիյար
Սենեգալի արտգործնախարար. Մշակութային երկխոսությունը կարևոր է ատելության հաղթահարման համար
Մեր նախաձեռնության միջոցով արտահայտվում է Հայաստանի խորը նվիրվածությունը ֆրանկոֆոնիային. ԱԳ նախարար
Նալբանդյանը համաժողովի մասնակիցներին հիշեցրեց Հայաստանի կոչումը, առաքելությունը
Ժողովրդավարությունը փոփոխական երկրաչափության սկզբունք չէ, որ ընդունենք կամ մերժենք. Միկայել Ժան
Հայաստանը ուժի, հպարտության, արիության, հաղթանակի խորհրդանիշ է. Ֆրանկոֆոնիայի միջազգային կազմակերպության գլխավոր քարտուղար
Սերժ Սարգսյան. Հանդուրժողականության, ժողովրդավարության սկզբունքների վրա հիմնված հասարակության կառուցումը մեր բոլորի նպատակն է
Կարևոր իրադարձություն մեր կազմակերպության և Հայաստանի համար. Միկայել Ժան