Ձեր վստահելի աղբյուրը

Հայաստանն Արևելյան Եվրոպայի վերջին երկրներից է, որտեղ ներդրվում է պրոբացիայի պետական ծառայությունը: Ազգային ժողովում ներկայացնելով «Պրոբացիայի մասին և պրոբացիայի պետական ծառայության մասին» և հարակից օրենքների նախագծերի փաթեթը, ասաց ՀՀ արդարադատության նախարար Արփինե Հովհաննիսյանը:

Նա նշեց, որ պրոբացիայի պետական ծառայության ստեղծումը նախատեսված է ՀՀ նախագահի 2012 թ. հունիսի 30-ի իրավական և դատական բարեփոխուﬓերի 2012-2016 թթ. ռազմավարական ծրագիրը և ծրագրից բխող ﬕջոցառուﬓերի ցանկը հաստատելու մասին հրամանագրի հավելվածով: Ըստ նախարարի, այս նախագծերի փաթեթի ներկայացումը պայմանավորված է նաև ﬕջազգային պարտավորութունների կատարմամբ:

Ա.Հովհաննիսյանն ասաց, որ ներկա պահին արդարադատության նախարարության համակարգում  գործող քրեակատարողական վարչությունում կա այլընտրանքային պատիժների իրականացման ստորաբաժանում, որն իրականացնում է այն պատժատեսակները, որոնք կապված չեն ազատազրկման հետ՝ տուգանք, հանրային աշխատանքներ և այլն:

«Պրոբացիայի գաղափարն այն է, որ ﬔնք պետք է ավելի արդյունավետ ﬔխանիզﬓեր ներդնենք, որպեսզի ազատությունից չզրկելու հետ կապված պատիժները, այլընտրանքային խափանման ﬕջոցները և նոր քրեական օրենսգրքով նախատեսված անվտանգության  ﬕջոցներն իրականացվեն համապատասխան լիազոր պետական ծառայության ﬕջոցով, որը պետք է գործի քաղաքացիական կամ պետական ծառայության համակարգում»,- նշեց արդարադության նախարարը: 

Ըստ նրա, պրոբացիայի պետական ծառայության հիմքը լինելու է այլընտրանքային պատիժների կատարման ստորաբաժանումը, բայց զգալիորեն ընդլայնվելու են պրոբացիայի ծառայության լիազորություններն այլընտրանքային պատիժների կատարման ստորաբաժանման ունեցած լիազորությունների հաﬔմատ: 

Ա.Հովհաննիսյանի խոսքով, պրոբացիայի ծառայությունը ﬕ քանի կարևոր ֆունկցիաներ՝ վերասոցիալականացում, դաստիարակություն, անձին հասարակությունից չﬔկուսացնել և այլն, իրականացնելուց զատ, ﬕ շատ կարևոր գործառույթ ունի. «Երբ երկրում սկսում է արդյունավետ աշխատել պրոբացիայի ծառայությունը, ﬔնք դատապարտյալների թվի կրճատում ենք ունենում,  բնականբաբար, կախված կոնկրետ պատժատեսակների և այլն հետ»:

Պատասխանելով ՕԵԿ խմբակցության անդամ Իշխան Խաչատրյանի հարցին, թե  այս ծառայությունն ի՞նչ ազդեցության կունենա պետական բյուջեի վրա, ինչպիսի՞ հաստիքային փոփոխություններ տեղի կունենան, նախարարն ասաց, որ այս տարի ստեղծելով պրոբացիայի ծառայությունը, պետական բյուջեի հետ կապված որևէ լրացուցիչ ծախս չի լինելու:

«Հաջորդ տարի, արդեն պայմանավորված կլինի կոնկրետ միջոցներով: Համագործակցում ենք նաև միջազգային գործընկերների հետ, որպեսզի պետական բյուջեի վրա լրացուցիչ բեռ, թեկուզ հաջորդ տարիներին,  սրա հետ կապված չառաջանա»,- նշեց Ա.Հովհաննիսյանը