Ապրիլի սկզբին մեր զինվորները մարտնչեցին հաղթանակելու և խաղաղությունը վերահաստատելու անվարան կամքով. Գարեգին Երկրորդ
Այսօր ցավ է բոլորիս համար, որ հերոս զինծառայողներն անձամբ չեն ստանում մարտերում ցուցաբերած արիության համար իրենց շնորհված պարգևները: Սակայն նրանց հոգին, նրանց սխրանքն անմահ է, նրանց փառքը նաև ձերն է` սիրելի ծնողներ,- նախագահական նստավայարում մերօրյա հերոսներին հետմահու շնորհված պետական բարձրագույն պարգևների հանձնման արարողության ժամանակ ունեցած ելույթում ասաց Ն.Ս.Օ.Տ.Տ. Գարեգին Բ Ամենայն Հայոց կաթողիկոսը:
«Խորհրդանշական է, որ հայրենիքի պաշտպան զինծառայողների պարգևաբաշխությունը տեղի է ունենում Հանրապետության տոնին: Հայաստանի առաջին Հանրապետությունը ծնունդ առավ անցյալ դարասկզբին` մեր համազգային պայքարի ու հաղթանակի` Սարդարապատի, Ղարաքիլիսայի, Բաշ-Ապարանի հերոսամարտերի արդյունքում, որոնք փառապանծ դրվագներից են մեր պատմության և վկայությունը մեր ժողովրդի անսասան հայրենասիրության ու ազգասիրության: Նախնյաց նվիրյալ այս ոգով մեր ժողովրդի զավակները հաղթանակեցին արցախյան ազատամարտում և կերտեցին Լեռնային Ղարաբաղի Հանրապետության անկախությունը:
Հերոսության բացառիկ դրսևորումով մեր քաջարի զինվորներն ապրիլի սկզբին ետ մղեցին Արցախի սահմանների ողջ երկայնքով ռազմական գործողություններ սանձազերծած Ադրբեջանի զորքերի հարձակումը: Նրանք մարտնչեցին հաղթանակելու և խաղաղությունը վերահաստատելու անվարան կամքով:
Մարտերում նահատակված մեր հերոս զավակներն իրենց ծաղկուն կյանքը, պայծառ երազները պարգևեցին հայրենիքին, հարազատ ժողովրդի ազատ ու ապահով կյանքի պաշտպանությանը:
Դժվարին այդ օրերին մեր ժողովուրդն առավել ամրապնդեց իր համախմբվածությունը և վճռականությունը` հայրենիքը պաշտպանելու, մեր պետականությունը զորացնելու»,- նշեց Գարեգին Երկրորդը:
Ամենայն Հայոց կաթողիկոսի խոսքով, ապրողները հայրենիքի ազատության և խաղաղության համար իրենց կյանքը զոհած զավակների առջև պարտք ունեն` առավել հզորացնելու Հայաստանն ու պետականությունը, առավել արդյունավորելու միասնական ջանքերը հանուն հայ ժողովրդի առաջընթացի ու բարօրության, իրավունքների պաշտպանության:
Հարակից հրապարակումներ`
- Յուրաքանչյուրիս հավերժական պարտքն է ծառայել մեր հայրենիքին. Կուրսանտ
- Զինվորների մեջ է որդուն փնտրում շարքային Արամայիս Միքայելյանի մայրը
- Թուրքն ով է, որ վախենաս՝ մտի տուն, դուռը փակի. Կնոջն ասել էր Արամ Առուշանյանը
- Քյարամ Սլոյանի իրերը հայրը զորամասից տուն է բերել
- Եթե տղա ծնվի, իր հերոս հայրիկի անունն է կրելու. Պատմում է պայմանագրային շարքային Գեղամ Մկրտչյանի կինը
- Սերժ Սարգսյան. Խոստանում ենք, որ ձեր չարած բարի գործերը մենք անելու ենք կրկնապատկված ջանքով
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ