Վիգեն Սարգսյանը` ռուսական ռազմաբազայի նշանակության մասին
Հայաստանի պաշտպանության նախարար Վիգեն Սարգսյանը «Ռիա նովոստի» լրատվական գործակալությանը տված հարցազրույցում անդրադարձել է նաև Հայաստանում տեղակայված ռուսական 102-րդ ռազմաբազային:
«Կարծում եմ, սա մեր ռազմաքաղաքական համագործակցության նշանակալի երևույթներից է և համարում ենք, որ ռազմաբազան ինքնին զսպման կարևորագույն գործոն է: Կարծում ենք, որ Հայաստանում ներկայացվածությունը մեր երկրի անվտանգության համակարգի կարևորագույն մասն է»,- նշել է Վ.Սարգսյանը:
Նախարարն ընդգծել է, որ պայմանագրի ժամկետի երկարացումից հետո ռազմաբազան պատասխանատու է ոչ միայն «նախկին ԽՍՀՄ արտաքին սահմանի» անվտանգության համար, ինչպես դա եղել է նախկինում, այլ Հայաստանի ընդհանուր անվտանգության համար:
Անդրադառնալով ռազմաբազայի կազմի թվաքանակի մեծացմանը նախարարը նշել է, որ այն մարտավարության հարց է:
«Այդպիսի հարցերը անհրաժեշտության դեպքում լուծվում են հաշված ժամերի ընթացքում: Փառք Աստծո, որ բոլոր անհրաժեշտ ուժերն ու միջոցները կան: Անձնակազմի ավելացումը չի կարող լինել ինքնանպատակ, այն պետք է պատասխանի կոնկրետ մարտահրավերի, կոնկրետ իրավիճակում»,- նշել է նախարարը:
Հարակից հրապարակումներ`
- Վիգեն Սարգսյան. Ռուսաստանում սովորում են 200-ից ավելի հայ զինվորականներ
- Թուրքիան իրեն խիստ ապակառուցողական է դրսևորում Հարավային Կովկասում. Վիգեն Սարգսյան
- Հայաստանը մտադիր է սպառազինության ձեռքբերման շուրջ շարունակել ՌԴ-ի հետ երկխոսությունը. Վ.Սարգսյան
- Վիգեն Սարգսյանը ներկայացրել է, թե որ դեպքում Հայաստանը գործի կդնի «Իսկանդեր» համակարգերը
- Վիգեն Սարգսյան. ՆԱՏՕ-ի հետ համագործակցությունն ուղղված չէ Ռուսաստանի դեմ
- ՀՀ զինուժն առավել քան մարտունակ է. Վիգեն Սարգսյան