Նախարար. Ապրիլին բժիշկներն ապացուցեցին, որ ազգ-բանակ գաղափարախոսության ուղիղ կրողներն են
«Մենք պետք է այսօր այստեղ հատուկ նշենք բժիշկների սխրանքը»: Մ. Հերացու անվան պետական բժշկական համալսարանի պրոֆեսորադասախոսական կազմի, ուսանողների և Ռազմաբժշկական ֆակուլտետի կուրսանտների հետ հանդիպման ասաց պաշտպանության նախարար Վիգեն Սարգսյանը:
«Բժիշկը կրկնակի բեռ կրող մարդ է մարտի դաշտում: Մի կողմից զենքը ձեռքին, իսկ մյուս կողմից մասնագիտական պարտքը, ամենաբարոյական, ամենամարդասիրական պարտքը կատարող քաղաքացի է»,-ասաց Վ. Սարգսյանը:
Ղարաբաղայան պատերազմի, ապրիլյան արկածախնդրության օրերին, նախարարի խոսքով, բժիշկներն ապացուցեցին, որ ազգ-բանակ գաղափարախոսության ուղիղ կրողներն են:
«Ես որպես պաշտպանության նախարար չեմ հավակնում ազգ-բանակ հեղինակի դափնիների: Ազգ-բանակի մասին խոսվել է երկար դարեր»,-ասաց Վ. Սարգսյանը, նշելով, որպես հասարակություն այդ գաղափարախոսությանն ադեկվատ արձագանքելու կարիք ունենք:
«Ես փորձեցի վերնագիր գտնել այն քաղաքականության համար, որ մենք որպես պետություն պետք է իրականացնենք: Ես ուզում եմ շնորհակալություն հայտնել մեր պետական Բժշկական համալսարանին, ռեկտորին իր հետևողականության համար՝ տղաների կողքին կանգնելու համար: Արմեն ջան, շատ շնորհակալություն, որ այս գործն անտեր չթողեցիր»,-ասաց նա:
Խոսքի ավարտին նախարարն առողջություն մաղթեց բոլորին, երկրին խաղաղություն ու հաղթանակներ:
Հարակից հրապարակումներ`
- Վիգեն Սարգսյան. Հերոսներն իրականում մեր մեջ են
- Ռազմական բժիշկ. Ապրիլյան պատերազմը ստիպեց թուրքին ավելի շատ ատել
- Միշտ զինվորի կողքին
- ԼՂՀ ՊԲ գլխավոր վիրաբույժ Սամվել Գևորգյանը պարգևատրվել է ՀՀ առողջապահության նախարարության հուշամեդալով
- «Փոքր վիրահատարան»՝ առաջնագծին
- «Ես այնտեղ եմ, որտեղ իմ կարիքը կա»
- Քառօրյա պատերազմ. Ռազմական բժիշկները առաջնագծից 10 կիլոմետր հեռավորության վրա կատարել են բացառիկ վիրահատություններ
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ