ՄԱԿ-ում կողմ են առևտրային քաղաքականությանը, որը նպաստում է կանանց հնարավորությունների մեծացմանը
Արևելյան Աֆրիկայում կարելի է ընդլայնել կանանց հնարավորությունները, եթե փոխվի երկրի առևտրային քաղաքականությունը։ Այսպիսի եզրակացության են եկել ՄԱԿ-ի Առևտրի և զարգացման համաժողովի (ՅՈՒՆԿՏԱԴ) նոր զեկույցի հեղինակները։ Այս մասին տեղեկացնում է ՄԱԿ-ի պաշտոնական կայքը։
Նրանք վերլուծել են մի շարք միջոցներ, որ ներմուծվել են Արևելաաֆրիկյան համայնք միջկառավարական կազմակերպության մաս կազմող վեց երկրների տարածքում։ Այդ պետությունների բնակչության ընդհանուր թիվը գերազանցում է 150 միլիոնը։
Համայնքը ստեղծվել է 2000 թ., և այդ պահից տարածաշրջանային ինտեգրման քաղաքականություն է վարում։ Օրինակ՝ սակագների ազատականացումը նպաստել է Քենիայում, Տանզանիայում և Ուգանդայում կանանց զբաղվածության աստիճանի բարձրացմանը, իսկ Բուրունդիի աշխատավոր կանանց վրա նույն այդ միջոցը բացասաբար է ազդել։ Ընդհանուր առմամբ սակագների ազատականացումը մեծացրել է որակավորում չպահանջող աշխատանքի պահանջարկը։ «Սպիտակօձիք» կանայք բարելավում չեն նկատել։
Եվս մեկ միտում՝ ծառայությունների շուկայում աճ է գրանցվել գյուղատնտեսական հատվածում ակտիվության նվազման հաշվին։ Ընդ որում՝ Բուրունդիում գյուղատնտեսության ոլորտում է զբաղված աշխատող կանանց 96 տոկոսը, Քենիայում՝ 76 տոկոսը, Ռուանդայում՝ 84 – Տանզանիայում՝ 71 տոկոսը։
Արևելաաֆրիկյան համայնքի երկրների կանանց մեծ մասը զբաղվում է ոչ ֆորմալ աշխատանքային գործունեությամբ, այսինքն՝ աշխատում են առանց պայմանագրի կամ ընտանիքում։ Զբաղվածության այդ տեսակները նրանց խոցելի են դարձնում։
ՅՈՒՆԿՏԱԴ-ի տվյալներով՝ այս համայնքի երկրներում կանանց շրջանում գրագիտության աստիճանը նկատելիորեն բարձրացել է և հասել տղամարդկանց ցուցանիշի 90 տոկոսին։ Հողատիրային ոլորտում գենդերային իրավահավասարությանը միտված քայլերը ցանկալի արդյունքներին չեն հանեցրել. Բուրունդիում կանանց միայն 51 տոկոսն է հողատեր, Քենիայում ու Ուգանդայում՝ 35 տոկոսը, իսկ Ռուանդայում՝ 46 տոկոսը։
Աֆրիկայի արևելքի բնակիչները նախկինի պես դժվար են վարկ ստանում։ Քենիայում, օրինակ, տղամարդկանց շուրջ 18 տոկոսը և կանանց 14 տոկոսին է մատչելի ֆինանսավորումը։
«Գենդերային հավասարությունը զարգացման բնական արդյունք չի հանդիսանում, դրան հասնելու համար անհրաժեշտ է կոնկրետ միջոցներ ձեռնարկել գենդերային քաղաքականության ոլորտում»,- ասել է ՅՈՒՆԿՏԱԴ գլխավոր քարտուղարը։ Այսպես, գենդերային անհավասարությունն արտահայտված է տարածաշրջանի ամենախոշոր տնտեսություններում՝ Տանզանիայում ու Քենիայում։
Զեկույցի հեղինակները խորհուրդ են տալիս այդ երևույթի դեմ պայքարել կրթության ոլորտում և աշխատանքի շուկայում։ Նրանք առաջարկում են կատարելագործել քաղաքականությունը ազգային և տարածաշրջանային մակարդակներում, այդ թվում՝ գենդերային հարցերը հաշվի առնելով՝ առևտրային կանոնների ներդրման ճանապարհով։
Լրահոս
Տեսանյութեր
Ոստիկանները Բագրատ Սրբազանին և ԱԺ պատգամավորներին թույլ չեն տալիս մուտք գործել Կիրանց
