Կարկուտից տուժած գյուղացիներին կփոխհատուցեն կանխիկ գումարով. նախարար
Մինչև օգոստոս գյուղատնտեսության ոլորտում անհամեմատ ավելի լավ վիճակ էր , քան նախորդ տարիներին: Այս մասին այսօր լրագրողների հետ հանդիպման ժամանակ ասաց ՀՀ գյուղատնտեսության նախարար Արթուր Խաչատրյանը:
Ներկայացնելով մինչև օգոստոսյան հայտնի կարկուտը գյուղատնտեսության կրած վնասները՝ նախարարն ասաց, որ ըստ հաշվարկների՝ ցրտահարության, կարկտահարության հասցրած վնասը հասնում էին 6 մլրդ դրամի, նախորդ տարի այդ ցուցանիշը եղել է 12 միլիարդ դրամ, 2016-ին՝ 33 միլիարդ դրամ:
Արթուր Խաչատրյանը նշեց, որ վերջին կարկտահարությունից հետո դիմել են Արմավիրի մարզպետարան, վերջնական թվերը ստանալու համար, և եթե նոր կարկուտ չլինի, սեպտեմբերի վերջին կկարողանան ի մի բերել օգոստոսին հասցված վնասը և աջակցություն ցուցաբերել բնական աղետներից վնաս կրած գյուղացիներին։
Ըստ նախարարի՝ նախորդ տարիներին աջակցությունը ցուցաբերվում էր հետևյալ սկզբունքով՝ գյուղացին ունի հողի հարկ, ջրի վարձ և այդ գումարը հատկացվում էր դրանց համար, իսկ հիմա առաջարկում են գյուղացուն կանխիկ գումար հատկացնել:
Անդրադառնալով գյուղոլորտի ապահովագրությանը՝ Արթուր Խաչատրյանն ասաց, որ այդ աշխատանքները սկսվել են դեռ նախորդ տարվանից, այսօր էլ դրանք ինտենսիվ կերպով շարունակվում են:
Հարակից հրապարակումներ`
- Գյուղատնտեսությունն առաջ է շարժվում 7 մղոնանոց քայլերով, իսկ Հայաստանում դեռ այդպես չէ. Արթուր Խաչատրյան
- Գյուղտեխնիկայի մաշվածության պատճառով բերքի 40 տոկոսը կարող է մնալ դաշտում. Արթուր Խաչատրյան
- Արմավիրի մարզպետը դիմել է բանկային և վարկային կազմակերպություններին
- Փոխվարչապետը վստահեցրել է՝ կառավարությունը կարկուտից տուժած գյուղացուն մենակ չի թողնելու
- Արմավիրում կարկուտի պատճառած վնասների ահազանգ են ստացել վեց համայնքներից