Աշոտյան. Հայցի թարմացումը ՀՔԾ-ի կողմից գնահատում եմ ինձ սպառնալու փորձ
Հանրապետական պատգամավոր Արմեն Աշոտյանն արձագանքել է Հատուկ քննչական ծառայության իրեն վերաբերող հայտարարությանը, այն որակել «տարօրինակ»։
«Հոկտեմբերի 2-ի հայտնի իրադարձություններից անմիջապես հետո ՀՔԾ-ն ընթացք է տվել տարիներ շարունակ իմ անձին վերագրվող, մամուլում երբեմն հայտնվող և իրականության հետ աղերս չունեցող մեղադրանքներին իմ՝ Երևանի պետական բժշկական համալսարանի կենսաքիմիայի ամբիոնի աշխատակից լինելու հանգամանքների հետ կապված։
Երկար ժամանակ է, ինչ այդ զրպարտությունը բացառապես լրատվական առիթ էր որոշ զլմների համար, իշխանափոխությունից հետո մի պահ խնդրով հետաքրքրվեց դատախազությունը, իսկ ներքաղաքական իրավիճակի սրացումից անմիջապես հետո գործի անցավ ՀՔԾ-ն։
Այս մանրամասները ստիպված շարադրում եմ՝ ամենևին նպատակ չունենալով ազդել հարուցված գործընթացի վրա, միաժամանակ այս ժամանակահատվածում տվյալ հայցի թարմացումը ՀՔԾ-ի կողմից գնահատում եմ ինձ սպառնալու և ճնշում գործադրելու ապարդյուն փորձ։
Հիշեք, որ իմ քաղաքական հայացքները մնում են անփոփոխ»,-գրել է Աշոտյանը ֆեյսբուքյան իր էջում։
Հարակից հրապարակումներ`
- ՀՔԾ. Աշոտյանին առաջարկում ենք հրապարակել ՀՔԾ-ի կողմից իրեն ուղղված սպառնալիքի փաստերը
- ՀՀԿ-ական պատգամավորների նկատմամբ ճնշումներ են եղել. Արմեն Աշոտյան
- Աշոտյանը իր վարսահարդարման լուրը լրացրել է