ՀՔԾ. Աշոտյանին առաջարկում ենք հրապարակել ՀՔԾ-ի կողմից իրեն ուղղված սպառնալիքի փաստերը
ՀՀ հատուկ քննչական ծառայությունը հաղորդագրություն է տարածել` անդրադառնալով ԱԺ ՀՀԿ խմբակցության պատգամավոր Արմեն Աշոտյանի կողմից արված հայտարարությանը:
Հաղորդագրությունում մասնավորապես ասված է.
«Հայաստանի Հանրապետական կուսակցության փոխնախագահ Արմեն Աշոտյանն այսօր լրագրողների հետ ճեպազրույցում հնչեցրել է հետևյալ հայտարարությունը. «Հիմա «Ազատություն» ռադիոկայա՞նն է այլևս ՀՔԾ-ի փոխարեն ինձ սպառնում, որովհետև այս ընթացքում սպառնում էր բացառապես ՀՔԾ-ն»:
Ա. Աշոտյանին առաջարկում ենք հրապարակել ՀՀ հատուկ քննչական ծառայության կողմից իրեն ուղղված սպառնալիքի փաստերը, այդ թվում իրեն սպառնացած` ՀՀ ՀՔԾ պաշտոնյայի տվյալները, հակառակ դեպքում` նրանից ակնկալում ենք հրապարակային հերքում և հորդորում ենք այսուհետ ձեռնպահ մնալ ՀՀ հատուկ քննչական ծառայության հասցեին հերյուրանքներ տարածելու գործելաոճից»:
Հարակից հրապարակումներ`
- ՀՀԿ-ն «ոչ» է ասում ԸՕ-ն «սղղցնելու» փորձերին. Արմեն Աշոտյան
- ՀՀԿ-ական պատգամավորների նկատմամբ ճնշումներ են եղել. Արմեն Աշոտյան