Ձեր վստահելի աղբյուրը

«Արդարադատության նախարարության գործառույթների իրականացման համար 2019 թվականին առաջարկվում է հատկացնել 1 միլիարդ 229 միլիոն 647 հազար դրամ»,-2019 թվականի պետական բյուջեի քննարկումների ժամանակ այսօր ԱԺ-ում ասաց Արդարադատության նախարարի պաշտոնակատար Արտակ Զեյնալյանը։

«Ըստ ոլորտների՝ արդարադատության ոլորտում քաղաքականության մշակում, ծրագրերի համակարգում, խորհրդատվության մոնիտորինգի իրականացում՝ ընդամենը 1 միլիարդ 318 միլիոն 999 հազար դրամ, այդ թվում՝ ըստ միջոցառումների՝ արդարադատության ոլորտում՝ քաղաքականության, խորհրդատվության, մոնիտորինգի գնման և աջակցության իրականացում՝ 1 միլիարդ 229 միլիոն 647 հազար դրամ, ինչպես արդեն ասացի։

Դատաիրավական բարեփոխումների ծրագրերի իրականացում՝ 27 միլիոն 690 հազար դրամ, անձնական տվյալների պաշտպանության իրականացում՝ 40 միլիոն 547 հազար դրամ, Արդարադատության նախարարության կարողությունների զարգացում և տեխնիկական հագեցվածության ապահովում՝ 20 միլիոն 999 հազար դրամ։ Քաղաքացիական կացության  ակտերի գրանցում ծրագրով նախատեսվել է 325 միլիոն 700 հազար դրամ, դատական և հանրային պաշտպանության ծրագրերով՝ ընդամենը 612 միլիոն 551 հազար դրամ, այդ թվում՝ ըստ միջոցառումների։ Հանրային պաշտպանության ծառայությունների համար՝ 372 միլիոն 272 հազար դրամ, սնանկության գործով կառավարչական ծառայությունների ձեռքբերման համար՝ 15 միլիոն դրամ, փորձաքննությունների ծառայությունների տրամադրման համար՝ 220 միլիոն 279 հազար դրամ։

Քրեակատարողական ծառայություններ ծրագրով նախատեսված է ընդամենը 10 միլիարդ 254 միլիոն 899 հազար դրամ,  քրեակատարողական ծառայությունների համար՝ 9 միլիարդ 528 միլիոն 42 հազար դրամ, պրոբացիայի ծառայության համար՝ 535 միլիոն 397 հազար դրամ, կալանավայրում պահվող ազատազրկվածներին դեղորայքով ապահովման համար՝ 150 միլիոն դրամ, իրավախախտում կատարած անձանց գեղագիտական դաստիարակության և կրթական ծրագրերի իրականացման համար՝ 36 միլիոն 927 հազար դրամ, պրոբացիայի ծառայության կարողությունների զարգացման նպատակով՝ 4 միլիոն 532 հազար դրամ։ Իրավական իրազեկում և տեղեկատվության ապահովում ծրագրով հաջորդ տարի նախատեսվել է ընդամենը 666 միլիոն 487 հազար դրամ, արդարադատության ոլորտի աշխատակիցների վերապատրաստման համար՝ 594 միլիոն 98 հազար դրամ »,- ասաց  նախարարի պաշտոնակատարը։