Ընտրությունների նախապատրաստական աշխատանքներն ընթանում են ՀՀ օրենսդրության շրջանակներում. Միրլան Բաքիրով
«Մենք Հայաստանում գտնվում ենք ՀՀ ազգային ժողովի հրավերով։ Հետևում ենք ընտրությունների նախապատրաստական, ընտրությունների անցկացման, քարոզչության աշխատանքներին»,- Կենտրոնական ընտրական հանձնաժողովում լրագրողների հետ զրույցում այսօր ասաց ԱՊՀ միջխորհրդարանական ասամբլեայի դիտորդական առաքելության համակարգող, Ղրղզստանի խորհրդարանի փոխնախագահ Միրլան Բաքիրովը։
«Մեզ հետ է նաև փորձագիտական խումբ, որը տեղեկություններ է տրամադրել ՀՀ իրավական ակտերի, օրենսդրական բազայի վերաբերյալ»,- ասաց նա։
Միրլան Բաքիրվը տեղեկացրեց, որ այսօր իրենք հանդիպումներ են ունեցել հայաստանյան մի շարք քաղաքական ուժերի, այդ թվում՝ «Իմ քայլը» դաշինքի ներկայացուցիչների հետ։
ԱՊՀ միջխորհրդարանական ասամբլեայի դիտորդական առաքելության համակարգողը նշեց, որ հանդիպել են նաև ԿԸՀ նախագահ Տիգրան Մուկուչյանի հետ, քննարկել ենք մի շարք հարցեր։
Միրլան Բաքիրովը հույս հայտնեց, որ դեկտեմբերի 9-ին կայանալիք արտահերթ խորհրդարանակն ընտրությունները կընթանան ՀՀ օրենսդրության համապատասխան։
«Դեռևս ոչ մի դիտողություն չունենք, որևէ ընտրախախտում չենք նկատել։ Ընտրությունների նախապատրաստական աշխատանքներն ընթանում են ՀՀ օրենսդրության շրջանակներում։ Վաղն առավոտից խմբերով կմեկնենք քվեարկության վայրեր։ Կլինենք ինչպես մայրաքաղաքում, այնպես էլ մարզերում։ Բաժանվել ենք 5 խմբի, մեր դիտորդները 23-ն են, իսկ ԱՊՀ դիտորդական առաքելությունում ընդհանուր առմամբ 80 անդամ կա»,- ասաց ղրղզ պաշտոնյան։
Հարցին՝ երբ կլինի վերջնական հաշվետվությունը, Միրլան Բաքիրովը նշեց՝ ամենայն հավանականությամբ ընտրությունների հաջորդ օրը՝ դեկտեմբերի 10-ին։
«Մեր առաքելությունն է հետևել, որպեսզի ընտրությունները կայանան թափանցիկ, օրենսդրական նորմեր պահպանմամբ, կարծում եմ՝ որևէ էքսցես չի լինի»,- ասաց նա՝ և նշեց, որ ինը փորձագետ չէ և չի կարող ասել՝ ընտրություններին մասնակից ուժերից որը ինչ հնարավորություններ ունի, ընտրողն ինքը կորոշի հաղթողներին։
ԱՊՀ միջխորհրդարանական վեհաժողովի գլխավոր քարտուղար Յուրի Օսիպովն իր հերթին նշեց, որ իրենք այստեղ են գնահատելու ընտրությունների նախապատրաստական աշխատանքները:
«Փորձագետները հավաստիացնում են, որ այդ նախապատրաստական աշխատանքները լիովին գոհացուցիչ են: Կարող եմ ասել, որ նախըտրական ժամանակահատվածը փոքր էր: Վերջերս, սակայն, ձեզ մոտ կայացել են Երևանի ավագանու ընտրությունները, որի ժամանակ հնարավորություն կար ծանոթանալ բոլոր քաղաքական ուժերի և թեկնածուների հետ»,- ասաց նա։
Յուրի Օսիպովի խոսքով, լավ կլիներ, եթե քաղաքացիները, ովքեր վաղը ինչ-ինչ պատճառներով չեն կարողա գնալ քվերակության, հնարավորություն ունենային ընտրություն կատարել շարժական քվեատուփերի միջոցով՝ արդար և թափանցիկ:
«Վաղը Հայաստանի ժողովուրդը կատարելու է իր ընտրությունը: Այսօր մենք հանդիպելու ենք քաղաքական ուժերի հետ։ Կարծում եմ, որ քաղաքական ուժերի քանակը խոսում է ընտրություններին ժողովրդավարական մոտեցման մասին: Ես ուշադրություն եմ դարձրել այն բանին, որ ձեզ մոտ քաղաքական ուժերը հիմնականում երիտասարդ մարդկանցից են կազմված: Եթե համեմատենք ԱՊՀ այլ երկրների հետ,Հայաստանը դրանով առանձնանում է։ Իրականում դա շատ լավ է, իսկ տեխնոլոգիաները, ինտերներտը բավարար տեղեկատվություն են տալիս՝ ով ով է: Մենք չենք կարող համեմատել տասը տարի առաջվա և հիմա անցկացվող ընտրությունները: Ես կարծում եմ, որ յուրաքանչյուր երիտասարդ քաղաքական ուժ, թեկնածու, ով մասնակցում է ընտրություններին, կարող է ջանքեր կիրառել և առավելագույնս ցույց տալ իրեն»,- ասաց նա:
Հարակից հրապարակումներ`
- Նախընտրական բանավեճերի արտաքին քաղաքական չափումը
- Նախընտրական փուլն ընթացել է ազատ, մրցակցային և խաղաղ ընտրապայքարի պայամններում. Սոնա Այվազյան
- Նախընտրական հավաքներում արձանագրվել է բյուջետային հիմնարկների աշխատողների մասնակցություն. Սաքունց
- Նախընտրական քարոզարշավը խիստ տիպիկ էր երկրում առկա հետհեղափոխական իրավիճակին. քաղաքագետ
- Ո՞ր քաղաքական ուժն ինչպես է սկսում նախընտրական քարոզարշավը
Լրահոս
Տեսանյութեր
Եթե մտանք նոր սահման գծելու տրամաբանության մեջ, մենք մեր բոլոր սահմանները կկորցնենք. Փաշինյան