Ձեր վստահելի աղբյուրը

Ամանորյա թունավորումներից զերծ մնալու համար մասնագետները  խորհուրդ են տալիս հետևել անձնական հիգիենային՝ մաքուր պահել, ձեռքերը պարբերաբար լվանալ, հում մթերքը պատրաստիից առանձնացնել։ Սնունդը չպետք է պատրաստեն հիվանդ մարդիկ:

Այսպիսով, ըստ մասնագետների, ամանորյա սեղանի վերջին տարիների անբաժանելի մասնիկը՝ խոզի բուդը, սենյակային ջերմաստիճանում կարելի է պահել 6, իսկ սառնարանում՝ 72 ժամ, բլինչիկը սառնարանում կարելի է պահել ընդամենը 48 ժամ, իսկ խմորեղենը՝ 72 ժամ: Մայոնեզով և թթվասերով համեմված աղցանները կարելի է սառնարանում պահել 6 ժամ, իսկ եթե համեմված չէ՝ 12 ժամ:

Խմիչքը չի կարելի չարաշահել, օրվա ընթացքում կարելի է խմել ընդամենը 50 գրամ օղի, ինչպես նաև չի կարելի մի քանի խմիչք խառնել։

Մասնագետները խորհուրդ են տալիս  սնվել սկսել բանջարեղենից, որոնք նպաստում են աղեստամոքսային ակտի գործունեությանը, որից հետո նոր անցնել ճաշերի։ 

Խորհուրդ է տրվում նաև ջուր խմել հատկապես առավոտյան։ Հաց ուտելուց կես ժամ առաջ և հետո նույնպես լավ է ջուր խմելը։

Ըստ մասնագետների և դեպրեսիաները, և՛ քնկոտությունը, թուլությունը, տրամադրության անկումը, շատ-շատ այլ խնդիրները գալիս են հենց սխալ սնվելուց։ Այնպես որ, կարգավորելով մեր սնունդը՝ մենք ձերբազատվում ենք բոլոր առողջական խնդիրներից։

Հիվանդությունների վերահսկման և կանխարգելման Ազգային Կենտրոնը ներկայացրել է սննդամթերքի պահպանման ժամկետները