Ռումինիայի նախագահ Կլաուս Յոհաննիսն անդրադարձել է ԼՂ հակամարտության գոտում իրադրությանը
Ռումինիայի նախագահ Կլաուս Յոհաննիսը (Klaus Iohannis) հոկտեմբերի 1-ից 2-ը Բրյուսելում մասնակցել է Եվրոպական խորհրդի արտահերթ նիստին, որի ընթացքում անդրադարձել է նաև ԼՂ հակամարտության գոտում իրադրությանը։
Ռումինիայի նախագահը վերահաստատել է իր կոչը՝ հակամարտության դեէսկալացիայի և քաղաքական երկխոսությունը վերսկսելու վերաբերյալ՝ միջազգային իրավունքի համաձայն խաղաղ լուծումներ գտնելու համար:
Նախագահ Կլաուս Յոհաննիսը հայտնել է իր աջակցությունը նաև Մինսկի խմբի աշխատանքներին և խրախուսել Եվրամիության ավելի ակտիվ դերակատարությունը ճգնաժամի կարգավորման գործընթացում:
Ինչ վերաբերում է Լեռնային Ղարաբաղի հակամարտությանը, Եվրոպական խորհուրդը կոչ է արել անհապաղ դադարեցնել ռազմական գործողությունները, վերահաստատել կողմերի հավատարմությունը տևական զինադադարին և հակամարտության խաղաղ կարգավորմանը, ինչին հնարավոր չէ հասնել ռազմական ճանապարհով կամ արտաքին միջամտությամբ: Եվրոպական առաջնորդները շեշտել են, որ Ադրբեջանն ու Հայաստանը պետք է վերադառնան բանակցությունների սեղան առանց նախապայմանների:
Եվրոպական խորհուրդը վերահաստատել է իր աջակցությունը ԵԱՀԿ Մինսկի խմբին և կոչ արել ԵՄ արտաքին գործերի և անվտանգության քաղաքականության բարձր ներկայացուցչին փնտրել Եվրամիության համար նոր ուղիներ՝ աջակցելու հակամարտության կարգավորման գործընթացին։
Լրահոս
Տեսանյութեր
«Տավուշը հանուն հայրենիքի» շարժման անդամները քայլերթով գալու են Երևան. Բագրատ Սրբազան