Ռազմական գործողությունների ժամանակ Հայաստանից ավանդների արտահոսք է եղել.ԿԲ նախագահի տեղակալի թեկնածու Հովհաննես Խաչատրյան
«Ռազմական գործողությունների ժամանակ դրսևորվեց ավանդների որոշակի արտահոսք՝ շուրջ 6.4 %, չաշխատող վարկերի տեսակարար կշիռի աճը կազմեց 7.5% և նվազեց վարկավորման տեմպերը, ինչի հետևանքով տնտեսական ակտիվության պոտենցիալը տարեկան կտրվածքով նվազեց 1.1%»,-այսօր խորհրդարանում ունեցած ելույթում հայտնեց ՔՊ խմբակցության կողմից Կենտրոնական բանկի նախագահի տեղակալի պաշտոնի թեկնածու առաջադրված Հովհաննես Խաչատրյանը:
Նրա խոսքով՝ 2021թ. Հայաստանի ֆինանսական շուկաներում մեծացավ տատանողականությունը, որն ուղեկցվեց ներկրվող ապրանքների գների աճով և այդ պատճառով վերաֆինանսավորման տոկոսադրույքը ԿԲ-ն ամիջապես բարձրացրեց գումարային 3.5 %-վ, սակայն նախորդ տարվա 11 ամսվա տվյալներով բնաճը հասավ 7.7 %-ի:
ԿԲ նախագահի տեղակալի թեկնածուն հայտնեց, որ ներկայում գնաճն ԱՄՆ-ում հասել է 6.8 %-ի, եվրագոտում՝ 5% և ՌԴ-ում՝ 8.4 %:
Նա նկատեց, որ 2021 թվականին Հայաստանի տնտեսության վրա ազդել է համաշխարհային շուկայում առկա բարձր գնաճը, որը պայմանավորված էր պահանջարկի կտրուկ աճով և արժեշղթայի խաթարմամբ:
Հովհաննես Խաչատրյանի խոսքով՝ հատկապես գների մեծ աճ է գրանցվեց Էներգակիրների և պարենային ապրանքների գծով:
ԿԲ նախագահի տեղակալի թեկնածուն ասաց, որ այդ գործոնները բնակչության և տնտեսվարողների մոտ մեծացրեցին անորոշության աստիճանը և Հայաստանում ևս առաջացան որոշակի ռիսկեր գների. ֆինանսական կայունության տեսանկյունից և տեղկեցրեց, որ համավարակի սկզբում ԿԲ-ն թուլացրեց դրամավարկային պահանջները՝ վերաֆինանսավորման տոկոսադրույքը նվազեցնելով1.5 կետով:
Հովհաննես Խաչատրյան հայտնեց, որ ֆինանսական համակարգը արձագանքել է ճգնաժամերին և 190 մլրդ դրամի չափով ապահովել է կառավարության հակաճգնաժամային ծրագերի ֆինանսավորումը և ժամանակավորապես հետաձգել է 1.3 տրիլիոն դրամի վարկերը:
Հարակից հրապարակումներ`
- ԱԺ-ն ընդունեց օրենք, որով քաղաքացիներին պարտադրեց 300,000 դրամը գերազանցող պարտքը իր ազգականին տալ բանկերի միջոցով
- Արամ Վարդևանյանը հույս հայտնեց, որ ՔՊ պատգամավոր Վլադիմիր Վարդանյանը զսպվածության կոչ կանի Նիկոլ Փաշինյանին
- Արցախից բռնագաղթածներին 300 հազարական դրամ աջակցության ծրագրում որոշակի չարաշահումներ են եղել. Մեսրոպ Առաքելյան
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ