Երբ դատավորին արդարադատություն իրականցնելու համար պատժում են, դատական համակարգի անկախությունը տեռորի ենթարկելու գործողություն է. Վարդևանյան
«Հայաստան» խմբակցության պատգամավորներն այսօր հրատապ հանդիպում են ունեցել Հայաստանում ԵՄ պատվիրակության ղեկավար, դեսպան Անդրեա Վիկտորինի հետ։ Ֆեյսբուքյան ուղիղ եթերում խմբակցության պատգամավոր Արամ Վարդևանյանը հայտնեց, որ օրակարգային մի քանի հարցեր կային, բնական է՝ առավել հրատապը և նման հանդիպման նախաձեռնման առիթն էր Սյունիքի մարզի ընդհանուր իրավասության դատարանի դատավոր Բորիս Բախշիյանի նկատմամբ տեղի ունեցող զարգացումները։
«Բոլոր այն մտահոգությունները, որոնք մասնագիտական հանրույթը բարձրաձայնել է, ներկայացվեց դեսպանին։ Ես դեսպանին ցույց եմ տվել դատավոր Բորիս Բախշիյանի կալանավորման միջնորդությունը քննող դատավոր Դավիթ Արղամանյանի մասնակցությամբ տեսանյութը, որտեղ նա իշխանական հերթական միջոցառման ժամանակ թմբուկ է խփում։ Թող նաև միջազգային հանրության ներկայացուցիչները պատկերացնեն Հայաստանում արդարադատության որակը։
Դեսպանին նաև տեղեկացրեցինք գործերի մակագրման համակարգչի մինչ օրս առգրաված լինելու մասին, ու առհասարակ, թե ինչ մթնոլորտ է տիրում կալանավորման ինստիտուտի վերաբերյալ»,- ասաց Արամ Վարդևանյանը։
«Հայաստան» խմբակցության պատգամավորի խոսքով, եթե կալանավորման թիրախ է դառնում նույնիսկ դատավորը, ինչ է «ոչ ցանկալի վարքագիծ է դրսևորել այս իշխանությունների ցանկություննների և իղձերի նկատմամբ», լրջագույն խնդիր է։
«Եթե արդեն թիրախ են դառնում դատավորները, սա խոսում է ժողովրդավարական արժեքներից տիտանական հետընթացի մասին, ինչը չափազանց վտանգավոր է»,- ընդգծեց Ա. Վարդևանյանը։
Նա նշեց, որ Բարձրագույն դատական խորհուրդը, առհասարակ, առնչություն չունի իր սահմանադրական կարգավիճակի հետ, ԲԴԽ-ն վերածվում է քրեական հետապնդման մարմնի, այն պարագայում, երբ Սահմանադրության մեջ գրված է, որ ԲԴԽ-ն պետք է երաշխավորի դատավորների անկախությունը։
«Պատկերացրեք՝ ԲԴԽ-ն միաձայն ասում է՝ հետապնդեք դատավորին, և մի սահմանափակվեք դրանով, տարեք ու կալանավորեք, իսկ դրանից հետո «պատահականությամբ» կալանավորման գործը պետք է քննի այն դատավորը, որը փոխկապակցված է իշխանության ներկայացուցիչների հետ։ Դատավոր Դավիթ Արղամանյանը Սուրեն Պապիկյանի խորհրդականն է եղել։ Ինչպե՞ս է ստացվում, որ հենց իրեն է գործը մակագրվել։ Մակագրել են հենց այդ անձին, որովհետև նրա նկատմամբ վստահություն ունեն, որ վերջինս կկատարի այն, ինչ իրենից ակնկալվում է։ Այն է՝ դատավորին կալանավորել, ազդակ տալ ամբողջ դատական համակարգին, որ այսպիսին է դատավորների նկատմամբ վերաբերմունքը, որոնք շեղվում են իշխանությունների ցանկության ուղղուց»,- նշեց Վարդևանյանը։
Նա հայտնեց, որ դեսպանի հետ հանդիպմանը պատգամավոր Էլինար Վարդանյանը խոսել է քաղհասարակության, ՀԿ-ների մասին, որոնք նախկինում շատ ակտիվ էին նույնիսկ չնչին իրավունքի խնդիր առաջացնող իբրև հարցի կամ հենց հարցի վերաբերյալ, իսկ վերջին տարիներին լուռ են։
«Սա իսկապես լուրջ խնդիր է։ Այսպիսի հարցերում չկա քաղաքականություն, սա քաղաքական հարց չէ։ Երբ իրապես դատավորին արդարադատություն իրականցնելու համար պատժում են, այստեղ օրենքի և իրավունքի ճգնաժամ է առաջանում»,- ասաց ընդդիմադիր պատգամավորը։
Նրա գնահատմամբ, այս ամենը քաղաքականության հետ առնչություն չունի, ժողովրդավարության դեմ ոտնձգություն է, դատական համակարգի անկախությունը տեռորի ենթարկելու գործողություն է։
«Այս իշխանություններն ազդակ են տալիս դատական համակարգին՝ եթե շեղվում եք այն ուղղությունից, որն իրենց համար ցանկալի է, եթե շեղվում եք պատվեր ապահովելուց, ապա ոչ միայն պատժվելու եք, նաև ձեր նկատմամբ քրեական հետապնդում է հարուցվելու, ձեզ նաև կալանավորելու են։ Այս պրոցեսը հենց դրա մասին է»,- ասաց Վարդևանյանը։
Նա ընդգծեց, որ բռնապետությունը ևս ունենում է սահմաններ, ամենաթողությունը ևս ունենում է սահմաններ։
«Սա այդ սահմաններից անցնելն է, սա արդեն բոլոր հնարավոր գծերը տրորելն է, Սահմանադրության, օրենքի, իրավունքի անտեսում չէ, այդ փաստաթղթերի ուղղակի դուրս շպրտում է»,- ասաց «Հայաստան» խմբակցության պատգամավոր Արամ Վարդևանյանը։
Մանրամասները՝ տեսանյութում։
Հարակից հրապարակումներ`
- Դատավոր Բորիս Բախշիյանի լիազորությունները կասեցված են
- Դատավոր Բախշիյանի նկատմամբ կալանավորման միջնորդության վերաբերյալ նիստը՝ վաղը ժամը 18:00-ին
- Վտանգված է դատական իշխանության անկախությունը. Դատավորների միություն
- Էրիկ Ալեքսանյանը խորհուրդ է տալիս դատախազներին դատավոր Բախշիյանի նիստից առաջ ընթերցել հռոմեական իրավունքի մասին գիրքը
- Արթուր Ղամբարյանը՝ դատախազության մասին. «Արդարացողներն» էլ քաջ գիտակցում են իրավիճակը
- Դատավոր Բորիս Բախշիյանին կալանավորելու միջնորդությունը քննելու է թմբուկահար դատավորը
- Դատախազության պարզաբանումը՝ դատավոր Բախշիյանի նկատմամբ քրեական հետապնդում հարուցելու վերաբերյալ
- Վարդևանյան. Այս իշխանությունները մեկ տարում ստեղծեցին բառացիորեն կալանքի դատարաններ
- ՄԻՊ-ին դիմել են դատավորի փաստաբանները
- Արսեն Սարդարյան. Բարձրագույն դատական խորհուրդը իր այս քայլով արժեզրկեց իր սահմանադրական առաքելությունը
- Դատավոր Բորիս Բախշիյանի նկատմամբ ԱԱԾ-ն հետաքրքրություն է ցուցաբերել ամիսներ առաջ՝ Փաշինյանի աջակցին կալանավորելու համար
- Ամրամ Մակինյան. Ուշքի եկեք, մի քանդեք մեր պետության վերջին հենասյունը
- ԲԴԽ-ն վերածվել է ազդեցության և քաղաքական հրահանգներին չենթարկվող դատավորներին վախեցնելու և պատժելու գործիքի. Վարդևանյան
- ԲԴԽ-ն բավարարել է դատավոր Բորիս Բախշիյանին ազատությունից զրկելու վերաբերյալ գլխավոր դատախազի միջնորդությունը
- Դատավորներն այսօր հավաքվելու են Երևան քաղաքի դատարանի Աջափնյակի նստավայրի մոտ
- Արսեն Բաբայան. Հայերեն ասվել էր ժամանակին. կա՞ նենց մի դատավոր, որ կհամարձակվի իմ ասածը չանել
- Արամ Վարդևանյան. Այս իշխանությունները շատ հստակ ապացուցում են, որ չեն հանդուրժում դատավորների անկախությունը
- Էրիկ Ալեքսանյան. Իմ աջակցությունն եմ հայտնում դատավոր Բախշիյանին
- Աշոտ Երկաթին ազատ արձակած դատավորի նկատմամբ հետապնդում է իրականացվում. Ալեքսանդր Ազարյանի հայտարարությունը
- Հիվանդացե՞լ, թե՞ մահացել է քաղհասարակությունը