Դատարանը կալանքի տակ թողեց Գերասիմ Վարդանյանին
«Ես իմ դիրքորոշումը հայտնել եմ նախորդ նիստերի ընթացքում, ասել եմ՝ այն մարդը չեմ, որ գամ դատարան, կանգնեմ այստեղ ու ձեզանից ազատության խնդրեմ կամ ակնկալեմ»,- դատարանում հայտարարեց ՀՅԴ անդամ Գերասիմ Վարդանյանը։
Հիշեցնենք, որ Երևան քաղաքի դատարանի «Կենտրոն» նստավայրում, դատավոր Կարեն Ֆարխոյանի նախագահությամբ, այսօր շարունակվեց ՀՅԴ անդամ Գերասիմ Վարդանյանի գործով դատական քննությունը։ Նիստին քննվեց Գերասիմ Վարդանյանի խափանման միջոցի հարցը։
«Այն, ինչ կա ու կատարվում է, պայքար է, հայրենիք ու պետականություն ունենալու պայքար է, Արցախն ու Սյունիքը պահպանելու պայքար է։ Ես և իմ ընկերները գիտակցված մտել ենք այդ պայքարի մեջ, գնալու ենք մինչև վերջ մեր պետության, պետականության, Արցախի, Սյունիքի ապագան փրկելու համար։ Այս պայքարը մեր ուզածով է ավարտվելու։ Այս ամբողջ բեմականացումը կազմակերպողները, նախաձեռնողները, ներկայացնողները վաղ թե ուշ պատասխան են տալու»,- ասաց Գ.Վարդանյանը։
Դիմելով դատարանին՝ նշեց. «Ես ձեզանից ոչ ազատության եմ ակնկալում, ոչ էլ խնդրում եմ։ Գործեք ըստ օրենքի ու օրինականություն, ձեր խղճի, համոզմունքների համաձայն»։
Լսելով կողմերի դիրքորոշումը՝ դատավոր Կարեն Ֆարխոյանը մերժեց Վարդանյանի նկատմամբ անձնական երաշխավորություն և գրավ կիրառելու միջնորդությունները՝ նշելով, որ մեղադրյալի խափանման միջոցի հիմքերը շարունակվում են պահպանվել, այլընտրանքային խափանման միջոցները ի զորու չեն ապահովելու Վարդանյանի պատշաճ վարքագիծը։
Գերասիմ Վարդանյանի կալանավորման ժամկետը երկարացվեց ևս երեք ամսով։ Որոշման հրապարակումից հետո հավաքվածները վանկարկեցին՝ «ամոթ»։
Հիշեցնենք՝ դատական նիստին պաշպան Բենիկ Գալստյանը հայտարարել էր. «Եթե դատարանը գտնում է, որ այս պայմաններում առկա են որոշակի վտանգներ Գերասիմ Վարդանյանի կողմից ազատության մեջ գտնվելու պայմաններում ոչ պատշաճ վարքագիծ դրսևորելու հետ կապված, պաշտպանական կողմից առաջարկված այլընտրանքային խափանման միջոցները կարող են ամբողջովին չեզոքացնել այդ վտանգը։ Խոսքը վերաբերում է մի շարք հեղինակավոր անձանց երաշխավորություններին. Ազգային ժողովի 14 պատգամավոր դատարան ներկայացրել է համապատասխան դիմում։
Եթե դատարանը գտնի, որ նշված երաշխավորությունները բավարար չեն անձի պատշաճ վարքագիծն ապահովելու համար, պաշտպանական կողմը միջնորդում է Գերասիմ Վարդանյանի նկատմամբ կիրառել այլընտրանքային խափանման միջոց մինչև 10 միլիոնի սահմաններում»։
Մինչ դատարանում ընթանում էր դատական նիստը, դատարանի բակում ակցիա էր՝ ի աջակցության Գերասիմ Վարդանյանի։
Հարակից հրապարակումներ`
- ԱԺ 14 պատգամավորներ անձնական երաշխավորություն են ներկայացրել Գերասիմ Վարդանյանի համար
- Փաստաբան. Արդեն 100 օր է, ինչ Գերասիմ Վարդանյանը անազատության մեջ է
- Գերասիմ Վարդանյանին գրավի դիմաց ազատ արձակելու միջնորդությունը մերժվել է
- Գերասիմ Վարդանյանի գործով դատական քննությունը տեղի կունենա օգոստոսի 2-ին
- Լինեմ բանտում, թե ազատության մեջ պայքարելում եմ հանուն մեր պետության, պետականության, արժանապատվության համար․ Գերասիմ Վարդանյան
- «Վզին դրած» արդարադատություն, ապօրինություններ ու խտրական մոտեցում․Գերասիմ Վարդանյանի պաշտպան
- Գերասիմ Վարդանյանի գործով դատական առաջին նիստը հետաձգվեց
- Դատարանն այսօր կքննի Գերասիմ Վարդանյանին կալանքի տակ պահելու ժամկետը երկարացման որոշումը
- Հետաձգվել է Գերասիմ Վարդանյանի կալանավորման որոշման դեմ ներկայացված բողոքի վերաբերյալ նիստը
- Գերասիմ Վարդանյանը կշարունակի մնալ կալանքի տակ
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ