Ձեր վստահելի աղբյուրը

«Հենակետ» վերլուծական կենտրոնը ամփոփել  ու հրապարակել է համառոտ տեղեկություններ նախորդ շաբաթվա ընթացքում Իրանի հետ կապված իրադարձությունների մասին.

«Իրանի ռազմական ոլորտի վերաբերյալ իրադարձություններ

Իրանի ցամաքային զորքերի հրամանատար գեներալ Կիյումարս Հեյդարին հայտարարել է, որ իրենց  ցամաքային ուժերը լիովին պատրաստ են հետ մղելու ցանակացած սպառնալիք։ Հայտարարությունը արվել է այն բանից հետո, երբ Ադրբեջանն իր հարավային սահմանների մոտ  զորավարժություններ է սկսել։

Անգլիական Sky News պարբերականը հայտնել է, որ Ռուսաստանը անօդաչու թռչող սարքերի դիմաց մեծ գումարներ, ինչպես նաև ուկրաինացիներից խլած բրիտանական NLAW, ամերիկյան Javelin հակատանկային հրթիռային համալիրներ ու Stinger զենիթահրթիռային համակարգեր է փոխանցել իրանական կողմին։ Փոխարենը Մոսկվան ստացել է «Շահեդ -136»  կամիկաձե անօդաչու թռչող սարքեր։

Ստացված զենքերը թույլ կտան իրանական կողմին  ուսումնասիրել արևմտյան տեխնոլոգիաները`  ապագա ռազմական գործողությունների ժամանակ օգտագործելու համար։

Իրանի Իսլամական հեղափոխության պահապանների կորպուսը  ստացել է  մինչև 5500-12500կմ միջին հեռահարության ու միջմայրցամաքային սեփական արտադրության բալիստիկ հրթիռներ։
Օրեր առաջ նման փորձարկում է արվել Իրանի Շահրուդ քաղաքի տիեզերակայնում, որտեղ արձակվել է «Ղաեմ 100» միջմայրցամաքային հրթիռը։

Իրանցի զինվորականները հայտնել են, որ երկիրը մշակել է առաջին տեղական գերձայնային բալիստիկ հրթիռ՝ հակաօդային պաշտպանության վահաններին դիմակայելու համար։

Այս նոր հրթիռը անցնելու է  հակահրթիռային պաշտպանության բոլոր համակարգերով։

Իսլամական հեղափոխության պահապանների կորպուսի օդատիեզերական ուժերի հրամանատարը  հայտարարել է, որ նոր հիպերձայնային բալիստիկ հրթիռները 7 րոպեից էլ քիչ ժամանակում  կհասնեն Թել Ավիվ։  Սա մեծ անհանգստություն է առաջացրել Արևմուտքում և Իսրայելում։

Իրանի ներքին  քաղաքական զարգացումների մասին

Մինչ Իրանում շարունակվում է հակակառավարական ցույցերը, խորհրդարանում թեժ քննարկումներ են ընթանում ձերբակալած խռովարարներին պատժի տեսակի ընտրության շուրջ։  Նշենք, որ տեղի ունեցած բախումների ժամանակ զոհվել է ավելի քան 300 մարդ, այդ թվում ՝41 երեխա ու 24 կին և անվտանգության 50 աշխատակից։  Ձերբակալվածների թիվը հասնում է ավելի քան14000 ի, իրավապահ մարմիները փորձում են տարանջատել քարոզչությամբ խաբված ցուցարարներին ու գիտակցված մասնակիցներին։

ԻԻՀ ՆԳ նախարար Ահմադ Վահիդին հայտարարել է , որ անկարգությունների կազմակերպիչները պատրաստվել են 8 ոչ բարեկամ երկրներում։ Ըստ նախարարի`  թշնամական երկրներն իրենց նպատակներին  հասնելու համար ձգտել են անկարգություններին էթնիկ հակամարտության բնույթ տալ։

ԻԻՀ տեղեկատվության և ազգային անվտանգության նախարարությունը հայտարարել է, որ Շահ Չերազում տեղի ունեցած ահաբեկչությունը ղեկավարողը ու համակարգողը եղել է Ադրբեջանի քաղաքացի, ով Իրան է ժամանել Բաքվից։ Մինչև հիմա ձերբակալվել է 26 ահաբեկիչ, ովքեր հանդիսանում են Ադրբեջանի, Տաջիկիստանի ու Աֆղանստանի քաղաքացիներ։

Իրանի իշխանությունները մահապատժի են դատապարտել հայտնի ֆուտբոլիստ, ազգությամբ ադրբեջանցի Ալի Դային, ով ևս գտնվել է խռովարարների շարքերում։

Իրանում ձերբակալվել է նաև հակաիրանական սաուդյան Iran International ցանցի գործակալը։
Tasnim-ի փոխանցմամբ՝ Իրանում սաուդյան «Iran International» միջազգային ահաբեկչական ցանցի գլխավոր գործակալներից Իլհամ Աֆքարին  սահմանը հատելիս ձերբակալվել է  հետախուզության նախարարության կողմից։

Վերջին շրջանում նա բազմաթիվ գործողություններ է իրականացրել, որոնք զրպարտում էին Իրանի Իսլամական Հանրապետության  կարգերին, ինչպես նաև երիտասարդներին հրավիրում էր ապստամբության և սարսափ տարածելու բնակչության շրջանում։

Տարածաշրջանային ծրագրեիր մասին

Ռուսաստանի Դաշնության Անվտանգության խորհրդի քարտուղար Նիկոլայ Պատրուշևը և Իրանի ազգային անվտանգության բարձրագույն խորհրդի քարտուղար Ալի Շամխանին Թեհրանում խորհրդակցություններ են անցկացրել անվտանգության հարցերի շուրջ՝ երկու երկրների նախարարությունների և գերատեսչությունների ներկայացուցիչների մասնակցությամբ։

Չորեքշաբթի օրը Թեհրանում Իրանի նախագահ Էբրահիմ Ռաիսին ընդունել է ՌԴ Անվտանգության խորհրդի քարտուղար Նիկոլայ Պատրուշևին և նրա հետ քննարկել անվտանգության ոլորտում ռուս-իրանական համագործակցության տարբեր հարցեր, ինչպես նաև միջազգային մի շարք խնդիրներ։
Թեհրանը «Գազպրոմի» հետ 40 միլիարդ դոլար արժողությամբ փոխըմբռնման հուշագիր է ստորագրել. Իրանի և Ռուսաստանի միջև նավթի և գազի փոխանակումը Իրանը կդարձնի տարածաշրջանի էներգետիկ հանգույց, հայտարարել է Իրանի նավթի նախարարը։

Իրանի տեղեկատվության  նախարարը հայտարարություն է տարածել՝ ուղղված Սաուդյան Արաբիային, որում ասվում է
▪️Իրանում ցանկացած անկայունություն կարող է տարածվել տարածաշրջանի երկրներում
▪️Չկա երաշխիք, որ Իրանի ռազմավարական համբերությունը [Սաուդյան Արաբիայի հետ] չի սպառվի, եթե ռազմական գործողությունները շարունակվեն
▪️Անկասկած, եթե Իրանը նույն կերպ պատասխանի, ապա ապակե պալատները կփլուզվեն, և այս երկիրը կայունություն չի տեսնի։

Իրանի և Իտալիայի ԱԳ նախարարների միջև հեռախոսազրույց է տեղի ունեցել,  որի ընթացքում կողմերը քննարկել են երկկողմ, միջազգային և տարածաշրջանային հարաբերությունների վերջին զարգացումները։

Ադրբեջանի պաշտոնյաների հակաիրանական միջամտողական հայտարարությաւոններից ու ԻԻՀ դեմ ադրբեջանական ԶԼՄ -ների հակաիրանական շարունակ քարոզչությունից հետո, Թեհրանում       Ադրբեջանի դեսպանն կանչվել է ԻԻՀ ԱԳՆ։

Հայ-իրանական հարաբերություններում ընթացող զարգացումների մասին

Թեհրանում հանդիպել են Հայաստանի և Իրանի ֆինանսների նախարարները, որի ընթացքում քննարկել են երկրների միջև տնտեսական կապերի զարգացումը, նախանշել են առևտրաշրջանառությունը տարեկան մինչև 3 մլրդ դոլար ավելացնելու և հարաբերությունները պարզեցնելու ուղիները՝ ֆինանսական, բնակային ու մաքսային ոլորտներում»։