Իրանի նախագահը կոչ է արել անհապաղ դադարեցնել Գազայի հատվածի ռմբակոծությունները
Գազայի հատվածի ռմբակոծումը պետք է անհապաղ դադարեցվի, շրջափակումը պետք է հանվի և օգնության ուղիները բացվեն։ Այս մասին հայտարարել է Իրանի նախագահ Էբրահիմ Ռաիսին Սաուդյան Արաբիա մեկնելուց առաջ, որտեղ նա մասնակցելու է Արաբական պետությունների լիգայի և Իսլամական համագործակցության կազմակերպության արտահերթ համատեղ գագաթնաժողովին, որը նվիրված է պաղեստինյան տարածքներում իրավիճակի վերաբերյալ միասնական դիրքորոշման մշակմանը։
«Այսօր իսլամական երկրների միասնությունը շատ կարևոր է: Գազայի հատվածում կատարվողը ռազմական և մարդկության դեմ հանցագործությունների վառ օրինակ են: Սա շատ կարևոր խնդիր է իսլամական ումմայի և մարդկության համար: Գազայի հատվածի ռմբակոծումը պետք է անհապաղ դադարեցվի, շրջափակումը պետք է վերացվի և օգնություն ուղարկելու երթուղիները պետք է բացվի»,-ՏԱՍՍ-ի փոխանցմամբ, ասել է Ռաիսին, որին մեջբերում է ISNA գործակալությունը։
«Ամերիկան անընդհատ ազդանշան է ուղարկում Իրանին և մի շարք այլ երկրների, որ պատերազմի մասշտաբները չպետք է ընդլայնվեն, սակայն այդ հայտարարությունը չի համապատասխանում Ամերիկայի գործողություններին: Վերջինս արգելափակել է հրադադարի հնարավորությունը և ընդլայնում է պատերազմը»,-ընդգծել է Իրանի նախագահը։
Հարակից հրապարակումներ`
- Իրանը հայտնել է Գազայի հիվանդանոցի մոտ իսրայելական բանակի շրջափակման մասին
- Հայտնի է դարձել Գազայի Ալ-Շիֆա հիվանդանոցի շրջակայքում կատաղի մարտերի մասին
- Գազայում զոհերի թիվը հասել է 9,7 հազարի․ 4800-ը երեխա է
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը