Ձեր վստահելի աղբյուրը

Հայաստանում, հատկապես մայրաքաղաքից դուրս կա մի ամբողջ խումբ գործունեության տեսակներ, որոնք ազատված են բոլոր տեսակ հարկերից։ Panorama.am-ը ՊԵԿ վարչարարության մեթոդաբանության և ընթացակարգերի վարչության պետի տեղակալ Մարիամ Մանուկյանին խնդրեց հանգամանալից ներկայացնել գործունեության այն տեսակները, որոնք չեն հարկվում Հայաստանում։ Ի՞նչ պայմանների պետք է բավարարի և ի՞նչ քայլեր անի տնտեսվարողը կամ անհատը, որպեսզի կարողանա նման արտոնյալ գործունեություն ծավալել։

Մ. Մանուկյան- 2020 թվականի հունվարի 1-ից Հարկային օրենսգրքում կատարված փոփոխությունների արդյունքում ներդրվեց միկրոձեռնարկատիրության հարկան հատուկ համակարգը։ Հարկային արտոնություններ ենթադրող այս համակարգն իր մեջ է միավորում մինչև 24 միլիոն դրամ իրացման շրջանառություն ունեցող այն տնտեսվարողներին, որոնք բավարարում են տվյալ համակարգում գործելու համար օրենսդրությամբ սահմանված բոլոր պայմանններին։ Որպեսզի տնտեսվարողը միկրոձեռնարկատիրության սուբյեկտ հանդիսանա, պետք է համապատասխան ժամկետներում հարկային մարմին ներկայացնի միկրոձեռնարկատրության սուբյեկտ համարվելու վերաբերյալ հայտարարություն։

Օրենսգրքով կան նաև գործունեության տեսակների սահմանափակումներ, որոնք չեն կարող այս համակարգի շրջանակներում իրականացվել։ Մասնավորապես, առևտրի, հանրային սննդի ոլորտները Երևանում արտոնություն չունեն, արտոնությունը գործում է նշված ոլորտներում Երևանից դուրս գործունեություն իրականացնողների համար։ Միաժամանակ, առևտրի մասով առկա են նաև հետևյալ սահմանափակումները՝ Երևանից դուրս տոնավաճառներում, առևտրի իրականացման վայրերում առևտրական գործունեությամբ զբաղվողները, ինչպես նաև անկախ իրականացման վայրից  էլեկտրոնային առևտրի շրջանակներում առևտրական և ավտոմեքենաների առքուվաճառքի գործունեությամբ զբաղվողները չեն կարող համարվել միկրոձեռնարկատիրության սուիբյեկտներ։

Հարկային օրենսգրքով սահմանված են նաև այլ գործունեության տեսակներ ևս, որոնց մասով միկրոձեռնարկատիրության արտոնյալ համակարգը չի գործում, օրինակ՝ խորհրդատվական, իրավաբանական, հաշվապահական գործունեություն ծավալողները, գովազգային, դիզայներական, մարկետինգային, թարգմանչական, բժշկական, ատամնատեխնիկական ծառայություններ մատուցողները, տեղեկատվության մշակման և փոխանցման աշխատանքներ կատարողները չեն կարող այս համակարգում գործել։

Panorama.am-2023 թվականին օրենսգրքի միկրոձեռնարկատիրություն գլխում փոփոխություններ են կատարվել, արտադրության ոլորտը մնո՞ւմ է արտոնյալ համակարգում։

Մ. Մանուկյան-2023 թվականին արտադրության մասով փոփոխություններ տեղի չեն ունեցել, նշված փոփոխություններով միայն պասիվ եկամուտներ ստացողների համար են սահմանվել համակարգում գործելու սահմանափակումները, մասնավորապես, 2023 թվականից վարձավճար, տոկոս, ռոյալթի ստացողները չեն կարող համարվել միկրոձեռնակատիրության սուբյեկտ։
Panorama.am-Արտերկրից շոր և տրիկոտոժ ներմուծողները այն շրջաններում վաճառելիս կարող են հարկերից ազատվել, եթե շրջանառությունը տարեկան ծավալը չի գերազանցի 24 մլն դրամը։

Մ. Մանուկյան- Եթե առևտրական գործունեության մասով միկիրոձեռնարկատիրության համակարգի արտոնությունները կիրառվում են, եթե Երևանից դուրս, սակայն ոչ տոնավաճառներում, առևտրի իրականացման վայրերում, ընդ որում ներմուծվող ապրանքների մասով հարկերից չեն ազաատվում։

Panorama.am-Կարո՞ղ ենք վստահ ասել, որ ՀՀ մայրուղիներին խաշած եգիպտացորեն վաճառողները, եթ իրենց շրջանառությունը 24 մլն-ը չի գերազանցում, ապա չեն հարկվում։

Մ. Մանուկյան- Արտադրական գործունեություն կամ Երևանից դուրս առևտրակաան գործունեություն իրականացնողները Հարկային օրենսգրքով սահմանված պայմաններին բավարարելու դեպքում կարող են համարվել միկրոձեռնարկատիրության  սուբյեկտ։

ՊԵԿ-ը նաև միկրոձեռնարկատիրության մասին հասարակությանն իրազեկել է առանձին թերթիկներով, որոնք հրապարակված են կառույցեի պաշտոնական կայքէջում՝ հետևայալ հղումներով։
 

 file:///C:/Users/Operator/Downloads/th_irazekum_fiz_andz.pdf, file:///C:/Users/Operator/Downloads/th_irazekum_kazm_adz.pdf ։