Ամբողջ օրը շենքի դուռ-լուսամուտ բաց ա, մտնում, ինչ ասես, անում են, դուրս գալիս. Միլիտոնյանը՝ ցուցարարների մասին
«Ի՞նչ միանամ, ինչո՞ւ միանամ, ի՞նչ ես խոսում աղջիկ ջան», -այսպես արձագանքեց Գրողների միության նախագահ Էդվարդ Միլիտոնյանը հարցին, թե ի՞նչ դիրքորոշում ունի Գրողների միությունը «իր քթի տակ» ծավալվող էլեկտրաէներգիայի սակագնի բարձրացման դեմ շարժմանը և ինչո՞ւ միությունը չի միանում երիտասարդներին:
Նա վրդովվեց հարցից ու ուղղորդեց կարդալ «Գրական թերթ», որտեղ դիրքորոշում հայտնել է, բայց ավելորդ համարեց կրկնել, թե ինչ վերաբեւմունք ունի երիտասարդների բողոքի հավաքի վերաբերյալ: Մեր մյուս հարցը, թե ինչո՞վ է կառույցը գործնականում սատարում ցույցի մասնակիցներին, քանի որ ԳՄ-ին մի քանի կոչեր ուղղվել են սանհանգույց և ջուր տրամադրելու մասին, Միլիտոնյանն էլ ավելի վրդովվեց. «Ուրեմն, աղջիկ ջան, սիրելիս դու լրիվ ծանոթ չես՝ ինչ ա կատարվում: Ամբողջ օրը շենքի դուռ-լուսամուտ բաց ա, մտնում են էլ ջուր, էլ ինչ ասես, անում դուրս են գալիս: Ներսուդուրս են անում, ամբողջ այգին իրենք են, Գրողների միությունն էլ ի՞նչ անի,մի հատ խնդրում եմ ասա: Մեր դռները փակ ե՞ն եղել քաղաքացիական շարժման անդամների դեմ: Էլ ջուր, էլ ինչ ասես, ամոթ էլ ա ասել, մարդիկ լիիրավ օգտագործում են»:
Թեմային առնչվող հրապարակում՝
Հուսիկ Արա. Այսօրվա երիտասարդները չեն ուզում իրենց հայրերի տրորած ճանապարհով քայլել
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ