Նախագիծն ամեն մեկը ցանկանում է կարդալ այնպես, ինչպես ինքն է ցանկանում. Պատասխան Բագրատյանին
«Վերջին հաշվով գրեթե նույն պրեզիդենտի համար ապահովել եք ավելի լայն լիազորություններ, նրան անվանել եք պետության գլուխ, բայց ընտրել եք ինչ-որ ընտրիչների ժողովի կուսակցական ժողովի միջոցով: Սա անընդունելի է»,- այսօր Ազգային ժողովում սահմանադրական բարեփոխումների վերաբերյալ լսումների ժամանակ հայտարարեց ԱԺ ՀԱԿ խմբակցության պատգամավոր Հրանտ Բագրատյանը`նկատելով, որ Սահմանադրությամբ նախագահին վերապահված են ավելի մեծ լիազորություններ:
Բագրատյանի մյուս դիտարկումը վերաբերում էր ԱԺ-ում քվեարկությանը. նրա խոսքով, Սահմանդրության նախագծով, ըստ էության, Ազգային ժողովում քվեարկության շեմը 3/5-րդն է:
«Կայուն մեծամամասնության թեզն եք ընտրել»,- նկատեց ընդդիմադիր պատգամավորը:
Ի պատասխան Բագրատյանի, Սահմանադրական բարեփոխումների մասնագիտական հանձնաժողովի անդամ, սահմանադրագետ Վարդան Պողոսյանն ասաց, որ Հրանտ Բարգրատյանը նշում է, թե նոր Սահմանդրությամբ հանրապետության նախագահն ունի գերլիազորություն, մեկ այլ կուսկացություն գտնում է, որ ԱԺ նախագահն ունի այդպիսի լիազորություն, իսկ մեկ ուրիշն էլ կարծում է, որ վարչապետն ունի:
«Նախագիծն ամեն մեկը ցանկանում է կարդալ այնպես, ինչպես ինքն է ցանկանում: Իրականում դա նշանակում է, որ կառավարման այն համակարգը, որն առաջարկվում է նոր Սահմանդրությամբ, հավասարակշռված է, հնարավարություն է տալիս գործադիր իշխանությանը կատարել իր գործառույթը՝ պառլամենտի վերահսկողոթյան ներքո», -հավելեց Պողոսյանը:
Սահմանադրագետի խոսքով, հանրապետության նախագահը քաղաքականության մեջ որևէ դերակատարություն չի ունենալու, նրա հիմնական ֆունկցիան Սահմանադրությանը հետևելն է լինելու:
Ինչ վերաբերում է Ազգային ժողովում քվեարկության շեմին, որի մասին խոսեց Բագրատյանը, Սահմանադրական բարեփոխումների մասնագիտական հանձնաժողովի մյուս անդամ Հրայր Թովմասյանը արձագանքեց, որ նման բան չկա: «Կգա ժամանակը, և ես կնայեմ ձեր աչքերի մեջ ու կասեմ` տեսնում եք, նման բան չկա», -հավելեց Թովմասյանը:
Նախորդիվ`
ՀԱԿ-ը, այնուամենայնիվ, մասնակցում է Սահմանադրության փոփոխությունների բովանդակային քննարկումներին
Սահմանադրության նախագծով փոքրամասնության ձայնը լսելի է դառնալու. Սահմանադրագետ
Պողոսյանը` «կայուն մեծամասնության» և 2-րդ փուլով ընտրություններ անցկացնելու մասին
Լրահոս
Տեսանյութեր
Մելքոնյան. Եկեղեցու, սրբազանների ակտիվացումը ցույց է տալիս, որ գտնվում ենք խորը ճգնաժամի մեջ