Լրահոս

ԿԱՐՃ ԼՈՒՐԵՐ

20:00 Աշխարհում
Չինաստանը լքված քարհանքում ստորգետնյա հյուրանոց կբացի

Հյուրանոցի 18 հարկերից 16-ը ստորգետնյա են, իսկ երկուսը՝ ջրի տակ:

19:16 Հայաստան
Հայաստանի ֆիզիկական կուլտուրայի և սպորտի պետական ինստիտուտում բացվել է եզակի սարքավորումներով հագեցած «ՍՊՈՐՏ ԿԱԲ» գիտահետազոտական նորարարական կենտրոնը,

որը ստեղծվել է ԿԳՆ «Կրթական ծրագրերի կենտրոն» ԾԻԳ-ի իրականացրած «Կրթության բարելավում» վարկային ծրագրով՝ բուհին տրամադրված Նորարարությունների մրցակցային հիմնադրամի «Ֆիզիկական կուլտուրայի և սպորտի ոլորտում մասնագիտական կրթության արդիականացում և բարելավում» դրամաշնորհային ծրագրի շրջանակներում։ Կենտրոնի բացմանը ներկա են գտնվել ՀՀ ԿԳ նախարար Ա. Հարությունյանը, ՀՀ սպորտի և երիտասարդության հարցերի նախարար Լ. Վահրադյանը, պետական այլ գերատեսչությունների և Համաշխարհային բանկի հայաստանյան գրասենյակի ներկայացուցիչներ:
Մամուլի հաղորդագրություն

18:59 Արցախ
Արցախի Հանրապետության նախագահ Բ. Սահակյանը Ստեփանակերտի պատկերասրահում ներկա է գտնվել չեխիաբնակ հայ նկարիչ Աշոտ Առաքելյանի անհատական ցուցահանդեսի բացման արարողությանը

Նախագահը կարևորել է նման ցուցահանդեսների անցկացումն Արցախում՝ արժևորելով դրանք համաշխարհային մշակույթին ծանոթանալու և ներհայկական մշակութային կապերի ամրապնդման տեսանկյուններից:
Աղբյուր՝ Արցախի Հանրապետության նախագահի աշխատակազմի տեղեկատվության գլխավոր վարչություն

18:20 Հայաստան
ՀՀ ԿԳՆ- ում մեկնարկել է «Տարվա լավագույն ուսուցիչ», «Տարվա լավագույն տնօրեն», «Տարվա լավագույն դաստիարակ» մրցույթների հանրապետական փուլը,

որին այս տարի մասնակցում է 32 մանկավարժ` ՀՀ 9 մարզերից, Երևանից և Կրթության և գիտության նախարարության ենթակայությամբ գործող ուսումնական հաստատություններից:
ՀՀ ԿԳ նախարարի հրամանով ստեղծվել են մրցութային հանձնաժողովներ` նախարարի տեղակալների գլխավորությամբ: Գործող կարգի համաձայն` «Տարվա լավագույն ուսուցչը», «Տարվա լավագույն դաստիարակը» և «Տարվա լավագույն տնօրենը» կպարգևատրվեն ՀՀ վարչապետի կողմից:
Աղբյուր՝ ՀՀ ԿԳՆ

18:15 Աշխարհում
Սեպտեմբերի 24-ին Թեհրանի «Արարատ» մարզամշակութային համալիրում ԻԻՀ-ում ՀՀ դեսպանությունը կազմակերպել էր Հայաստանի անկախության 27-ամյակին նվիրված երեկո

Միջոցառմանը ներկա են եղել ԻԻՀ պետական այրեր, Իրանում հավատարմագրված դիվանագիտական առաքելությունների, միջազգային կառույցների, հասարակական կազմակերպությունների և ԶԼՄ-ների ներկայացուցիչներ, մշակութային գործիչներ, իրանահայ համայնքի անդամներ: Ելույթով հանդես է եկել ԻԻՀ-ում ՀՀ դեսպան Ա. Թումանյանը, ով անդրադարձել է վերջին ամիսներին Հայաստանում տեղի ունեցած քաղաքական գործընթացներին, նոր իշխանությունների կողմից իրականացվող բարեփոխումներին, ՀՀ արտաքին քաղաքականության հիմնական ուղղություններին և այլ հարցերի:
Աղբյուր՝ mfa.am

18:06 Հայաստան
Բնապահպանության նախարարությունում տեղի է ունեցել ՀՀ նախարարությունների և Համաշխարհային բանկի ներկայացուցիչների համատեղ խորհրդակցությունը՝

բնապահպանական խնդիրների լուծման ֆինանսական մարտահրավերները հաղթահարելու գործընթացների վերաբերյալ։ Ողջույնի խոսքում բնապահպանության նախարար Է. Գրիգորյանը ներկայացրել է բնապահպանական ոլորտի առաջնահերթությունները, այդ ուղղություններով վարվող քաղաքականությունը։ ՀԲ երևանյան գրասենյակի տնօրեն Ս. Բոսուտղոն վերահաստատել է Հայաստանին աջակցելու Բանկի պատրաստակամությունը և անդրադարձել է «Ֆինանսների մոբիլիզացում բնապահպանական առաջնահերթությունների համար» ծրագրի հիմնական բաղադրիչներին։
Աղբյուր՝ ՀՀ բնապահպանության նախարարություն

18:01 Հայաստան
ՀՀ աշխատանքի և սոցիալական հարցերի նախարարության Սոցիալական ապահովության ծառայության կողմից 2018 թվականի հունիսից մինչ օրս կատարվել են ակտիվ աշխատանքներ

կենսաթոշակների և նպաստների, տեղեկատվական տեխնոլոգիաների, փաստաթղթաշրջանառության, իրավական ապահովման և դատական գործընթացների, մամուլի և հասարակայնության հետ կապերի, մարդկային ռեսուրսների կառավարման, ինչպես նաև միջազգային համագործակցության ոլորտներում։ Մասնավորապես՝ շարունակելով գործատուների մոտ գտնվող աշխատանքային գրքույկների թվայնացման աշխատանքները՝ պետական կենսաթոշակային համակարգի տվյալների շտեմարան է ներառվել ավելի քան 270 000 աշխատանքային գրքույկ։
Աղբյուր՝ ՀՀ աշխատանքի և սոցիալական հարցերի նախարարություն

17:53 Հայաստան
Երևանի քաղաքապետի տեղակալ Դ. Օհանյանը հանդիպել է ճանաչողական այցով Երևան ժամանած Անդորրայի մայրաքաղաք Անդորրա-Լա Վելյայի մի մասը հանդիսացող Էսկալդես–Էնգորդան քաղաքի պատվիրակության հետ

Էսկալդես-էնգորդանի փոխքաղաքապետ Մ. Կալվետ Սոլայն նշել է, որ հոկտեմբերի 11-12-ը Երևանում կայանալիք Ֆրանկոֆոնիայի 16-րդ գագաթաժողովին կմասնակցեն նաև Անդորրայի նախագահ Ա. Մարտին և արտաքին գործերի նախարար Ա. Օվակը, իսկ Երևան կատարած այս ճանաչողական այցը նաև երկու մայրաքաղաքների միջև կապեր հաստատելու խթան կհանդիսանա:
Աղբյուր՝ Երևանի քաղաքապետարան

17:40 Հայաստան
Սեպտեմբերի 20-ին Երևան երկօրյա այցով Հայաստան են ժամանել մի խումբ մասնագետներ գերմանական հանրահայտ ATOS կլինիկաներից

Ժամանող հյուրերի թվում էին ոլորտի երեք հեղինակավոր բժիշկ և ATOS կլինիկաների երկու մասնաճյուղերի գլխավոր տնօրեններ։ Մասնագետներն այցի շրջանակներում մասնակցել ենմի շարք հատուկ միջոցառումների ու հանդիպումների։ Պատվիրակությունը հանդիպումներ է ունեցել ՀՀ առողջապահության փոխնախարարի, Մխիթար Հերացու անվան պետական բժշկական համալսարանի պրոֆեսորա-դասախոսական անձնակազմի և ռեկտորի, «Իմ քայլը» հիմնադրամի ներկայացուցիչների հետ, այցելություն էր կազմակերպվել նաև Հայրենիքի պաշտպանի վերականգնողական կենտրոն, «Wigmore» բժշկական կենտրոն, ՀՀ ազգային օլիմպիական կոմիտե, «Հայ մայրեր» բարեգործական ՀԿ:
Մամուլի հաղորդագրություն

16:33 Աշխարհում
ԱՊՀ երկրների մրցակցային մարմինների միջև արդյունավետ համագործակցության ամրապնդման և ԱՊՀ երկրների տարածքում մրցակցային դաշտի բարելավմանն ուղղված աշխատանքների իրականացման համար

հատուկ պարգևի է արժանացել ՀՀ Տնտեսական մրցակցության պաշտպանության պետական Հանձնաժողովի նախագահ Ա. Շաբոյանը: Պարգևը հանձնել է ԱՊՀ գործադիր կոմիտեի նախագահ Ս. Լեբեդևը՝ Սոչիում ընթացքող ԱՊՀ երկրների մրցակցային մարմինների ղեկավարների նիստում: Ս. Լեբեդևը կարևորել է ՀՀ Մրցակցային մարմնի դերն ու կատարած աշխատանքը, ինչպես նաև ակտիվ համագործակցությունը, որն էլ իր հերթին շարունակաբար նպաստել է ԱՊՀ անդամ երկրներում մրցակցային տասնյակ խնդիրների լուծմանը:
Մամուլի հաղորդագրություն

15:17 Հայաստան
ՀՀ սպորտի և երիտասարդության հարցերի նախարարությունը Երևանի լսողության խանգարումներ ունեցող երեխաների հատուկ կրթահամալիրի հետ համատեղ կազմակերպել էր

հերթական ֆիզկուլտուրային-առողջարարական «Սպորտլանդիա» միջոցառումը, որին մասնակցող կրթահամալիրի բարձր դասարանի սաներն ուժերն են չափել տարբեր շարժախաղերում:
Սպորտլանդիայից հետո նախարարության աշխատակիցները կրթահամալիրին փոխանցել են փոքրիկ նվերներ:
Աղբյուր՝ ՀՀ սպորտի և երիտասարդության հարցերի նախարարություն

14:42 Արցախ
Արցախի Հանրապետության ԱԺ նախագահ Ա. Ղուլյանը հրավիրել է աշխատանքային խորհրդակցություն՝ ԱԺ նախագահի տեղակալի, խորհրդարանի մշտական հանձնաժողովների, խմբակցությունների ղեկավարների

և աշխատակազմի պատասխանատուների մասնակցությամբ: Մշտական հանձնաժողովների նախագահները ներկայացրել են ութերորդ նստաշրջանի առաջին նիստի օրակարգի համար առաջարկված օրինագծերը և տվել համապատասխան պարզաբանումներ: Համաձայն «ԱԺ կանոնակարգ» օրենքի, լիագումար նիստին տեղի կունենա նաև նորընտիր պատգամավորներ Գ. Հ. Ստեփանյանի և Է. Ռ. Հարությունյանի երդման արարողությունը:
Աղբյուր՝ Արցախի Հանրապետության ԱԺ

14:04 Աշխարհում
Սեպտեմբերի 24-ին Բեռլինում` ԳԴՀ Սաար երկրամասի ներկայացուցչությունում, Գերմանիայում Հայաստանի, Ֆրանսիայի դեսպանությունների և ԳԴՀ Սաար երկրամասի նախաձեռնությամբ տեղի է ունեցել

հայ-գերմանա-ֆրանսիական համատեղ միջոցառում` նվիրված Երևանում անցկացվելիք Ֆրանկոֆոնիայի միջազգային կազմակերպության XVII-րդ գագաթաժողովին: Միջոցառմանը մասնակցել են ԳԴՀ կառավարության, ԱԳՆ բարձրաստիճան պաշտոնյաներ, Բունդեսթագի պատգամավորներ, Գերմանիայում հավատարմագրված դիվանագիտական ներկայացուցչությունների ղեկավարներ, լրագրողներ, փորձագետներ, հայ և ֆրանսիական համայնքների ներկայացուցիչներ: Միջոցառմանը բացման խոսքով հանդես են եկել Սաար երկրամասի լանդթագի նախագահ Շ. Տոսկանին, Գերմանիայում Հայաստանի դեսպան Ա. Սմբատյանը, Գերմանիայում Ֆրանսիայի դեսպան Անն-Մարի Դեկոտեն:
Աղբյուր՝ mfa.am

13:53 Աշխարհում
ՀՀ ՊՆ ռազմական ոստիկանության պետ Ա. Բաղդասարյանի գլխավորած պատվիրակությունը սեպտեմբերի 18-ից 21-ը մասնակցել է Սոֆիայում անցկացված

«ՆԱՏՕ-գործընկերներ» ձևաչափով ռազմական ոստիկանության պետերի ամենամյա համաժողովին, որի ընթացքում քննարկվել են ռազմական ոստիկանության գործունեության հնարավորությունները, տարածքային և գլոբալ անվտանգության արդիականացմանն ուղղված տարատեսակ հարցեր:
Աղբյուր՝ ՀՀ ՊՆ ռազմական ոստիկանություն

13:40 Հայաստան
ՀՀ տրանսպորտի, կապի և տեղեկատվական տեխնոլոգիաների նախարարությունում տեղի է ունեցել փոստային վճարման պետական նշանների հարցերով խորհրդի հերթական նիստը,

որը նախարարի հանձնարարությամբ նախագահում էր նախարարի տեղակալ Ա. Արզումանյանը: Նիստի ընթացքում քննարկվել է ՀՀ աշխատանքի և սոցիալական հարցերի նախարարությունից ստացված սոցիալական ոլորտի որևէ կարևոր գործընթաց խորհրդանշող թեմայով փոստային վճարման պետական նշան թողարկելու առաջարկը, որն էլ հավանության է արժանացել: Քննարկվել են նաև փոստային վճարման պետական նշանների՝ 2018 թվականի թողարկման ծրագրով նախատեսված 7 նմուշների էսքիզները:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

13:22 Աշխարհում
ՊԵԿ պատվիրակությունը Մինսկում մասնակցել է ԵԱՏՄ անդամ պետությունների մաքսային ծառայությունների միավորված կոլեգիայի 28-րդ նիստին,

որի ընթացքում ստորագրվել է մաքսային գործի տարբեր ոլորտներին առնչվող 27 որոշում, որոնք վերաբերել են երկուղի համակարգի կիրառման ժամանակ անձնական օգտագործման ապրանքների հայտարարագրմանը, լիազորված տնտեսական օպերատորների կողմից առաջնահերթության կարգով մաքսային գործառնությունների կատարմանը և ԵԱՏՄ անդամ պետությունների օրենսդրության խախտումը բացառելու նպատակով մեկնման փաստի հաստատմանն ու մաքսային տարանցման մաքսային ընթացակարգի ավարտին ուղղված միջոցների մշակմանը:
Աղբյուր՝ ՊԵԿ

19:16 Հայաստան
ՀՀ արդարադատության նախարարությունը ՀՀ ԱՆ Պրոբացիայի ծառայության իրավաբանի, սոցիալական աշխատողի, ինչպես նաև հոգեբանի հաստիքները համալրելու նպատակով

ձեռնամուխ է եղել ծառայության կադրային բանկի ստեղծման աշխատանքներին: 
Աշխատանքով հետաքրքրվածները կարող են իրենց ինքնակենսագրական տվյալները (CV) ներկայացնել [email protected] էլ.փոստին:
Աղբյուր՝ ՀՀ ԱՆ

18:06 Հայաստան
ՀՀ ԿԳ նախարար Ա. Հարությունյանը և Բուլղարիայի դեսպան Մ. Ցոցորկովա-Կայմակչիևան, անդրադառնալով կրթության բնագավառում Բուլղարիայի հետ հարաբերությունների զարգացմանը,

կարևորել են համագործակցության խորացմանն ուղղված գործնական քայլերի իրականացումը:
Անդրադարձ է եղել «Հայաստանի Հանրապետության կառավարության և Բուլղարիայի Հանրապետության կառավարության միջև կրթության և գիտության բնագավառներում 2016-2022 թվականների համագործակցության մասին» ծրագրին, որի ստորագրումը նախատեսվում է առաջիկա ամսվա ընթացքում: Զրուցակիցների հավաստմամբ` ծրագիրը նոր թափ կհաղորդի հայ-բուլղարական կրթական հարաբերություններին, մասնավորապես, միջբուհական համատեղ նախագծերի իրականացման և կրթաթոշակների փոխանակման գործընթացում:
Աղբյուր՝ ՀՀ ԿԳՆ

 

 

17:25 Աշխարհում
Սեպտեմբերի 21-ին Թբիլիսիի Երիտասարդության ազգային պալատում տեղի է ունեցել Վրաստանում ՀՀ դեսպանության կազմակերպած պաշտոնական ընդունելությունը՝

նվիրված ՀՀ անկախության 27-րդ տարեդարձին։ Ընդունելությանը ներկա են եղել Վրաստանի կառավարության անդամներ, խորհրդարանի պատգամավորներ, մի քանի տասնյակ երկրների դեսպաններ ու դիվանագետներ, հայ և վրացի մտավորականներ, վիրահայ համայնքի ներկայացուցիչներ։ Խոսքով հանդես է եկել Վրաստանում ՀՀ դեսպան Ռ. Սադոյանը: Ընդունելության ընթացքում ներկաներն ունկնդրել են հայկական ժողովրդական երաժշտություն:
Աղբյուր՝ mes.am

17:12 Աշխարհում
Սեպտեմբերի 21-ին ՉԺՀ-ում ՀՀ դեսպանությունում տեղի է ունեցել հանդիսավոր ընդունելություն՝ նվիրված ՀՀ Անկախության 27-րդ տարեդարձին և Հայաստանի Առաջին Հանրապետության 100-ամյակին

Ընդունելությանը ներկա են եղել Արտասահմանյան երկրների հետ բարեկամության չինական ասոցիացիայի փոխտնօրեն Ս. Ծինգվուն, ՉԺՀ Կոմկուսի կենտկոմի Միջազգային համագործակցության վարչության ներկայացուցիչներ, ՉԺՀ ժողովրդաազատագրական բանակի Միջազգային ռազմական համագործակցության գրասենյակի պետի տեղակալ, գեներալ-մայոր Ցը Գուովեյը, ՉԺՀ ԱԳՆ Եվրոպայի և Կենտրոնական Ասիայի վարչության, ՉԺՀ կոմերցիայի նախարարության, տարբեր այլ նախարարությունների և պետական հաստատությունների, ընկերությունների ներկայացուցիչներ։
Աղբյուր՝ mfa.am
 

17:00 Աշխարհում
Լատվիայում ՀՀ դեսպան Տ. Մկրտչյանը Լատվիայի գործադիր և օրենսդիր իշխանության մարմինների ներկայացուցիչների հետ հանդիպմանն անդրադառնալով երկկողմ տնտեսական հարաբերությունների խթանման անհրաժեշտությանը՝

ընդգծել է 2019թ. առաջին կեսին հայ-լատվիական միջկառավարական հանձնաժողովի նիստն անցկացնելու անհրաժեշտությունը՝ հավելելով, որ ստորագրման ենթակա բոլոր պայմանագրերը և նախապատրաստական աշխատանքներն արդեն ավարտված են: Այս համատեքստում անդրադարձ է եղել նաև «Էյր Բալթիկ» ավիաընկերության կողմից Ռիգա-Երևան կանոնավոր չվերթների վերաբացման անհրաժեշտությանը, ինչը կարող է երկու երկրների միջև առևտրաշրջանառության և զբոսաշրջության աճի համար աննախադեպ առաջընթացի հիմք դառնալ: Լատվիայի ԱԳՆ գլխավոր քարտուղարը խոստացել է ուշադրության կենտրոնում պահել քննարկված հարցրեը և աջակցել դրանց իրականացմանը:
Աղբյուր՝ mfa.am

16:33 Հայաստան
Սեպտեմբերի 19-ին Գերմանիայում ՀՀ դեսպան Ա. Սմբատյանը և Գերմանիայի տնտեսության և էներգետիկայի դաշնային նախարարության պետքարտուղար Թ. Բարայսն անդրադարձել են ԳԴՀ Կանցլեր Անգելա Մերկելի`

Հարավային Կովկաս կատարած այցին և դրա շրջանակներում Հայաստանի և Գերմանիայի միջև տնտեսական ոլորտում ձեռք բերված պայմանավորվածություններին: Կողմերը մասնավորապես ընդգծել են հայ-գերմանական տնտեսական համագործակցության ընդլայնման կարևորությունը, հատկապես` տեղեկատվական տեխնոլոգիաների, գյուղատնտեսության, տուրիզմի ոլորտներում:
Աղբյուր՝ mfa.am

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}