Երևանը՝ «այդքան հի՞ն»
Երևանն արդեն մի քանի օր պատրաստվում է տոնելու իր 2799-ամյակը: Էլի քաղաքով մեկ սփռված դրոշներ, տարբեր միջոցառումների նախապատրաստական աշխատանքներ, … ինչպես ամեն տարի:
Արդեն ստեղծվել է Երևանի հիմնադրման 2800-ամյակին նվիրված միջոցառումները նախապատրաստելու և կազմակերպելու նպատակով հանձնաժողով:
Ինչպես վերջին մի քանի տարիներին, երևանցիներն այնքան էլ ոգևորությամբ, խանդավառությամբ չեն սպասում Երևանի տոնին, ինչպես ասում են շատերը՝ «սովորական օր է իրենց համար»: Թե ինչո՞ւ է սովորական օր, չէ՞ որ պետք է հպարտանալ, որ այդքան հին քաղաքում են ապրում հարցին շատերը չցանկացան պատասխանել, մի քանիսն ուղղակի հոգոց հանեցին, հեռացան:
Իսկ պատասխանողներն էլ ասում էին՝ «այդքան հի՞ն, մի հին բան ցույց տուր»:
«Մենք այսօր մեր մայրաքաղաքի հին լինելու մասին խոսելով՝ կարող ենք մի քանի նախաքրիստոնեական հուշարձաններ ցույց տալ, իսկ վերջին 200 տարվա Երևանի պատմությունից գրեթե բան չի մնացել: Մի քանի փոքր-մոքր տներ են մնացել»,- Panorama.am-ի հետ զրույցում ասաց Երևանի նախկին գլխավոր նկարիչ Հաղթանակ Շահումյանը:
Նա հիշեց, երբ 1968 թվականին առաջին անգամ նշվեց Երևանի տոնը՝ 2750-ամյակը, այն իսկապես համաժողովրդական տոնի էր վերածվել, մարդիկ իրենց տների առջև սեղաններ էին բացել: Տասը տարվա ընդմիջումից հետո՝ 1978 թվականին, որոշվեց որ ամեն տարի նշվի:
Արվեստագետի խոսքով, այսօր երևանցու խնդիրը չպետք է լինի որևէ զբոսաշրջիկի ապացուցել, որ Երևանը հին է:
«Ինչու ենք մտածում, թե զբոսաշրջիկին ի՞նչ ցույց տանք, կամ սրան ապացուցենք, նրան ապացուցենք: Մենք նախ ինքներս մեզ պետք է ապացուցենք, որ արժանի ենք ապրելու այս քաղաքում: Մենք մեզ ապացուցելու համար պետք է քաղաքակիրթ, քաղաքային լավ միջավայր ունենանք, որն արժանի է 2800, 3000 կամ 5000 տարվա պատմության:
Մենք մեր վարքով, քաղաքային միջավայր ունենալով պետք է մեզ ապացուցենք, որ հին քաղաքակրթություն ներկայացնող ժողովուրդ ենք: Այդ միջավայրը չկա: Երևանի դեմոգրաֆիան փոխվել է: Երևանն իր մարդկանցով է առաջին հերթին Երևան, Հայաստանն իր մարդկանցով է եղել դրախտավայր, ոչ թե պեյզաժով կամ Արարատ սարով: Հայաստանը դրախտավայր է համարվել իր պետական կառուցվածքով, մարդկանց համար հարմար լինելով, զարգացման իր հրաշք վիճակով, ոչ թե բնության հրաշալիքներով»,- ասաց Հ. Շահումյանը:
Քաղաքի ժամանակագրության մասին պատկերացում են տալիս հենց ճարտարապետական կառույցները, իսկ այսօր երևանյան շենքերը, հատկապես «մշակութային արժեք ներկայացնող», ինչի՞ մասին կարող են վկայել…
Ավելի վաղ Panorama.am-ի հետ զրույցում ճարտարապետ Գարեգին Եղոյանն ասել էր. «Ինչո՞ւ պետք է պահպանել հին շենքերը: Դրանք կարևոր են քաղաքի ժամանակագրական շերտերը կարդալու համար: Քաղաքը դառնում է հետաքրքիր և կենդանի միջավայր, երբ քաղաքի մեջ առկա է ժամանակը: Քաղաքը տարբերվում է բնակավայրից ժամանակի գործոնով: Զբոսնելիս, քաղաքը կարդալիս, կարծես ճամփորդում ես ժամանակի մեջ:
Հին շենքը և նոր կառույցը հարստացնում են մեկը մյուսին: Այդ հարցերի ներդաշնակ լուծումը պահանջում է որոշակի հմտություն: Ամենակարճ ճանապարհն է՝ քանդել դրանք, հրաժարվել դրանցից: Բայց ցանկացած կառույց ունի իր պատմությունը, կենսագրությունը և, քանդելով այդ շենքերը, մենք ջնջում ենք քաղաքի կենսագրությունը»:
Այսօր քաղաքի կենսագրությունը ջնջվում է, և ինչքան էլ ամեն տարի նշենք քաղաքի տոնը, ասենք, որ այսքան տարեկան է Հայաստանի մայրաքաղաքը, դրա ապացույցները գնալով քչանում են, ջնջվում է: Իսկ մի օր կարող են ընդհանրապես չլինել:
Հարակից հրապարակումներ`
- Բուզանդի քանդված շենքերը կներառվեն «Հին Երևան» ծրագրում
- «Հին Երևան» անունն այդ նախագծին արժանի չէ»
- «Մեջտեղ եկավ «Հին Երևան» ծրագիրը, որն իրենից բացարձակապես պատմական արժեք ներկայացնել չի կարող»
- Հին Երևան, թե «Հին Երևան». Ճարտարապետ Ժորժ Շեխլյան
- Հին Երևան, թե «Հին Երևան». Ճարտարապետ Անահիտ Թարխանյան
- Հին Երևան, թե «Հին Երևան». Նկարիչ Հաղթանակ Շահումյան
- Հին Երևան, թե «Հին Երևան». Ճարտարապետ Գարեգին Եղոյան
- Հին Երևան, թե «Հին Երևան». Ճարտարապետ Գուրգեն Մուշեղյան
- Հին Երևան, թե «Հին Երևան». Արվեստագետ Ռուբեն Բաբայան
- Հին Երևան, թե «Հին Երևան». Մուլտիպլիկատոր Նաիրա Մուրադյան
- Հին Երևան, թե «Հին Երևան». Արվեստաբան Ռուբեն Արևշատյան
- Հին Երևան, թե «Հին Երևան». Ճարտարապետ Արսեն Կարապետյան
- Արամի 30-ը «նորից կտաշեն»
- «Իմ խնդիրն է վերականգնել միջավայր». «Հին Երևան» նախագծի հեղինակ
- Պահպանենք Աֆրիկյանների ակումբի շենքը նախաձեռնության նամակը` ՀՀ-ում հավատարմագրված եվրոպական կառույցներին
- Ժողովուրդ, արդեն հոգնել եմ Փակ շուկայից. Մշակույթի նախարար
- Քարմեջ արված Հին Երևան
- Մշակույթի նախարարությունը` Թումանյանի կկվի դերում
- Փակ շուկայում ընթացող շինարարությունը բուռն ընթացք է ստացել... նախագիծ էլի չկա (լուսանկարներ)
- Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 2
- Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 1
- Փակ շուկա… Մինչ նախագիծը քննարկվում է, «վանդալը բարբարոսաբար ոչնչացնում է հուշարձանը»
- «Զամասկած» Հին Երևան. Քարերն «աղմկում» են, բայց այն դեռ ծրագիր է
- Երևան` ընդունել հայրերից ու ժառանգել որդիներին. Հարցազրույց ճարտարապետի հետ
- Գարեգին Եղոյան. Այսպես, ի վերջո, Երևանը կդառնա… «բուխանկա»
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան