Ձեր վստահելի աղբյուրը

Մարդու իրավունքների ոլորտում կառավարության  գործողությունների ծրագիրը 2017 թվականին էր ընտրվել, նախատեսված էր  96 գործողություն։  «Մարդու իրավունքների պաշտպանության և դատական համակարգի խնդիրները Հայաստանում 2018 թ-ին» թեմայով քննարկմանը ՀՀ արդարադատության փոխնախարար Վիգեն Քոչարյանն ասաց, որ թաշվյա հեղափոխությունից հետո անհրաժեշտության առաջացավ, ինչը  բնական է, որպեսզի վերանայավի այդ ծրագիրը, չնայած նրան, որ դրա իրականացմանը մնացել է մեկ տարի։

«Այնուամենայնիվ, այդ ընթացքում եթե առկա են նոր առաջարկություններ և նոր միջոցառումների իրականցման հնարավորություն, ապա մենք պատրաստ ենք այդ գործողությունները կատարել»,- նշեց նա։

Փոխնախարարի խոսքով,  համապատասխան առաջարկություններ կարող են ներկայացնել պետական մարմինները, քաղհասարակության ներկայացուցիչները, կազմակերպելու են մի շարք քննարկումներ։

«Նպատակն այն է, որ մինչև տարեվերջ ունենանք նոր նախագիծ, որտեղ կարտացոլվեն այն գործողությունները, որոնք կարող են նախատեսել ու  իրականացնել հաջորդ տարվա ընթացքում»,- ասաց Վ. Քոչարյանը։

Քննարկմանը ներկա ՄԻՊ հետազոտական և կրթական կենտրոնի ղեկավար Լուսինե Սարգսյանն ասաց, որ 2018 թվականը Հայաստանում արժևորվեց ժողովրդավարական  գործընթացներով՝ քաղաքացին իր կամքի ազատ արտահայտման արդյունքում հնարավորություն ստացավ կատարել սկզբունքային փոփոխություններ։

Խոսելով մարտահրավերների մասին, նա նշեց, որ խնդիրներ կան ազատությունից զրկված, հաշմանդամություն ունեցող անձանց իրավունքների պաշտպանության հետ կապված,  խնդիրներ կան հոգեբուժական, երեխաների հաստատություններում։

«2018-ին հատուկ մարտահրավեր էր՝ ատելության խոսքի և վիրավորանքի աճը սոցիալական  ցանցերում հատկապես ակնհայտ կեղծ օգտատերերի կողմից, ինչն իսկապես մարտահարվեր է մարդու իրավունքների պաշտպանության տեսակետից»,- նշեց նա։

Իրավապաշտպան Զառա Հովհաննիսյանն ասաց, որ առաջընթաց կա կանանց իրավունքների պաշտպանության  ոլորոտում, քանի որ ուժի մեջ է մտել ընտանեկան բռնության կանխարգելման  օրենսդրությունը, հնարավարություն ունեն որոշակի մեխանիզմներով կանխարգելել։

«Մոնիտորինգային փուլում է, թե որքանով է այդ օրենսդրությունն օգտագործվում, կանխարգելում բռնությունն ընտանիքում»,- նշեց Զ. Հովհաննիսյանը։

Նրա խոսքով, որպես իրավաշտպան,  գտնում է, որ այն թերի է, պետք է վերամշակվի, ապագա գործընթացները տանելու են դեպի այդ ուղղություն։ Զ. Հովհաննիսյանն ասաց, որ, ակնհայտ է, հեղափոխությունից հետո քրեակատարողական հիմնարկներում իրավիճակի փոփոխություն կա։

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր  Սաքունցը խոսեց Հայաստանում նախատեսված ԼԳԲՏ համայնքի կոնգրեսի ձախողման մասին։

«Կարողացա՞վ նոր իշխանությունը այս վստահության պարագայում   որոշ մարտահրավերներին դիմագրավել։ Ոչ, խոսքը ԼԳԲՏ համայնքի կոնգրեսի ձախողման մասին է։ Լուրջ մտահոգիչ փաստ է»,- նշեց իրավապաշտպանը։

Նա մատնանշեց այլ խախտումներ՝  բռնություններ ոստիկանական բաժանմունքներում, հոգեբուժականա հաստատություններում խնդիրներ, հիմնականում կալանքը որպես խափանման միջոց կիրառելը և այլն, ապա ասաց. «Նոր խորհրդարանից ու գործադիր իշխանությունից ակնկալում ենք հայեցակարագային մոտեցումներ մարդու իրավունքների խնդիրների նկատմամբ։ Քաղաքացիական հասարակությունն ունի իր օրակարգը, որը տարիներ շարունակ կուտակվել է, այդ օրակարգը մշտապես կներկայացնեն»։