Ձեր վստահելի աղբյուրը

Մեկ ռուսական և մեկ արտասահմանյան ներդրողներ հետաքրքրված են Երևանում դիակիզարաններ բացելու ծրագրերով։ «Բնակչության հատուկ սպասարակում» ՀՈԱԿ-ի տնօրեն Արման Իսկանդարյանը Panorama.am-ի հետ զրույցում ասաց, բազմաթիվ ներդրողներ են դիմել կենտրոնին, իրենք տրամադրել են «Հուղարկավորությունների կազմակերպման և գերեզմանատների մասին» ՀՀ օրենքը։

«Երկու ներդրող այս պահին աշխատանքներ են տանում այդ ուղղությամբ։ Մեզ հետ անընդհատ կապի մեջ են։ Իմ կարծիքով, արդյունք  կլինի։ Երևի թե 2020-ին այդ ներդրողները կբացեն մեկակական  դիակիզարան։ Այս պահին տարածքի  հետ կապված հարցերն են քննարկվում, դրանից հետո կսկսեն շինարարությունը»,-ասաց նա։

ՀԱՈԿ-ի տնօրենի խոսքով, առավել նպատակահարմար է, որ դիակիզարանները բացվեն մայրաքաղաքի ծայրամասերում՝ հեռու բնակելի տներից, գյուղատնտեսական նշանակության հողամասերից։

Իսկանդարյանն ասաց՝ վիճակագրություն ունեն, Հայաստանի բնակչության 3-4 տոկոսն է այս պահին պատրաստ դիակիզման։

«Ես մի բան եմ ցանկանում ընդգծել, դիակիզարանների կառուցումից հետո  դիակիզումը պարտադիր չի լինելու։ Ստեղծվել է թույր կարծիք։ Բաց կարող եմ հավաստիացնել, որ նման մտադրություն կամ նման իրավունք չկա։ Նման բան լինել չի կարող, քանի որ նույնիսկ աշխարհի զարգացած երկրներում պարտադիր չէ։ Դիակիզումն այսպես ասած ավելի մատչելի է ու էսթետիկ։ Յուրաքանչյուր մարդ պետք է ունենա ընտրության հնարավորություն, եթե մարդը կամ նրա հարազատները ցանկանում են դիակիզում, ապա դրա հնարավորությունը պետք է լինի»,-ասաց Իսկանդարյանը։

Նրա խոսքով, եղել են դեպքեր, երբ մարդիկ մահացած հարազատին դիակիզելու խնդրանքով դիմել են ՀՈԱԿ-ին, սակայն նրանց ասել են՝ Հայաստանում նման հնարավորություն չկա, պետք է տանել արտասահման։

«Իմ օբյեկտիվ կարծիքն է, որ մարդկանց ցանկությունը պետք է հարգվի։ Հայաստանում կան այլազգիներ, որոնք այլ դավանանք ունեն։ Նրանք էլ պետք  է ընտրության հնարավորություն ունենան»,-նշեց նա։

«Հուղարկավորությունների կազմակերպման և գերեզմանատների ու դիակիզարանների շահագործման մասին»  ՀՀ օրենքը սահմանում է, որ դիակիզարան կամ որևէ գործող դիակիզարանի օգտագործման կամ դրա ծառայություններից օգտվելու համար անհրաժեշտ է
ունենալ  ոռոգման և խմելու ջրի համակարգ, հասարակական զուգարան.
2) ունենալ առնվազն մեկ ավտոդիատար.
3) պարսպապատել գերեզմանատան տարածքը.
4) պահպանել բնապահպանական և սանիտարահամաճարակային անվտանգության կանոնները:

Թաղման և դիակիզման կարգերը սահմանում է Հայաստանի Հանրապետության կառավարությունը:

Իսկանդարյանի տրամադրած տվյալների համաձայն, միայն Երևանի տարածքում 530 հա զբաղեցնում են գերեզմանատները, տարեկան դրանց մակերեսն ավելանում է 1.8 հա-ով։