«5 տարի արտոնյալ ժամկետից բխող լուծումներն այդքան էլ արդյունավետ չեն իրականացվել». Միքայել Մելքումյան
«Նկատենք, որ 5 տարի արտոնյալ ժամկետից բխող լուծումներն այդքան էլ արդյունավետ չեն իրականացվել»,- այսօր հայտարարեց Միքայել Մելքումյանը «ՀՀ` «Եվրասիական տնտեսական միության մասին» 2014 թվականի մայիսի 29-ի պայմանագրին միանալու մասին» 2014 թվականի հոկտեմբերի 10-ի պայմանագրում փոփոխություններ կատարելու մասին» արձանագրությունը վավերացնելու մասին հարցի քննարկման ժամանակ: Արձանագրությունը նախատեսում է ԵԱՏՄ միասնական մաքսային սակագների կիրառումը Հայաստանի համար ևս մեկ տարով հետաձգում:
Հայտնելով, որ ԵԱՏՄ տարածքի մաքսային տուքից առաջացած միասնական բյուջեից Հայաստանին բաժին է հասնում ընդամենը 1.22 տոկոս՝ պատգամավորը նկատեց, որ մարդիկ կային, որոնք ասում էին՝ ավելի լավ է այդ տոկոսն ավելի բարձր լիներ, քան 5 տարվա արտոնություններ ստանայինք: Մելքումյանը նկատեց, որ այդպիսի մտքեր նաև հնչում են հիմա՝ կառավարության բարձրաստիճան պաշտոնյաների կողմից:
«Եթե դա այդպես լիներ, չէինք գնա ԵԱՏՄ և ասեինք, որ մեկ տարով էլ երկարացրեք»,-հայտարարեց «Բարգավաճ Հայաստան» խմբակցության պատգամավորը: Ըստ Մելքումյանի, արտոնությունն ունի լրջագույն սոցիալական նշանակություն, որովհետև այն ոչ միայն կախված է ընդհանուր բյուջեից, նաև ժամանակ էր պետք տեղական արտադրությունը զարգացնելու համար:
Մելքումյանը նկատեց, որ թռչնի մսի պահանջարկի 80 տոկոսը պետք է տեղական արտադրությունը ապահովեր, այդ ժամանակահատվածում արդեն հասել ենք 26 տոկոսի:
«Արտոնությունից հսկայական մուտքեր մեր բյուջե բերեցին ավտոմեքենաների ներկրումը, եթե չեմ սխալվում 90 մլրդ դրամից պակաս չեն եղել այդ մուտքերը»,-հայտնեց պատգամավորը և հավելեց, որ բացի այդ նաև զբաղվածության խնդիր է լուծվել:
Շեշտելով, որ նոր արտոնությունը տարածվելու է նաև հունվարի 1-ից ծագած իրավահարաբերությունների վրա՝ պատգամավորը նկատեց, որ կառավարությունը կգտնի ձևը այս ամիսների ընթացքում բարձր մաքսատուրք վճարածներին փոխհատուցելու համար, իսկ պատգամավորները այդ իրավունքի մասին պետք է իրազեկեն տնտեսվարողներին:
Ըստ Միքայել Մելքումյանի, քանի որ ներկրողները շրջանառու միջոցներ պակաս ունեն, ապա կարևոր է, որ նրանք իմանան այդ փոխհատուցումը ստանալու մասին:
Հարակից հրապարակումներ`
- 647 ապրանքների մասով ԵԱՏՄ միասնական մաքսային սակագների կիրառումը կհետաձգվի ևս մեկ տարով
- Կներդրվի ԵԱՏՄ մաքսային տարածք ներմուծվող ապրանքների հետագծելիության համակարգ
- ԵԱՏՄ-ում ինտեգրման մակարդակը դեռևս թույլ չի տալիս գազի տարանցման միասնական սակագնի անցնելու համար. Պուտին
- «Գազի միասնական շուկայի արագ ձևավորման հարցը Հայաստանի դեպքում իրեն առավել սուր է զգացնել տալիս». Նիկոլ Փաշինյան
- Հիմա գազի գնի բարձրացման շուրջ խոսելու լավագույն ժամանակը չէ.Նիկոլ Փաշինյան
- Կքննարկվի ԵԱՏՄ տարածքից ախտահանման միջոցների արտահանման սահմանափակումների վերացման հարցը:
- «Փաստ». Նախատեսվում է ԵԱՏՄ-ին քաղաքական բաղադրիչ հաղորդել
- 3 ամսով արգելվում է առաջին անհրաժեշտության պարենային ապրանքների արտահանումը ԵԱՏՄ տարածքից դուրս
- ԵԱՏՄ երկրները 14 օրվա ընթացքում պետք է լուծումներ գտնեն գազի գնի, սակագնի և շրջանառության մասով
- Հայաստանն Իրանի երկրորդ ամենախոշոր արտահանման շուկան է ԵԱՏՄ-ում
Լրահոս
Տեսանյութեր
Մելքոնյան. Եկեղեցու, սրբազանների ակտիվացումը ցույց է տալիս, որ գտնվում ենք խորը ճգնաժամի մեջ