Նոր լարվածություն Թուրքիայի և Գերմանիայի միջև
Գերմանիայի և Թուրքիայի միջև նոր լարվածություն է հասունանում:
«Էրմենիհաբեր»-ի փոխանցմամբ, Գերմանիայի հետախուզական ծառայությունը սկսել է հետևել երկրում գտնվող 150 թուրքերի, ովքեր կասկածվում են Թուրքիայի ազգային հետախուզական ծառայության օգտին լրտեսության մեջ: Գերմանիայում Թուրքիայի ներկայացուցչություններում աշխատող այդ քաղաքացիների նկատմամբ ֆիզիկական և տեխնիկական վերահսկում է սահմանվել:
Աղբյուրի պնդմամբ՝ նշյալ անձանց անվանացանկը և Գերմանիայում գտնվելու վայրի մասին տեղեկությունները տրամադրվել են Թուրքիայում ահաբեկչական խմբավորում համարվող Գյուլենական համայնքի (FETÖ) գերմանական ենթակառույցների կողմից:
Նշվում է նաև, որ վերջին 6 ամսվա ընթացքում FETÖ-ի անդամները Գերմանիայի հետախուզական ծառայության համար տեղի թուրքերի վերաբերյալ 4 զեկույց են կազմել:
Թուրքական կայքը հիշեցնում է, որ 2017թ. ապրիլին դաշնային կառավարությունը խոչընդոտել էր Թուրքիայում կայանալիք սահմանադրական փոփոխությունների հանրաքվեին ընդառաջ Գերմանիայի թուրք ընտրողների հետ հանրաքվե անցկացնելու թուրք գործիչների փորձերը, իսկ գերմանական մի շարք սրահներ մերժել են թուրք քաղաքացիների հետ հանդիպման համար տարածք տրամադրել Էրդողանին, ով G-20 գագաթնաժողովի շրջանակներում հուլիսի սկզբին պետք է մեկնի Գերմանիա:
Աղբյուրը հիշեցնում է, որ ավելի վաղ թուրք-գերմանական հարաբերություններում լուրջ լարվածություն էր առաջացել նաև Գերմանիայում ապաստանած ենթադրյալ FETÖ-ականների արտահանձնման և Թուրքիայի Ինջիրլիք ռազմաբազայում գտնվող գերմանացի զինորականներին այցելության թույլտվության շուրջ կողմերի միջև առկա անհամաձայնությունների պատճառով:
Հարակից հրապարակումներ`
- Գերմանիան դուրս կբերի իր զինանձնակազմը Ինջիրլիքից
- Գերմանիայի արտգործնախարար. Դուրս կգանք Ինջիրլիքից
- Թուրքիա այցելած գերմանացի նախարարին վարչապետը հրաժարվել է հանդիպել
- Գերմանիան շուտով կորոշի՝ հանե՞լ իր զինվորներին Ինջիրլիքի ռազմաբազայից, թե՞ ոչ
- Գերմանիայի ԱԳՆ-ն Ինջիրլիքի շուրջ ստեղծված վեճի մասին. «Թուրքիան Գերմանիային շանտաժի է ենթարկում»
- Գերմանիան զգուշացնում է. Թուրքիա մեկնելու դեպքում վերադարձի հնարավորություն կարող է չլինել
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ