Ադրբեջանցիները փորձել են թաքուն գործողություններ իրականացնել Կապանում և ստացվել է. Գորգիսյան. «Փաստինֆո»
Մենք ունենք անվտանգության խնդիրներ, որոնք պետք է օր առաջ լուծվեն: Քաղաքական դաշտը փոխանակ այս հարցերով զբաղվի՝ իշխանականները շարունակում են հների դեմ կռիվ տալ, արտախորհրդարանական ուժերը շարունակում են վիրավորանքներ հնչեցնել: Այսպես չի կարող շարունակվել։ Այս մասին «Փաստինֆո»-ի հետ զրույցում ասել է «Լուսավոր Հայաստան» խմբակցության քարտուղար Գևորգ Գորգիսյանը՝ ընգծելով, որ օր առաջ պետք է արտահերթ ընտրություններ անցկացվեն:
Անդրադառնալով Կապանում ադրբեջանցի զինվորների արված տեսանյութերին, պատգամավորը նկատել է, որ տեսանկարահանումը գաղտի է արված և տեսանկարահանման թույլտվություն չկա.
«Ադրբեջանցիները փորձել են թաքուն գործողություններ իրականացնել և ստացվել է: Բնավ ԱԱԾ աշխատանքը չի գոհացնում, նույնիսկ եթե տեսանկարահանումն արվել է եռակողմ այցի շրջանակներում, ակնհայտ է, որ պետք է լիներ համաձայնություն՝ ինչ է թույլատրվում, ինչը՝ ոչ: Ելնելով նրանից, որ նկարահանումը գաղտնիություն պահպանելով են փորձել անել, ենթադրում եմ, որ թույլատվություն չի եղել»:
Պատգամավորի խոսքով՝ ԱԱԾ-ն այսօր զբաղված է ընդդիմադիր գործիչներին հետևելով, ֆեյքեր բռնելով, ինչն էլ փաստում է, որ ԱԱԾ-ն ռեսուրսները սխալ ուղղությամբ է օգտագործում:
Հարակից հրապարակումներ`
- Ռազմական փորձագետը՝ ԱԱԾ-ին. Ո՞ւմ եք էշի տեղ դրել
- ԱԱԾ-ն հայտնում է, որ Կապանում ադրբեջանցիների նկարահանումները եռակողմ համաձայնությամբ են
- Ադրբեջանցին Կապանում. «Մտնենք քաղաք, նկարենք, մեր ձեռքում տեղեկություն լինի, թե ինչ կա, ինչ չկա»
- Ադրբեջանցիները հայկական պետհամարանիշով մեքենաներով շրջում են Կապանում. Mediaport