Մենք շատ լուրջ խնդրի առաջ ենք կանգնած, քանի որ մեր երկիրը ղեկավարում է վախկոտ մի մարդ. Գեղամ Նազարյան
«Երկրում իշխանությունը զավթած վարչախումբն իր առաջնորդով հետապնդում է մի նպատակ՝ սպասարկել ադրբեջանական պետության շահերը»,- ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի հրատապ աշխատանքային քննարկման ժամանակ ասաց «Հայաստան» խմբակցության պատգամավոր Գեղամ Նազարյանը։
Հիշեցնենք, որ հանձնաժողովի նիստում քննարկվում է կառավարության այսօրվա նիստում Նիկոլ Փաշինյանի հայտարարությունները, մասնավորապես՝ Ադրբեջանի կողմից Գորիս-Կապան ճանապարհի հատվածում մաքսակետեր տեղադրելու վերաբերյալ:
Նա նշեց, որ այդ ճանապարհը նույնիսկ խորհրդային տարիներին, քարտեզներով ադրբեջանական չի եղել, հակառակ դեպքում այդ ճանապարհն այդպես չէր կառուցվի։
«Այդ ճանապարհը հատուկ կառուցվել է այնպես, որ այն լինի Հայաստանի տարածքում։ Եվ այդ ճանապարհով որևէ ադրբեջանական գյուղ որևէ ադրբեջանական գյուղի չի կապում։ Այդ ճանապարհը Ադրեբեջանին որևէ ձևով պետք չի։ Ադրբեջանի համար այդ ճանապարհն իրականում ոչինչ է, բայց ունի մի կարևոր նշանակություն՝ այդ ճանապարհով Իրանը կապվում է Հայաստանին, Վրաստանին, Ռուսաստանին։ Ադրբեջանը մաքսակետեր տեղադրեց այդ ճանապարհին՝ հսկելու համար Իրանից դեպի Հայաստան տեղի ունեցող ամբողջական հոսքերը»,- ասաց պատգամավորը։
Նա ընդգծեց՝ սա ուղղակի բացթողում կամ արկածախնդրություն չէ, շատ ավելի խորը խնդիր է, դավաճանություն, որովհետև այդ ճանապարհը, որով մի ամբողջ մարզ կապվում է Երևանի, այլ քաղաքների հետ, հանձնել այսպես հեշտությամբ, ավելին՝ մարդուն ասում են՝ քո ուզած քաղաք հասնելու համար պետք է անցնես ադրբեջանական թրի տակով։
«Գովազդում են նոր ասֆալտապատ ճանապարհ, որը ձմռան ամիսներին անվտանգությունից ելնելով կփակվի, քանի որ ձմռանը ուղղորդել մարդկանց երթևեկել այդ ճանապարհով, նշանակում է ուղղորդել ուղիղ դեպի մահ, դեպի դժբախտություն»,- ասաց Գ. Նազարյանը։
Նա վստահ է, որ այդ ճանապարհը հետ է բերվելու, քանի որ միջազգային բոլոր նորմերով ադրբեջանցիների գտնվելն այդտեղ հակաօրինական է, միջազգային որևէ կառույց չի կարող այս հարցում Հայաստանին մենակ թողել, եթե, իհարկե, մի գլխավոր խնդիր լուծվի և Հայաստանում հաստատվի երկրի և հայ ժողովրդի շահը հաստատող իշխանություններ։
«Մենք կանգնած ենք մեծ վտանգի առաջ, քանի դեռ մեր երկիրը ղեկավարում է վախկոտ մի մարդ։ Նա է խոստովանել, որ վախկոտ է. պատասխանելով պատգամավորներից մեկի հարցին, թե ինչու դեկտեմբերին մեր զորքերը հետ քաշեցին, ասաց՝ բա որ հետ չքաշեին, բա պատերազմ լիներ։
Այսինքն՝ վախից հետ է քաշվել։ Վակոտ մարդը վախերից ելնելով կարող է հետ քաշել, սահմանները, ճանապարհները նվիրել։ Այնպես որ, մենք շատ լուրջ խնդրի առաջ ենք կանգնած, քանի որ մեր երկիրը ղեկավարում է վախկոտ մի մարդ»,- ասաց Գեղամ Նազարյանը։
Հարակից հրապարակումներ`
- «Հայաստանը հանձնվում է այնպես, ինչպես պայմանավորվել են թուրքերը՝ իշխանությունը զավթած թուրքի ստրուկների հետ»
- Իշխանությունը ժողովրդի թիկունքում բանավոր գործարքների է գնում թշնամի երկրի հետ. Գեղամ Մանուկյան
- ՀՀ ազգային և պետական շահը որևէ կերպ չի սպասարկվում. Արամ Վարդևանյան
- Թաթոյան. Հայաստանից ադրբեջանական մարմիններին հուշում են՝ պետք է վճարներ գանձել Գորիս-Կապան ճանապարհով երթևեկող ՀՀ բնակիչներից
- Ստացվում է, որ ՀՀ տարածքի մասին մենք պետք է այսուհետ խոսենք անցյալով. Թագուհի Թովմասյան
- Թշնամին քայլ առ քայլ երկկողմանի շրջափակումը սարքում է եռակողմ. Թադևոս Ավետիսյան
- Ղազինյան. Կարելի է՞ արդյոք ենթադրել, որ Նիկոլի Ադրբեջանի հետ օպերատիվ կապը գործում է անխափան
- Սյունիքի մեծ թվով բնակավայրերի մի հատվածի նկատմամբ Հայաստանը կորցնում է իր վերահսկողությունը. Տիգրան Աբրահամյան
- Հավանաբար ՀՀ քաղաքացիները վճարելով կարող են անցնել Գորիս-Կապան ճանապարհը. ՀՀ ԱԽՔ
- Էլինար Վարդանյան. ԱԽՔ-ի հայտարարությունից պարզ է, որ Գորիս-Կապան մայրուղին վերջնականապես նվիրել են Ադրբեջանին
- Շահագրգռված ենք տարածաշրջանի բոլոր կոմունիկացիաների ապաշրջափակման հարցում.Փաշինյան
- Աննա Գրիգորյան. Բարձրավանը, Որոտանը, Շուռնուխը հայտնվելու են շրջափակման մեջ
- Ադրբեջանական անցակետը չի գտնվում ՀՀ տարածքում, խոսքը Էյվազլիի հատվածի մասին է. Նիկոլ Փաշինյան
- Հայաստանի կարևորագույն մայրուղու վրա հաստատվել է թուրքական գերիշխնություն. Գեղամ Մանուկյան
- Տիգրան Աբրահամյան. Հայաստանի շուրջ օղակը շարունակվում է սեղմվել
- Ժամը 11։00-ին Հանրապետության հրապարակ, կառավարությունից պահանջելու ենք պատասխան. Գեղամ Մանուկյան
- Սյունիքում անվտանգային նոր ական է դրվում. Տիգրան Աբրահամյան
- Ադրբեջանը այսօրվանից սահմանային և մաքսային հսկողության կետեր կտեղադրի ՀՀ-ում՝ Գորիս-Կապան ճանապարհին