Վարդան Պետրոսյանի դատավճիռը կհրապարակվի հունվարի 29-ին
Վարդան Պետրոսյանի փաստաբան Նիկոլայ Բաղդասարյանը դատավարության հերթական նիստի սկզբում հայտարարեց, որ նախորդ նիստի վերջում իր կողմից ներկայացված միջնորդությունը հետ է վերցնում:
Հիշեցնենք` դատական նախորդ նիստում Նիկոլայ Բաղդասարյանը դատարանին միջնորդել էր տուժողի իրավահաջորդ Արթուր Հակոբյանի նկատմամբ քրեական գործ հարուցել:
Այնուհետև տուժողի ներկայացուցիչ Արթուր Հակոբյանն ասաց, որ հաշտեցման մասին խոսք լինել չի կարող. «Իրենց հաշտեցման առաջարկությունն է՝ մեղավորություն վերցնեմ իմ վրա, Վարդանը բաց ճակատով դուրս գա հանրության դեմ: Ամեն ինչ ֆռռացնում են մեզ վրա: Բոլորը ստում են: Վարդան Պետրոսյանը դերասանական շնորհք ունի, ճարտար լեզու ունի, ուզում է իրեն այստեղ լավ ցույց տալ, որ մենք իրենից փող ենք պոկում:
Անմեղ զոհեր: Հարբած նստեցիր ղեկին, արդեն հանցագործ ես: Ես բողոքելու եմ խմածության համար մինչև վերջ: Ես երեխայի արյունը ծախող չեմ: Ես քեզ ճանաչե՞լ եմ, ես քեզանից փող ուզած կա՞մ:
Ճանաչել ենք որպես դերասան, որպես հայ մարդ: Իսկ ինքն իրան շատ լավ ա զգում, որ երկու երեխա է մահացել, իսկ չի հիշում, թե իննսունականներին ինքը ինչ էր, ժողովուրդն իրան ինչ ա ասում: Իննսունականներին թողեց գնաց, սիգարը բերանին, վաննայի մեջ, փրփուրը լցրած»,-ասաց Արթուր Հակոբյանը:
Այնուհետև կողմերի կողմերը հանդես եկան ռեպլիկներով:
Վարդան Պետրոսյանի գործով դատավարությունն ավարտվեց: Դատավոր Վաղինակ Մկրտչյանը հեռացավ խոհրդակցական սենյակ՝ դատական ակտ կայացնելու: Այն կհրապարակվի հունվարի 29-ին:
Հիշեցնենք, որ Վարդան Պետրոսյանին մեղադրանք է առաջադրված ՀՀ Քրեական օրենսգրքի 242-րդ հոդվածի 3-րդ մասի հատկանիշներով՝ (Ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ): Նախորդ դատական նիստի ընթացքում դատախազը միջնորդել է Վարդան Պետրոսյանին մեղավոր ճանաչել և նրան դատապարտել 6 տարի 6 ամիս ժամկետով ազատազրկման, 3 տարով զրկելով տրանսպորտային միջոցը վարելու իրավունքից, բռնագանձել շուրջ 500 հազար ՀՀ դրամ:
Նախորդող հրապարակումներ՝
Միջադեպ՝ Վարդան Պետրոսյանի գործով դատական նիստի ժամանակ
Վ. Պետրոսյանի ֆրանսիացի պաշտպան. Խայտառակություն է
Վարդան Պետրոսյանի պաշտպան. Այս քրեական գործի մեխը դեպքի վայրի զննությունն էր, որն առաջ տարվեց կեղծիքներով
Վարդան Պետրոսյանի պաշտպանները հանդես են գալիս պաշտպանական ճառերով
Վարդան Պետրոսյանը պատիժը կկրի բաց ռեժիմով. «Այլընտրանք չկա»
Վ. Պետրոսյանի ֆրանսիացի պաշտպան. Մեկամյա ձևական դատաքննությունը հանգեցրեց իմաստազուրկ մեղադրական ճառի
Վարդան Պետրոսյանի պաշտպանը դիմել է ՄԻԵԴ
Դատախազը միջնորդեց դերասան Վարդան Պետրոսյանին դատապարտել 6 տարի 6 ամիս ժամկետով. iravaban.net
«Կանխատեսում էի՝ բուժման ծախսերն առանց սակարկելու կընդունեն». Վարդան Պետրոսյանի գործ
Տուժող կողմը միջնորդեց Վարդան Պետրոսյանից բռնագանձել շուրջ 13 միլիոն դրամ
Տուժող կողմի փաստաբան. Մենք ցանկություն չունենք, որ դատաքննությունը մեկ օր ավել տևի