Ավետիք Իշխանյան. Հույս ունեմ, որ նախկին ընդդիմություն և այսօր իշխանություն հանդիսացող ուժն իր խոստումը չի դրժի
«Երբ քննարկում էին Սահմանադրությունն ու սահմանադրական նորմերը, «Ելք» խմբակցության պատգամավորները, մասնավորապես այսօրվա վարչապետ Նիկոլ Փաշինյանը խիստ քննադատում էին որոշ դրույթներ, այդ թվում փոխվարչապետերի ինստիտուտը: Բայց հիմա դա իրենց ժառանգություն մնաց»,-«Վերահսկելի և պատասխանատու իշխանություն ձևավորելու անհրաժեշտություն․ չկա անձեռնմխելի իշխանություն» թեմայով քննարկման ժամանակ ասաց Հելսինկյան կոմիտեի նախագահ Ավետիք Իշխանյանը։
Նա նշեց, ինքն էլ աջակցել է հեղափոխության իրականացմանը, հավատացել է դրան, հիմա սպասում է, որ նոր իշխանությունը կարդարացնի իրենց հույսերը:
«Ես սպասողական վիճակում եմ և հույս ունեմ, որ նախկին ընդդիմություն և այսօր իշխանություն հանդիսացող ուժն իր խոստումը չի դրժի, և մենք, իսկապես, կունենանք իրապես պառլամենտական կառավարման համակարգ, իսկապես իշխանության տարանջատում»,-ասաց նա:
Իշխանյանի խոսքով, այսօր պետք է իշխանությունը գնահատական տա անկախության շրջանին, այդ ընթացքում սահմանադրական տապալման փորձերին:
«Դրա հիմքը դրվել է 95-ին: Այդ Սահմանդրությունը Հայաստանը դարձրեց միջնադարյան, ֆեոդալական պետություն: Կարծում եմ, որ այդ թվականից գործող, հրամայող մարդիկ իրավաքաղաքական հռչակագրով պետք է զերծ մնան քաղաքականությանը մասնակցելուց, պետք է լինի լյուստրացիա»,-նշեց բանախոսը:
Իշխանյանը համարում է, որ 30 տարին բավարար էր՝ իսկապես ժողավրդավարական երկիր սարքել, որտեղ չլիներ արտագաղթ, մարդիկ հպարտ ապրեին, եթե մարդիկ չմտածեին միայն սեփական իշխանությունը պահելու և հարստանալու մասին:
«Հիմա պետք է հստակ գիծ դրվի: Մենք պետք է պահանջենք ոչ միայն «Քաղաքացիական պայմանագրից», որը հստակ խոստումներ է տվել, այլ բոլոր քաղաքական ուժերից, ովքեր մասնակցելու են ընտրություններին: Ես քարոզչություն չեմ անելու, բայց հակաքարոզ անելու եմ, ցանկալի կլինի, որ ամեն կուսակցություն, հստակ իր ծրագրում գրի անցյալի գնահատականի ու կատարելիք բարեփոխումների մասին»,-ընդգծեց Իշխանյանը:
Լրահոս
Տեսանյութեր
«Տավուշը հանուն հայրենիքի» շարժման անդամները քայլերթով գալու են Երևան. Բագրատ Սրբազան
