Լրահոս

ԿԱՐՃ ԼՈՒՐԵՐ

18:33 Հայաստան
Վարչապետ Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն՝ ՀՀ- ում համապարփակ բժշկական ապահովագրական համակարգի ներդրման վերաբերյալ

Առողջապահության նախարարի պաշտոնակատար Ա. Թորոսյանը զեկուցել է, որ աշխատանք է կատարվել անհրաժեշտ քայլերն ուրվագծելու ուղղությամբ, և մշակվել է համապատասխան վերլուծական փաստաթուղթ: Ա. Թորոսյանը նաև ներկայացրել է համակարգի ընդգրկման (ծածկույթի), ներդրման փուլերի, ապահովագրական բուժօգնության ծավալի, ապահովագրավճարների նախնական հաշվարկների, համակարգի ներդրման ինստիտուցիոնալ, ֆինանսավորման և կառավարման մեխանիզմների մասով կատարված վերլուծությունը, ինչպես նաև այս առումով միջազգային հաջող փորձը:
Մամուլի հաղորդագրություն

18:20 Հայաստան
Մայր Աթոռ Սուրբ Էջմիածնի Հրատարակչական բաժինը լույս է ընծայել ճարտարապետ, շինարարական արվեստի պատմաբան Լիպարիտ Սադոյանի

«Մեսրոպաստեղծ հայոց գրապատկերների կազմության սկզբունքները» աշխատությունը:
Աշխատությունը հրատարակության են պատրաստել Հայկ Սադոյանը և Մայր Աթոռի Հրատարակչական բաժնի տնօրեն Արժանապատիվ Տ. Արարատ քահանա Պողոսյանը: Գիրքը հրատարակվել է «Սարգիս Գաբրիելյան» հիմնադրամի մեկենասությամբ:
Աղբյուր՝ Մայր Աթոռ Ս. Էջմիածին

18:06 Հայաստան
ՀՀ ԱԻՆ- ում կայացել է Փրկարար ծառայության ընդլայնված խորհրդակցություն, որը վարել է ծառայության տնօրեն, փ/ծ գնդապետ Արտակ Նահապետյանը

ՀՀ ԱԻ նախարարության տարբեր ստորաբաժանումների ղեկավարները, խորհրդակցությանն առցանց մասնակցող Արցախի Հանրապետության արտակարգ իրավիճակների պետական ծառայության, Երևան քաղաքի և ՀՀ մարզային փրկարարական վարչության պետերը զեկուցել են հունվարի 11-ից 18-ն ընկած ժամանակահատվածում գրանցված ահազանգերի, ձեռնարկված միջոցառումների, մարզերում տեղակայված ժամանակավոր հենակետերի, ինչպես նաև տրանսպորտային միջոցների տեխնիկական վիճակի մասին:
Աղբյուր՝ ՀՀ ԱԻՆ
 

17:53 Աշխարհում
Հունվարի 17-ին Չեխիայում ՀՀ նորանշանակ դեսպան Ա. Հովակիմյանն իր հավատարմագրերի պատճենն է հանձնել

Չեխիայի ԱԳ նախարարության դիվանագիտական արարողակարգի տնօրեն Մ. Շարբոխովային: Հավատարմագրերի հանձնման արարողությանը հաջորդած զրույցի ընթացքում տկն․ Շարբոխովան շնորհավորել է Ա. Հովակիմյանին Չեխիայում Հայաստանի դեսպանի պաշտոնում նշանակվելու կապակցությամբ: Հանդիպման ընթացքում քննարկվել են հայ-չեխական հարաբերությունների զարգացման և ամրապնդման հեռանկարները:
Աղբյուր՝ mfa.am

17:40 Հայաստան
ՀՀ արդարադատության նախարարի տեղակալ Ս. Քրմոյանը մասնակցել է «Աբովյան ՔԿՀ. վերականգնման, արդյունավետության և թափանցիկության մշակույթի հիմնում» ծրագրի ամփոփիչ միջոցառմանը,

որը կայացել է Արդարադատության նախարարության, Քաղաքացիական հասարակության ինստիտուտի և Հայաստանում ԱՄՆ դեսպանատան հետ համատեղ: Հանդիպմանը ներկա են եղել նաև «Աբովյան» քրեակատարողական հիմնարկի պետ Գ. Վարդանյանը, ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի փոխտնօրեն Գ. Հովակիմյանը, Քաղաքացիական հասարակության ինստիտուտի տնօրեն Ա. Կիրակոսյանը և այլք:
Աղբյուր՝ ՀՀ ԱՆ

17:25 Աշխարհում
ԱՄՆ-ում ՀՀ դեսպան Վ. Ներսեսյանը Ռոդ Այլենդ նահանգի սենատոր Շ. Ուայթհաուսին ներկայացրել է ՀՀ ներքաղաքական գործընթացների վերջին զարգացումներն

ու հայ-ամերիկյան գործակցության օրակարգային հարցերը: Դեսպանն ընդգծել է ՀՀ կառավարության պատրաստակամությունն ընդլայնելու և խորացնելու հայ-ամերիկյան հարաբերությունները` այդ հարցում կարևորելով անձամբ սենատորի և Սենատում Հայաստանի բարեկամների դերակատարումը: Կողմերը բարձր են գնահատել Ռոդ Այլենդում հայ համայնքի ակտիվ դերակատարումը նահանգային կյանքի ամենատարբեր բնագավառներում, ինչպես նաև հայ-ամերիկյան բարեկամական հարաբերությունների ամրապնդման գործում:
Աղբյուր՝ mfa.am

17:00 Հայաստան
Դեկտեմբերի 24-ից 28-ն ընկած ժամանակահատվածում խախտումներով արձանագրված թվով 52 իրավախախտման դեպքով հաշվարկվել է

24.164.604 ՀՀ դրամի շրջակա միջավայրին հասցված վնաս, իսկ 22-ի վերաբերյալ նշանակվել է 2.780.000 ՀՀ դրամի վարչական տուգանք:
Աղբյուր՝ ՀՀ բնապահպանության նախարարություն

16:33 Հայաստան
Երևանի քաղաքապետարանի աշխատակազմի հայտարարած մրցույթի արդյունքում «Բնակչության հատուկ սպասարկում» ՀՈԱԿ-ի տնօրենի թափուր պաշտոնի համար հաղթող է ճանաչվել Ա. Իսկանդարյանը

Ընկերության նոր տնօրենին աշխատակազմին է ներկայացրել քաղաքապետարանի աշխատակազմի քարտուղար Վ. Խաչատրյանը: Երևանի քաղաքապետարանի «Բնակչության հատուկ սպասարկում» ՀՈԱԿ-ը համակարգում է համայնքային գերեզմանատներում տարածքների հատկացման և ոլորտին առնչվող մյուս գործառույթները: ՀՈԱԿ-ի աշխատանքների կազմակերպման վերաբերյալ ապագայում նոր, սկզբունքային լուծումներ կկիրառվեն:
Աղբյուր՝ Երևանի քաղաքապետարան

16:06 Հայաստան
Հունվարի 17-ին տեղի է ունեցել Հանրային խորհրդի ամբողջական կազմով առաջին հանդիպումը, որը կրել է աշխատանքային խորհրդակցության բնույթ և վարել է Վ. Մանուկյանը

Խորհրդի անդամները քննարկել են Հանրային խորհրդի կանոնադրությանը, գործունեությանը, Հանրային խորհրդի անդամների լիազորություններին ու գործառույթներին առնչվող հարցեր։ Բարձրացվել է Հանրային խորհրդի նպատակների, ռազմավարության, տեսլականի հստակեցման և ամրագրման կարևորությունը կառույցի հետագա գործունեության արդյունավետության ապահովման նպատակով։
Մամուլի հաղորդագրություն

15:17 Աշխարհում
ԵԱՀԿ-ում Հայաստանի առաքելության ղեկավար, դեսպան Ա. Պապիկյանը հանդիպել է ԵԱՀԿ Գլխավոր քարտուղար Թ. Գրեմինգերին

Թոմաս Գրեմինգերը վստահություն է հայտնել, որ դեսպան Պապիկյանի անցած ուղին լավագույնս կնպաստի ձևավորված համագործակցության վերընթաց զարգացմանը։ Բարձր գնահատելով Հայաստանում տեղի ունեցած վերջին ներքաղաքական զարգացումները՝ Թոմաս Գրեմինգերը պատրաստակամություն է հայտնել շարունակելու աջակցությունը Հայաստանին հետագա բարեփոխումների գործընթացում։
Աղբյուր՝ mfa.am

 

14:30 Աշխարհում
Նիդերլանդներում ՀՀ դեսպան Տ. Բալայանը հանդիպել է Եվրոպական միության իրավապահ գործակալության՝ Եվրապոլի գործադիր տնօրեն Կ. Դե Բոլի հետ

Դեսպան Բալայանը ներկայացրել է Հայաստանում կոռուպցիայի, կազմակերպված հանցավորության դեմ պայքարի ուղղությամբ իրավապահ մարմինների գործունեությունը։ Այդ համատեքստում կարևորվել է Եվրապոլի և ԵՄ անդամ երկրների հետ փոխգործակցության խորացումը։ Հանդիպմանը քննարկվել են ՀՀ ոստիկանության և Եվրապոլի միջև համագործակցության հաստատման հնարավորությունները։
Աղբյուր՝ mfa.am

13:25 Հայաստան
Հունվարի 17-ին ՀՀ ՊՆ մարդու իրավունքների և բարեվարքության կենտրոնի պետ, գնդապետ Ա. Ավետիսյանը չհայտարարված այց է կատարել

ՊՆ կենտրոնական հավաքակայան, ծանոթացել զորակոչիկների ընդունման, վիճակահանության և բուժզննության կազմակերպման, մանդատային հանձանաժողովի աշխատանքներին, զրուցել զորակոչիկների և ծնողների հետ:
Աղբյուր՝ ՀՀ ՊՆ

13:12 Հայաստան
«Վալլեքս» խմբի ընկերությունները տեղեկացնում են

Հիմք ընդունելով վերջին շրջանում մամուլում տարածված փաստերը, ինչպես նաև «Վալլեքս» խմբի և նրա անդամ ընկերությունների անունը դիտավորությամբ սևացնելու ուղղությամբ առանձին անձանց գործողությունները, այնպես էլ ՀՀ Ազգային ժողովի բարձր ամբիոնն ու Ազգային ժողովի պատգամավորի մանդատը, ներկայացնում ենք «Վալլեքս» խմբի կողմից վերջին օրերի իրադարձությունների վերաբերյալ տարածած տեղեկատվական հաղորդագրությունը ու հորդորում ենք ձեռնպահ մնալ «Վալլեքս» խմբի և նրա ղեկավարության վերաբերյալ ստահոդ լուրերի տարածումից։
Աղբյուր՝ vallexgroup.am

11:00 Աշխարհում
Աթենքում հարյուրավոր դասատուներ բողոքի ցույցի են դուրս եկել

Նրանք դեմ են հանրակրթական դպրոցների աշխատանքի ընդունման նոր չափորոշիչներին:

10:25 Հայաստան
Աշխատանքային այցով Եգիպտոսում գտնվող փոխվարչապետ Մ. Գրիգորյանը հանդիպում է ունեցել Եգիպտոսի վարչապետ Մ. Մադբուլիի հետ

Ներկայացնելով ԵԱՏՄ անդամ պետությունների և Եգիպտոսի միջև առևտրաշրջանառության ծավալը՝ փոխվարչապետը հույս է հայտնել, որ հաստատված համագործակցությունը լավ հիմք կհանդիսանա բանակցությունների հաջող ընթացքի և ապագայում՝ ազատ առևտրի համաձայնագրի կնքման համար: Մ. Գրիգորյանը վստահեցրել է, որ ԵԱՏՄ-ի շրջանակներում Եգիպտոսի հետ հարաբերությունների զարգացումը նոր ազդակ կհաղորդի հայ-եգիպտական երկկողմ հարաբերությունների ընդլայնմանն ու խորացմանը:
Աղբյուր՝ gov.am

10:12 Հայաստան
ՀՀ փոխվարչապետ Տ. Ավինյանն ընդունել է Ասիական զարգացման բանկի (ԱԶԲ) հայաստանյան ներկայացուցչության տնօրեն Շ. Ռոզենթալի գլխավորած պատվիրակությանը,

ով հայտնել է, որ այս տարի ԱԶԲ-ն հաստատելու է Հայաստանի հետ գործընկերության հնգամյա ռազմավարությունը, որը համահունչ կլինի նոր կառավարության զարգացման ռազմավարության հետ, ինչի համար խորհրդակցություններ կանցկացվեն կառավարության շահագրգիռ գերատեսչությունների հետ: Նա հավելել է, որ գործընկերության ռազմավարության մեջ շեշտադրում է լինելու տրանսպորտային ենթակառուցվածքների զարգացման ու կապակցելիության, ինչպես նաև կրթության և առողջապահության ոլորտների ֆինանսական աջակցության վրա:
Աղբյուր՝ Փոխվարչապետ Տիգրան Ավինյանի գրասենյակ

 

19:31 Հայաստան
Հունվարի 20-ին կմեկնարկեն բանաստեղծուհի Սիլվա Կապուտիկյանի ծննդյան 100-ամյակին նվիրված միջոցառումները

ՀՀ ՄՆ, Ե. Չարենցի անվան գրականության և արվեստի թանգարանի և նույն թանգարանի մասնաճյուղ Սիլվա Կապուտիկյանի տուն-թանգարանի նախաձեռնությամբ՝ հունվարի 20-ին, ժամը 13:00-ին կկազմակերպվի այցելություն բանաստեղծուհու շիրմին՝ Կոմիտասի անվան պանթեոն: Հունվարի 22-ին 15:00-ին, Հայաստանի գրողների միության դահլիճում տեղի կունենա գրական-գեղարվեստական հանդիսություն, որի ընթացքում կմարվեն Ս. Կապուտիկյանի հոբելյանի առթիվ թողարկված նամականիշերը, ինչպես նաև կներկայացվի «Մեղուները» խորագրով պատկերագիրքը:
Աղբյուր՝ ՀՀ ՄՆ

19:16 Հայաստան
ՀՀ փոխվարչապետ Տ. Ավինյանի հետ հանդիպմանն իտալական «Ռենկո» ընկերությն գլխավոր գործադիր տնօրեն Ջ. Ռուբինին նշել է,

որ անցած աշնանը տեղի ունեցած հանդիպումից հետո մեծ առաջընթաց է գրանցվել Երևանում նոր ՋԷԿ-ի կառուցման ուղղությամբ կատարվող աշխատանքներում, ավելի քան 187 փաստաթղթեր են ստորագրվել տարբեր գործընկերների և չորս միջազգային բանկերի հետ: «Ռենկոյի» գլխավոր տնօրենը նաև երախտագիտություն է հայտնել ներդրումային գործընթացի ընթացքում կառավարության ցուցաբերած աջակցության համար:
Աղբյուր՝ Փոխվարչապետ Տիգրան Ավինյանի գրասենյակ

18:59 Հայաստան
2018 թ. դեկտեմբերի 25-ի ՀՀ ԿԲ խորհրդի նիստը սկսվել է Իրավիճակային հաշվետվության ներկայացմամբ

Քննարկվել են գնաճի, արտաքին միջավայրի, իրական, հարկաբյուջետային և դրամավարկային հատվածների զարգացումները: Նիստին մասնակցել են ՀՀ ԿԲ նախագահ Ա. Ջավադյանը, ՀՀ ԿԲ նախագահի տեղակալներ Ն. Երիցյանը, Վ. Աբրահամյանը, խորհրդի անդամներ Ա. Մկրտչյանը, Ա. Ստեփանյանը և այլք: Արձանագրվել է, որ 2018 թ-ի նոյեմբերին ևս դիտվել է ամսվա սեզոնայնության համեմատ ցածր գնաճ՝ 1.0%, որը հիմնականում պայմանավորվել է «Միրգ» և «Բանջարեղեն» ապրանքախմբերի գների փոփոխություններով, որոնց ընդհանուր նպաստումը 12-ամսյա գնաճին կազմել է -0.3 տոկոսային կետ:
Մամուլի հաղորդագրություն

17:48 Հայաստան
ՀՀ Նախագահը հրամամանագիր է ստորագրել

Քրիստիան Տեր-Ստեփանյանին Միավորված ազգերի կրթական, գիտական և մշակութային կազմակերպությունում Հայաստանի Հանրապետության մշտական ներկայացուցիչ նշանակելու մասին (նստավայրը՝ Փարիզ):
Աղբյուր՝ mfa.am

17:25 Հայաստան
Հայոց Կաթողիկոսը Մայր Աթոռում ընդունել է ՀՀ- ում ՄԱԿ-ի մշտական համակարգող Շոմբի Շարփին՝ ուղեկցությամբ ՄԱԿ-ի մասնագիտացված գործակալությունների և ծրագրերի պատասխանատուների

Հանդիպմանը ներկա են եղել Մայր Աթոռի Վարչատնտեսական բաժնի տնօրեն, ԵՀԽ Հայաստանյան Կլոր Սեղան միջեկեղեցական բարեգործական հիմնադրամի հոգաբարձուների խորհրդի նախագահ Գերաշնորհ Տ. Մուշեղ եպիսկոպոս Բաբայանը և Կլոր Սեղան հիմնադրամի տնօրեն Կարեն Նազարյանը:Կարեն Նազարյանը կաթողիկոսին ներկայացրել է պրն. Շարփի գլխավորած պատվիրակությանը՝ մասնավոր անդրադարձ կատարելով Հայաստանում ՄԱԿ-ի գրասենյակի համագործակցությանը Մայր Աթոռի կառույցների և Կլոր Սեղան հիմնադրամի հետ և դրա հեռանկարներին:
Աղբյուր՝ Մայր Աթոռ Ս. Էջմիածին
 

Տեսանյութեր

Ռոբերտ Քոչարյանին կալանքի տակ պահելու ժամկետը երկու ամսով երկարաձգվեց
18:48 18/01/2019

Ռոբերտ Քոչարյանին կալանքի տակ պահելու ժամկետը երկու ամսով երկարաձգվեց

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}