Ձեր վստահելի աղբյուրը

Հայաստաում ԱՄՆ դեսպան Ռիչարդ Միլսը դիվանագիտական գործունեությունն ավարտելու առիթով հրաժեշտի հանդիպում ունեցավ ՀՀ-ում Ամերիկայի առևտրի պալատի ներկայացուցիչների հետ։

Մինչ դեսպանի հրաժեշտի զեկույցը՝ ՀԱԱՊ-ի նախագահ Արա Հովսեփյանն իր խոսքում նշեց. «Մենք կարողացել ենք ոչ միայն լավ արդյունքների հասնել, այլև կարողացել ենք ցույց տալ, թե ինչպես կարող է բիզնեսն աշխատել Հայաստանում։ Մենք նաև ցույց ենք տվել Հայաստանում շուկա մուտքի հնարավորությունը և պատրաստ ենք շարունակել աշխատել մեր գործընկերների հետ: Մենք կխթանենք առևտրի և ներդրումների շրջանակային համաձայնագրի ներքո ոււղղված աշխատանքը: Հայ ամերիկյան առևտրային պալատի 127 անդամները ունեն իրենց բիզնեսը և ամեն մեկը կարիք ունի խթանել, պաշտպանել ներկայացնել իր բիզնեսը և մեր կառույցը հոգ է տանում իր անդամների համար»։

Հովսեփյանը շեշտեց, որ ԱՄՆ ներդրումը շատ մեծ է Հայաստանի սոցիալ-քաղաքական և տնտեսական հարցերում։

Ռիչարդ Միլսն էլ իր ելույթում ընդգծեց, որ ՀԱԱՊ-ն այսօր դարձել է ավելի բազմանպատակ, գործարարների շահերն է պաշտպանում, խթանում է հայ- ամերիկյան հարաբերությունները։

Այնուհետև իր հրաժեշտի զեկույցում Միլսն ասաց, որ մեկնելուց առաջ ավելի շատ ցանկանում է խոսել այն գերակայություններից, որոնք եղել են իր պաշտոնավարման տարիների ընթացքում։

«Գերակայություններից մեկը Հայաստանի հետ կոռուպցիայի դեմ պայքարելու համար, երկրորդը՝ գերակայությունը Հայաստանի ժողովրդավարական հաստատությունների , մարդու իրավունքների և քաղաքացիական հասարակության ամրապնդումն էր: Սոցիալական հարթակներում շատ շահարկումներ հնչեցին, բայց ոչ ես, ոչ Միացյալ Նահանգների դեսպանատունը  չէինք կանխատեսել ապրի-մայիսյան իրադարձությունները, մարդիկ կարծում էին, որ Հայստանում կառավարությունը չի ներկայացնում ժողովրդի շահերը և այն թույլ է տալիս կոռուպցիա լինի, վտանգում է ժողովրդավարությունը. փոփոխության այս հանրային պահանջն օդում էր, զգացվում էր:  Մենք կարծում էինք, որ «Իմ քայլը» շարժումը կարող է փոփոխության գործակալ դառնալ։ Այժմ կա Հայաստան, որ այնքան մեծ հույսեր է ձևավորել շատ ու շատ հայերի մոտ: Նրանք, ովքեր ասում են, որ կա արտաքին ազդեցություն, նրանք ժխտում է են հայ ժողովրդի ազատ կամքը»,- ասաց Միլսը։

Նա նշեց, որ իրենք ցանկանում են օգնել Հայատանին, որպեսզի տեղական կայուն ինստիտուցիոնալ փոփոխություններ լինեն իրավական համակարգում, արդարադատության համակարգում, որպեսզի տեսնեն Հայաստան, որտեղ չկա կառուպցիա:

Դեսպանի խոսքով՝ իրենց մյուս գերակայությունը վերաբերում է բիզնես և առևտրային քաղաքականությանը, նպաստելու տնտեսական աճին Հայաստանում:

«Միացյալ Նահանգների դեսպանությունը աջակցել է տարբեր նախաձեռնությունների և մենք օգնել ենք, որպեսզի հետագա գործակցության նոր հնարավորություններ լինեն տարբեր ոլորտներում: ԱՄՆ-ից կա հետաքրքրություն Հայստանի տնտեսական ապագայի նկատմամբ։ Մենք ձգտում ենք խորացնել մեր երկկողմ համագործակցությունը Առևտրի և ներդրումների համաձայնագրի շրջանակում։ Այս համաձայնագրի օրինակը խոսում է մեր տնեսական հարաբերությունների ամրության մասին»,- ասաց դեսպանը։