Թուրքի առաջ կզել, եկել Երևանի կենտրոնում հայերից վրե՞ժ ես լուծում. Իշխան Սաղաթելյանը՝ Փաշինյանին
«Մեզ այսօր ասում են՝ իշխանության կռիվ եք տալիս, ուզում են գալ իշխանության։ Հաջորդ իշխանությունը, որ լինելու է, վայելք չէ, քրտնջան աշխատանք է, պատիժ է լինելու»,- «5-րդ ալիք» հեռուստաընկերության «Հարցազրույց» հաղորդման ժամանակ ասում է ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը։
Նա նշում է, որ այսօր Հայաստանն ունի հազարավոր վիրավորներ, հաշմանդամներ, զոհվածներ, փախստականներ, խայտառակ վիճակում գտնվող տնտեսություն, կորոնավիրուսային հիվանդություն, կորցրած Արցախ, ջարդված ողնաշարով ժողովուրդ։
«Այս իրավիճակում հաջորդ իշխանությունը շատ ծանր պայմաններում է աշխատելու։ Այս մարդիկ պարզապես չեն կարող, այս մարդիկ մեզ կմաշեցնեն, մեզ կտանեն վերջնականապես հյուծվան ու ոչնչացման։ Սա է այս հրատապության խնդիրը, որ այս մարդիկ պետք է հեռանան, երկրի քաղաքական իշխանությունը Փաշինյանի գլխավորությամբ պետք է վայրկյան առաջ հեռանա, որ փորձենք ստեղծված իրավիճակից ելքեր գտնենք»,- ասում է Ի. Սաղաթելյանը։
Խոսելով ՀՀ վարչապետի, Ադրբեջանի ու ՌԴ նախագահների համատեղ հայտարարության մասին, ՀՅԴ-ական գործիչը նշում է՝ հաշվի չեն առել, որ դիմացը կողմ կա, նման կարգի փաստաթուղթ են դրել հայկական կողմի առջև։
«Հայտարարություն է, պայմանների հետ մենք չենք կարող համակերպվել։ Պետք է գտնենք ելքեր, որովհետև սա նաև ենթադրում է վաղը, մյուսը օրը ավելի լայն պայմանագիր, դետալների համաձայնեցում։ Նիկոլ Փաշինյանի հաջորդ իշխանությանը, ժողովրդին, փաստի առաջ դրել է, բայց պետք է փորձենք գտնել լուծումներ։ Կարծում եմ՝ հնարավոր է, որովհետև այս պայմանագրի հետ համակերպվել հնարավոր չէ։ Մենք մնում ենք վտանգավոր օղակի մեջ, բայց չենք ուզում հուսահատական կոչեր հնչեցնել։ Ելք գտնենք, վերակազմակերպվենք, ստեղծենք ազգային պետություն, իշխանություն, մեր առջև դրված խնդիրները դժվար է լինելու, բայց լուծելի»,- ասում է Ի. Սաղաթելյանը։
Նրա ներկայացմամբ, Ն.Փաշինյանի հրաժարականին պետք է հաջորդի ժամանակավոր ազգային համաձայնության կառավարության ստեղծումը. «Քանի որ ժամանակի խնդիր կա, այս Ազգային ժողովը կձևավորի ժամանակավոր ազգային համաձայնության կառավարություն, կարճ ժամանակ անց տեղի կունենա խորհրդարանական ընտրություններ, հասարակությունն իր քվեով կձևավորի նոր որակի իշխանություն։
Այս պատգամավորներն, իրոք, անհարմար վիճակի մեջ են, տեղյակ, մասնակից չլինելով, բայց պատասխանատվություն են կրում։ Իրենք ևս իրենց մեջ պետք է կամք, վճռականության գտնեն, գիտակցեն իրենց պատասախանատվությունը, չթողեին, որ մենք սա նախաձեռնեինք։
Նախ Նիկոլ Փաշինյանը չպետք է թողեր, ունենար արժանապատվություն, մի փոքր մտածեր մեր պետության, ժողովրդի մասին, երկու ձեռքով չկառչեր աթոռին, խելագարի պետ կոչեր չաներ։ Ի՞նչ է նշանակում՝ վրեժ ենք լուծելու։ Է թուրքից վրեժ լուծեիր, գնացել, թուրքի հետ ստորացուցիչ պայմանագիր ես կնքել, եկել Երևանի կենտրոնում հայերից վրե՞ժ ես լուծում։ Ու սա պետք է հանդուրժի՞ այս ժողովուրդը, ու սրա հետ մենք պետք է համակերպվե՞նք։ Թուրքի առաջ կզել է, եկել Երևանում հայերից վրեժ է լուծում այս մարդը։ Հետևաբար, քաղաքական մեծամասնությունը պետք է հասկանար իր պատասախանատվության չափը, րոպե առաջ պետք է նախաձեռներ»։
Հարակից հրապարակումներ`
- Վանեցյան. Նիկոլ Փաշինյանի ճակատին ամբողջ կյանքում դաջվեց դավաճանի պիտակը
- Ոստիկանությունը հանկարծ չփորձի որևէ քայլ ձեռնարկի խաղաղ հանրահավաքի դեմ. ՀՅԴ ԳՄ ներկայացուցիչ
- Արթուր Վանեցյան. Հայտնի օլիգարխների թիկնապահներին ԱԱԾ համազգեստ են հագցնում, որ ընդդիմադիրներին ձերբակալեն
- Իշխան Սաղաթելյան. Հայաստանի արժանապատիվ քաղաքացին չի կարող հանդուրժել թուրքի առաջ կզած առաջնորդի
- Արթուր Վանեցյան. Նիկոլ Փաշինյանը քրոնիկ ստախոս է, ստում է ցանկացած առիթով
- Փաշինյանն այս պատերազմի ողջ ընթացքում միշտ մտածել է իր իշխանության պահպանության համար. Իշխան Սաղաթելյան
- Կարեն Բեքարյան. Համազգային խայտառակության ժամանակացույցի հաջորդ հանգրվանին մնացել է 4 օր, հապաղելու ժամանակ չունենք
- Արթուր Վանեցյան. Միակ մեղավորը Հայաստանում այսօր պաշտոնավարող դավաճանների խմբակն է
- Փաշինյանը փորձում է բացատրել՝ թե ինչու հայ հասարակությանը տեղյակ չի պահել տարածքների հանձնման մասին
- Հրանտ Մելիք-Շահնազարյան. Պետք է հենց հիմա սկսենք մտածել երկրի նոր իշխանության մասին
Լրահոս
Տեսանյութեր
Ոստիկանները Բագրատ Սրբազանին և ԱԺ պատգամավորներին թույլ չեն տալիս մուտք գործել Կիրանց