![](https://panorama.am/news_images/5/13287_1/f55c4aa997cbf7_55c4aa997cfdd.thumb.jpg)
Հայաստանը պարտքային ճգնաժամ ունեցող երկրների ցանկում է
Հայաստանն արդեն իսկ գտնվում է պարտքային ճգնաժամի մեջ: Այս գնահատականը տրվել է բրիտանական Jubilee Debt Campaign կազմակերպության կողմից նախօրեին հրապարակված պետական պարտքի վեաբերյալ նոր հետազոտության մեջ, որը ցույց է տալիս երկրների արտաքին ֆինանսական հոսքերի վիճակը և երկրների ռիսկայնությունը` ըստ արտաքին պարտքի ծավալի:
Jubilee Debt Campaign-ի հետազոտության արդյունքները ցույց է տալիս, որ բացի Հունաստանից ավելի քան 20 երկրներ նույնպես պայքարում են իրենց պարտքային ճգնաժամերը հաղթահարելու ուղղությամբ: Բացի դրանից` շուրջ 29 երկրներ գտնվում են արտաքին պետական պարտքային ռիսկի գոտում, որտեղ տնտեսության անկումը կամ տոկոսադրույքների հանկարծակի փոփոխությունը կարող են աղետալի հետևանքների հանգեցնել:
Հետազոտության մեջ պարտքային ճգնաժամի բարձր ռիսկ ունեցող երկիր է համարում այն երկիրը, որի զուտ պարտքը անցնում է ՀՆԱ 30 տոկոսից, ընթացիկ գործարքների հաշվի դեֆիցիտը անցնում է ՀՆԱ 5 տոկոսից, իսկ պարտքի մարման ապագան կազմում է պետական եկամուտների ավելի քան 10 տոկոսը:
Ներկայումս Հունաստանից բացի արտաքին պարտքի լուրջ խնդիրներ ունեն Հայաստանը, Ուկրաինան, Կիպրոսը, Իռլանդիան, Իսպանիան, Պորտուգալիան, Չեռնոգորիա, Լիբանանը, Մակեդոնիան, Խորվաթիան, Թունիսը և այլն:
Հետազոտության մեջ անդրադարձ է կատարվել նաև այն երկրներին, որտեղ մասնավոր հատվածը գտնվում է պարտքային ճգնաժամի ռիսկի գոտում: Այդ երկրների թվում են Ավստրալիան, Բելառուսը, Բրազիլիան, Հունաստանը, Թուրքիան և Մեծ բրիտանիան:
Լրահոս
Տեսանյութեր
![Այս անգամ նույն սխալը չգործենք. Միքայել Սրբազան](https://panorama.am/video_images/16/47564_1/f6637a7eda42b0_6637a7eda42f0.png)
![Հայաստանի և Արցախի դրոշներով քոչարի՝ Երևան-Սևան ճանապարհին](https://panorama.am/video_images/16/47550_1/f66379c0ca3b56_66379c0ca3b9f.png)
![«Կամ իրենք, կամ մենք». Զոհված զինծառայողի հայր](https://panorama.am/video_images/16/47531_1/f6636553174f1c_6636553174f4e.jpg)
![4 տարի սպասել ենք այս օրվան. Զոհված զինծառայողի մայր](https://panorama.am/video_images/16/47528_1/f663654ca96e5e_663654ca96e9e.jpg)
![Քայլերթ Կիրանցից դեպի Երևան. մեկնարկը տրվեց աղոթքով](https://panorama.am/video_images/16/47518_1/f663636f113d66_663636f113da6.jpg)
![Սա չհայտարարված կապիտուլյացիա է. Գառնիկ Դանիելյան](https://panorama.am/video_images/16/47514_1/f66363048749f1_6636304874a32.jpg)