Եվրոպական խորհրդարանն Հունգարիայի դեմ սկսեց պատժամիջացների աննախադեպ գործընթաց
Եվրոպական խորհրդարանը նախօրեին՝ սեպտեմբերի 12-ին, ճնշող մեծամասնությամբ կողմ քվեարկեց ընդդեմ Հունգարիայի՝ վարչապետ Վիկտոր Օրբանի կողմից միգրացիայի, մամուլի ազատության ու օրենքի գերակայության հետ կապված ԵՄ արժեքներին ու կանոնակարգերին նետված մարտահրավերի պատճառով, որը շարունակվում է արդեն տարիներ։
Պատգամավորներից 448 կողմ քվեարկեցին Լիսբոնյան պայմանագրի «հոդված 7»-ը Հունգարիայի նկատմամբ կիրառելուն, 197-ը՝ դեմ, 48-ը՝ ձեռնպահ։ Այս գործընթացով Եվրոպական խորհրդարանը Հունգարիայի հարցը փոխանցում է ԵՄ անդամ երկրներին՝ ստուգելու երկրում ժողովրդավարության «առողջությունը»։ Հոդված 7-ը մեխանիզմ է, որը «ապահովում է ԵՄ անդամ երկրների կողմից Եվրամիության ընդհանուր արժեքների հարգումը»։
Այս պրոցեդուրան արդեն կիրառվել է Լեհաստանի նկատմամբ՝ Եվրոպական հանձնաժողովի կողմից։
Քվեարկությամբ Եվրոպական խորհրդարանն աջակցություն հայտնեց կանաչների խմբի պատգամավոր Ջուդիթ Սարջենտինիի զեկույցին։ Հունգարիայում ժողովրդավարության վատթարացման վերաբերյալ սա երկրորդ զեկույցն էր, առաջինը Եվրոպական խորհրդարանն ընդունել է 2013թ.-ին, սակայն կոչ չէր արել դիմել պատժամիջոցների։
Այժմ արդեն ԵՄ-ում Ավստրիայի նախագահությունը պետք է որոշի գործընթաց սկսել՝ ուսումնասիրելու, թե արդյոք Հունգարիայի կառավարությունը խախտել է ԵՄ արժեքներն ու կոնոնակարգերը, որը կարող է հանգեցնել երկրի նկատմամբ պատժամիջոցների սահմանմանն ու քվեարկության իրավունքի կասեցմանը։
Պատգամավոր, Վիկտոր Օրբանի մտերիմ խորհրդական Ժոզեֆ Սզաջերը Եվրոպական խորհրդարանի այս որոշումն անվանել է ներգաղթին կողմ քաղաքական գործիչների կողմից «փոքր վրեժխնդրություն»։
Նշենք, որ Օրբանը հանդես էր գալիս ԵՄ միգրացիոն քաղաքականության քննադատությամբ, մինչ Հունգարիայի առաջնորդին մեղադրում էին միգրանտների նկատմամբ կոպիտ վերաբերմունքի մեջ։