Ձեր վստահելի աղբյուրը

ԱԺ հարցուպատասխանի ժամին, մինչև «Իմ քայլը» խմբակցության պատգամավոր Տաթևիկ Հայրապետյանին հարցին արձագանքելը, պաշտպանության նախարար Դավիթ Տոնոյանը խնդրեց մեկ րոպե լռությամբ հարգել այսօր սահմանին զոհված զինծառայողի հիշատակը:

Նախարարը հայտնեց, որ Ադրբեջանի ԶՈւ-ն  իրականացնում է ամրաշինական աշխատանք, որպեսզի որոշակիորն չեզոքացնի  հայկական դիքապահների և դիրքերի գերակայությունը և առավելությունը և այդ պատճառով օգտագործում է տարբեր տրամաչափերի զենք: Ըստ նախարարի,  արդեն երկու շաբաթ է, ինչ այս իրավիճակն է:

«Մենք տեղեկատվական զսպվածություն էինք ցուցաբերել, երեկ ադրբեանցիները, ունենալով վիրավոր,  ահազանգեցի այս խնդրի վերաբերյալ»,- հայտնեց նախարարը և հավելեց, որ ամբողջ այս տեղեկատվությունը տրամադրվում է համանախագահներին, ԵԱՀԿ նախագահի հատուկ ներկայացուցչին:

«Մենք մի քանի անգամ զգուշացրել ենք, որ առկա չէ այս իրավիճակի ոչ պատշաճ զարգացումների ռիսկերի նվազեցման որևէ մեխանիզմ»,- շեշտեց ՀՀ պաշտպանության նախարարը:

Ցավով արձանագրելով, որ հայկական կողմն այսօր զոհ է ունեցել՝ Դավիթ Տոնոյանը շեշտեց, որ համապատասխան միջոցներ են ձեռնարկվում:

«Ադրբեջանի պաշտպանության նախարարությունը հայտնել է իր մտահոգությունը, բարձրացրել է զգոնությունը: Այդ մտահոգությունները մեր համար կանխատեսելի էին, որովհետև համապատասխան գործողություններ են իրականացվելու»,- հայտարարեց Դավիթ Տոնոյանը:

Պաշտպանության նախարարը հայտնեց, որ հուլիսյան գործողությունների դադարից հետո սահմանի տվյալ ուղղությամբ հրադադարի խախտումները կրկնակի ավելացել են:

«Հույս ունենք, որ մեր ԶՈՒ համապատասխան գործողությունների արդյունքում դադարը պահպանվելու է և նպաստելու է բանակցային գործընթացին: Համոզված եղեք, որ գործողություններն համարժեք են լինելու»,- հայտարարեց Դավիթ Տոնոյանը: