Ձեր վստահելի աղբյուրը

Օրինաց երկիր խմբակցության ղեկավար Հեղինե Բիշարյանը հանդես է եկել էլեկտրաէներգիայի թանկացման վերաբերյալ հայտարարությամբ, ընդգծելով, որ այս ծանրագույն սոցիալ-տնտեսական պայմաններում հերթական անգամ էլեկտրաէներգիայի թանկացումը անդառնալի ու աղետալի հետևանքներ է ունենալու առանց այն էլ կաթվածահար եղած տնտեսության վրա: Բիշարյանը ֆեյբուքյան էջում գրել է, որ Օրինաց երկիրը դեմ է էլեկտրաէներգիայի չհիմնավորված թանկացմանը և պայքարելու է դա թույլ չտալու համար:

«Անցած տարվա օգոստոսի 1-ից հոսանքի սակագնի, ինչպես նաև դրա հետ փոխկապակցված ապրանքատեսակների թանկացումը բարդ խնդիրների առջև կանգնեցրեց մարդկանց:

Հայաստանում, ուր աղքատ է համարվում ամեն երրորդ բնակիչը, էլեկտրաէներգիայի և մյուս ապրանքատեսակների թանկացումը արտագաղթի տեմպերի աճի նոր առիթ հանդիսացավ, քանի որ ամեն մի թանկացում ազդում է ժողովրդի կենսամակարդակի և տրամադրությունների վրա: Վերջին տարվա ընթացքում երկրից հեռացան հազարավոր մարդիկ, ովքեր այդպես էլ չտեսան ապագա ու չգտան հնարավորություն իրենց ընտանիքների բարեկեցիկ կյանքն ապահովելու համար: Որևէ մեկին այլևս չի հետաքրքրում այն հարցը, թե ինչո՞ւ են մարդիկ արտագաղթում Հայաստանից, քանի որ պատասխանը շատ պարզ է ու հայտնի: Պարզապես ցավալին այն է, որ երկրում մնացած, բայց արտագաղթելու մտադրություն ունեցողների զգալի մասը չի հավատում իր ու իր զավակների լավ ապագային:

Չգիտեմ, կա՞ արդյոք մեկ այլ երկիր, որտեղ կոմունալ վճարների մուծումը մարդկանց համար դարձած լինի չարիք: Մենք անընդունելի ենք համարում մարդկանց կենսամակարդակը շարունակաբար վատթարացնող քայլերը, մասնավորապես էլեկտրաէներգիայի սակագնի հերթական թանկացումն իր հերթին անխուսափելիորեն կբերի լայն սպառման ապրանքների նոր թանկացումների: Իսկ Հայաստանի Էլեկտրական Ցանցերի կողմից Հանրային ծառայությունները կարգավորող Հանձնաժողովին ներկայացրած հիմնավորումները վստահ եմ կրկին անգամ փաստարկված չեն: Բազմաթիվ փաստերի համադրումը, վերլուծությունը, մասնագետների հաշվարկները ցույց են տալիս, որ էլեկտրաէներգիայի սակագնի բարձրացումը հիմնավորված չէ և անհրաժեշտ է թույլ չտալ սակագների բարձրացում:

Առանց հերթական թանկացումների էլ Հայաստանի տնտեսությունը շնչահեղձ է լինում: Օտարերկրյա ներդրումներ գրեթե չկան, մենաշնորհային տնտեսության զարգացման արդյունքում մի քանի հարուստներ էլ ավելի են հարստանում, աղքատներն էլ ավելի աղքատանում: Աղետալի չափերի հասնող գործազրկությունը, առաջին անհրաժեշտության ապրանքների շարունակաբար թանկացումները լուրջ սպառնալիք են դարձել մեր ժողովրդի համար: Պետք է դադարեցնել մտնել մարդկանց գրպանը: ՀԷՑ-երի պարտքերի ու կորուստների համար ինչո՞ւ պետք է վճարի սպառողը: Դա էլ այն դեպքում, երբ հայտնի են այդ կորուստների հասցեատերերը՝ այսպես ասած լևի գծեր ունեցողները: Հասարակ քաղաքացին ի՞նչ կապ ունի այս ամենի հետ: Կուտակված խնդիրները ի զորու է լուծել այն իշխանությունը, որն ունի երկրի կարճաժամկետ և երկարաժամկետ զարգացման ռազմավարություն, այն կառավարությունը, որն իրականացնում է հավակնոտ, թիրախավորված ծրագիր և արդյունքին միտված քաղաքականություն:

Այս ծանրագույն սոցիալ-տնտեսական պայմաններում հերթական անգամ էլեկտրաէներգիայի թանկացումը անդառնալի ու աղետալի հետևանքներ է ունենալու առանց այն էլ կաթվածահար եղած տնտեսության և իր գոյությունը մի կերպ պահող հարյուր հազարավոր մեր հայրենակիցների վրա, որոնց ուսերին ավելանում են վարկեր ու վարկեր: Օրինաց երկիրը դեմ է էլեկտրաէներգիայի չհիմնավորված թանկացմանը և պայքարելու է դա թույլ չտալու համար»,-գրել է Բիշարյանը:

Նախորդող հրապարկում՝
Էլեկտրաէներգիայի թանկացման դեմ հաջորդ հավաքը հունիսի 19-ին է. Իսպիրյանը դեմ է
Ազատության հրապարակում մեկնարկում է էլեկտրաէներգիայի թանկացման դեմ երթը
Օպերայի տնօրինությունը հրաժարվում է էլեկտրաէներգիայի թանկացման դեմ հավաքի համար էլեկտրաէներգիա տրամադրել
«Քաղաքական ենթատեքստ եմ տեսնում». տնտեսագետը՝ Էլէներգիայի սակագնի մասին
«Սենսացիա չկա». ՀԷՑ-ն ուղղել է էլէներգիայի սակագնի մասին հայտում տեղ գտած անճշտությունները
Սպառողը չպիտի վճարի գողության համար. Դավիթ Հարությունյան
«Հոսանքի թանկացումն ավելի է աղքատացնելու առանց այն էլ աղքատ ժողովրդին». բողոքի ակցիա ՀԾԿՀ շենքի դիմաց
Բողոքի ակցիա կառավարության դիմաց՝ ընդդեմ էլեկտրաէներգիայի թանկացման
«Ոչ թալանին» քաղաքացիական նախաձեռնությունը հայտարարում է իրազեկման ավտոերթի մասին
Բողոքի մեծ երթ՝ ընդդեմ էլեկտրաէներգիայի թանկացման
Էլեկտրաէներգիայի հնարավոր թանկացման դեմ ՀԱԿ-ը ստորագրահավաք է նախաձեռնել ԱԺ-ում
Էլեկտրաէներգիայի թանկացման դեմ փողոցային պայքարը միակ ճնշող ճանապարհն է. Հանրային քննարկում
«Ոչ թալանին» նախաձեռնությունը կպայքարի էլեկտրաէներգիայի թանկացման դեմ
Այսօրվա հայտն ինձ համար որևէ հիմք չի կարող հանդիսանալ. Ռ.Նազարյանը՝ էլեկտրաէներգիայի սակագնի թանկացման հայտի մասին 
Դժբախտաբար, ամեն ինչ մեզանից կախված չէ. Զախարյանը՝ էլէներգիայի սակագնի մասին