Սամվել Բաբայանն օրհասական խնդիր է համարում Բակո Սահակյանի հրաժարականը
Սամվել Բաբայանի գրասենյակը տարածել է հայտարարություն՝ կոչ անելով պահանջել Արցախի Հանրապետության գործող նախագահ Բակո Սահակյանի հրաժարականը։
«Բոլոր քաղաքական ուժերը պետք է գիտակցեն, որ եթե մենք ուզում ենք ազատ ու արդար ընտրություններ, ապա մեզ համար օրհասական խնդիր պիտի դառնա հակասահմանադրական ճանապարհով երրորդ անգամ նախագահ դարձած Բակո Սահակյանի հրաժարականը, այլապես նրանք նորից վերարտադրվելու են՝ օգտագործելով իրենց բոլոր ռեսուրսները։ Իսկ իրենց ռեսուրսները իրենք միանշանակ կապահովեն ԿԸՀ կողմից հապճեպ նշանակված ՏԻՄ ընտրությունների անցկացումից հետո, երբ տեղերում հաստատելով իրենց մարդկանց, այն 30-40 000 Արցախում գրանցված, բայց արդեն երկար տարիներ այնտեղ չբնակվող մարդկանց անուններից լցոնումներ կապահովեն և կանցնեն այն ուժերը, որոնք իրենց համար ավելի գերադասելի են։ Ուստի այլևս անիմաստ է դառնում պայքարել, որ ԱԺ անցնելու շեմը իջեցվի հինգ տոկոսից երեքի, քանի որ բացահայտելով այս 30 000-40 000 լցոնումները և դրանք չեզոքացնելով, ցանկացած ուժ կարող է իր հինգ տոկոսով անցնել խորհրդարան»,-ասված է գրասենյակի տարածած հայտարարության մեջ։
Գրասենյակը նշում է, որ հետայսու մեր թիմը նաև միանում է այն ուժերին, ովքեր օրվա հրամայական են դարձրել ներկա իշխանությունների հրաժարականը և գնալու են դեպի ազատ ու արդար ընտրություններ, որն էլ իր հերթին կձևավորի հասուն քաղաքական դաշտ ու առողջ հասարակություն։
Ինչ վերաբերում է մամուլի այն հրապարակմանը, թե Բաբայանը «դաբրո»-ի է սպասում, ապա գրասենյակից նշում են.
«Այսօր ողջ կյանքը միայն «դաբրոներով» ապրած մի քանի լրատվականներում տեղ գտած «նահանջող» վերնագրերով հոդվածները կրկին մեկի կամ մի քանիսի դաբրոյին արժանացել էին։ Բայց հոդվածագիրը հաշվի չէր առել, որ դեռ ԱԺ կամ Գերագույն դատարանը չեն հաստատել ստորագրահավաքի նախագիծը, իրավունք դեռ չի տրվել Սամվել Բաբայանին մասնակցելու ընտրություններին, ապա ինչ է նշանակում նահանջել, ինչի՞ց նահանջել, կամ ի՞նչ դաբրոյի սպասել։ Դուք պիտի դաբրոյի սպասեք ընդունեք, թե չընդունեք, դաբրոները ձեր ոճին են համահունչ։ Երբ կհաստատվի նախագիծը ու Սամվել Բաբայանը հետ կկանգնի, այն ժամանակ նահանջից ու դաբրոներից կխոսենք։ Ամոթ է, գոնե մի նախապատրաստեք մարդկանց, որ նախագիծը չեք ընդունելու և դա փորձեք անգրագետ մեկնաբանությունով հրամցնել հասարակությանը։ Նահանջներն ու դաբրոները խորթ են մեզ այնքան, ինչքան ձեզ դաբրո տվողի սեփական միտք ու գաղափար ունենալը»։
Հարակից հրապարակումներ`
- Բակո Սահակյան. Առանց աղմկոտ դրսևորումների կարգի ենք բերելու անօրինական ճանապարհ ընտրածներին
- «Իրատես». «Սամվել Բաբայանի թիմում անորոշությունը գնալով խորանում է
- «Փաստ». Սամվել Բաբայանի գրասենյակում չեն թաքցնում, որ շատ բան կախված է վարչապետ Փաշինյանի՝ Արցախ կատարելիք այցից
- «Փաստ». Սամվել Բաբայանի կողմնակիցները փորձում են ահաբեկել և սպառնալիքների միջոցով մարդկանց ակտիվացնել
- «Ժամանակ». Սամվել Բաբայանը համաձայնո՞ւմ է չմասնակցել նախագահական ընտրություններին
- Սամվել Բաբայան. Մեզ հաջողվեց բացահայտել մեռած հոգիների 30 հազարանոց ընտրողների ցուցակ
Լրահոս
Տեսանյութեր
Բագրատ Սրբազանի գլխավորած երթը դեպի Երևան շարունակվում է
